2 Каднебӧг 34:4 - Коми Библия 2023

⁴ Иосейлӧн тшӧктӧм серти жуглісны Вааллысь висьпуктанінъяс да на весьтын сулалысь тшынӧдчан висьпуктанінъяс. Юрбитан пуяс пӧрӧдісны, идолъясӧс да бӧлбанъясӧс жуглісны торпыригӧдз, а торпыригъяссӧ шыблалісны сійӧ йӧзыслӧн дзебанінъяс вылӧ, кодъяс вайлісны идолъяслы вись.

2 Каднебӧг 34:4 Referans Kwoze

Петӧм 32:20

Сійӧ босьтіс киӧн вӧчӧм ӧшнысӧ да сотіс биын. Ниртіс сійӧс пызьӧдз да койыштіс ваӧ, а васӧ тшӧктіс юны Израиль пиянлы.

Левит 26:30

Вись ваян мылькъяснытӧ Ме бырӧда, тшынӧдчан висьпуктанінъястӧ жугла, шойяснытӧ шыблала жуглӧм бӧлбанъясныд вылӧ. Ті лоанныд Меным зывӧкӧсь.

Исай 27:9

Яковлысь мыжсӧ лоӧ вештӧма. Изйысь вӧчӧм висьпуктанінъяссӧ сійӧ жуглас торпыригӧдз, Израиль муын оз нин кутны сулавны юрбитан пуяс да тшынӧдчан висьпуктанінъяс. Тадзи тыдовтчас Яковлӧн олӧмын, мый сылысь мыжъяссӧ вештӧма.

2 Каднебӧг 34:7

Иосей жугліс висьпуктанінъяс да пӧрӧдіс юрбитан пуяс. Израиль му пасьтала сійӧ торпыригӧдз жугліс бӧлбанъясӧс, пӧрӧдіс тшынӧдчан висьпуктанінъяс, сэсся бӧр бергӧдчис Ерусалимӧ.

2 Каднебӧг 33:3

Манассей выльысь вӧчис вись ваян мылькъяс, кодъясӧс бырӧдліс Езекей батьыс. Лэптіс Ваал идолъяслы висьпуктанінъяс, сувтӧдіс юрбитан пуяс, юрбитіс енэжвыв вынъяслы.

2 Каднебӧг 14:5

Иудаса став карысь сійӧ бырӧдіс вись ваян мылькъяс да тшынӧдчан висьпуктанінъяс. Аса ӧксылӧн веськӧдлан кадӧ Иуда муын овсис лӧня.

Индӧд 9:21

Ті мыжминныд, мый вӧчинныд ӧшкӧс. Ме босьті тайӧ ӧшсӧ да соті биын, сэсся пызьӧдз ныри да койышті керӧс вывсянь визувтысь шорӧ.

Индӧд 7:25

Сотӧй налысь бӧлбанъяссӧ да энӧ ыштӧй тайӧ бӧлбанъяссӧ эжӧм зарни-эзысь вылӧ. Нинӧм энӧ босьтӧй аслыныд, медым энӧ шедӧй налькйӧ, ӧд тайӧ Господьлы, тіян Енлы, зывӧк.

Индӧд 7:5

Со мый колӧ вӧчны: жуглӧй налысь висьпуктанінъяссӧ, пасьвартӧй юрбитан изъяссӧ, кералӧй юрбитан пуяссӧ да биын сотӧй бӧлбанъяссӧ.

Петӧм 23:24

Энӧ копрасьӧй-юрбитӧй налӧн енъяслы, энӧ олӧй на моз. Бырӧдӧй налысь енъяссӧ, жуглӧй налысь юрбитан изъяссӧ.

Петӧм 34:13

Налысь висьпуктанінъяссӧ жуглӧй, юрбитан изъяссӧ пасьвартӧй, юрбитан пуяссӧ кералӧй [да бӧлбанъяссӧ биын сотӧй].

2 Каднебӧг 33:22

Манассей батьыс моз Амон вӧчис Господь водзын шогмытӧмсӧ. Амон юрбитіс да вайліс висьяс идолъяслы, кодъясӧс вӧчис сылӧн Манассей батьыс.

Микей 1:5

Яковлӧн лёкас вӧйӧм вӧсна, Израиль войтырлӧн мыж вӧсна ставыс тайӧ лоӧ. Коді мыжа Яковлӧн лёк вӧчӧмысь? Абу-ӧ Самария? Коді мыжа, мый Иуда муын кыптісны вись ваян мылькъяс? Абу-ӧ Ерусалим?

Ӧксыяслӧн 3 небӧг 13:2

Сійӧ горӧдӧмӧн шуис висьпуктанінлы Господьлысь кывсӧ: «Висьпуктанін, висьпуктанін! Господь тадзи висьталӧ: ”Давид рӧдын чужас Иосей нима пи. Мылькъяс вылын кесъялысь попъясӧс сійӧ ваяс вись пыдди тэ вылын, сотас тэ вылын тшынӧдчысьяслысь лыяссӧ”».

2 Каднебӧг 30:14

Найӧ петкӧдісны Ерусалимысь идолъяслы сувтӧдӧм висьпуктанінъяс да тшынӧдчан висьпуктанінъяс, жугӧдісны да шыбитісны найӧс Кедрон ковтысӧ.

2 Каднебӧг 31:1

Гажӧдчӧм бӧрын став Израиль войтырыс разӧдчис иудаса каръясӧ. Найӧ жуглісны юрбитан изъяс, пӧрӧдісны юрбитан пуяс, пазӧдісны вись ваян мылькъяс да висьпуктанінъяс став Иуда му пасьталаысь, тшӧтш Венямин, Ефрем да Манассей чужанкотыръяслӧн муысь. Та бӧрти Израиль войтырысь быдӧн бӧр муніс аслас муӧ да карӧ.

2 Каднебӧг 34:33

Израиль войтырлӧн му пасьталаысь Иосей бырӧдіс став зывӧк идолсӧ да Израиль муын олысьяслы тшӧктіс юрбитны Господьлы, асланыс Енлы. Иосейлӧн олан кадӧ найӧ эз кежлыны Господьысь, асланыс батьяслӧн Енмысь.