2 Каднебӧг 34:33 - Коми Библия 2023

³³ Израиль войтырлӧн му пасьталаысь Иосей бырӧдіс став зывӧк идолсӧ да Израиль муын олысьяслы тшӧктіс юрбитны Господьлы, асланыс Енлы. Иосейлӧн олан кадӧ найӧ эз кежлыны Господьысь, асланыс батьяслӧн Енмысь.

2 Каднебӧг 34:33 Referans Kwoze

Нав Исус 24:31

Израиль войтыр кесъяліс Господьлы Нав Исус дырйи да сы бӧрын олысь юрнуӧдысьяс дырйи, кодъяс аддзылісны Господьлысь Израильлы вӧчӧм уджъяссӧ.

Осий 6:4

– Мый Меным вӧчны тэкӧд, Ефрем, мый Меным вӧчны тэкӧд, Иуда? Ме дінӧ тіян муслунныд асъя ру кодь, ӧдйӧ бырысь лысва кодь.

Еремей 3:10

Но весиг та бӧрын Иуда, Израильлӧн ылӧдчысь чойыс, эз сьӧлӧмсяньыс бергӧдчы Ме дінӧ, а сӧмын ылӧдчис», – висьталӧ Господь.

2 Каднебӧг 34:32

Ӧксы тшӧктіс ставныслы, кодъяс вӧліны Ерусалимын, тшӧтш Венямин чужанкотырлы, вынсьӧдны йитӧдсӧ. Ерусалимын олысьяс пондісны овны йитӧд серти, мый налӧн батьяслӧн Ен кӧрталіс накӧд.

Еремей 4:1

– Израиль, тэ кӧ бергӧдчан, – висьталӧ Господь, – тэ кӧ бергӧдчан Ме дінӧ да вештан Менам син водзысь зывӧк идолъястӧ, сэки дугдан шӧйтнытӧ.