2 Каднебӧг 33:7 - Коми Библия 2023

⁷ Манассей вӧчӧдіс бӧлбанӧс да сувтӧдіс сійӧс Енлӧн крамӧ, мый йылысь Ен шуліс на Давидлы да сылӧн Соломон пилы: «Тайӧ крамас да Ерусалим карын, мый Ме бӧрйи Израиль чужанкотыръяслӧн став карыс пӧвстысь, лоас Менам нимӧй нэмъяс чӧж.

2 Каднебӧг 33:7 Referans Kwoze

2 Каднебӧг 33:4

Манассей сувтӧдіс идолъяслы висьпуктанінъяс тшӧтш Господьлӧн крамӧ, мый йылысь Господь шуліс, Ерусалимын пӧ лоас Менам нимӧйлы оланін нэмъяс чӧж.

2 Каднебӧг 7:16

Ме бӧрйи да вежӧді тайӧ крамсӧ, медым сэні пыр вӧлі Менам нимӧй. Менам синмӧй пыр кутас видзӧдны сы вылӧ, сійӧ пыр лоӧ Менам сьӧлӧмын.

2 Каднебӧг 33:15

Господьлӧн крамысь Манассей шыбитіс сэтчӧ сувтӧдӧм бӧлбанӧс да мукӧд войтыръяслысь енъяссӧ. Сійӧ жугӧдіс висьпуктанінъяс, мый вӧлі сувтӧдӧма крамса керӧс вылӧ да Ерусалим карын мукӧдлаӧ, сэсся шыбитіс найӧс кар сайӧ.

2 Каднебӧг 6:6

А ӧні Ме бӧрйи Ерусалим кар, медым сэні вӧлі Менам нимӧй. Ме бӧрйи Давидӧс, медым сійӧ веськӧдліс Менам Израиль войтырӧн”.

Ӧксыяслӧн 4 небӧг 23:6

Сійӧ петкӧдіс Астарта бӧлбанӧс Господьлӧн крамысь Ерусалим кар сайӧ Кедрон ковтысӧ да сотіс сэні. Сэсся пызьӧдз нырис, а пызьсӧ койыштіс шойна вылӧ.

Ӧксыяслӧн 3 небӧг 11:32

Ӧти чужанкотыр Ме коля Соломонлы Давид батьыс вӧсна да Ерусалим кар вӧсна, мый Ме бӧрйи Израиль чужанкотыръяслӧн став карыс пӧвстысь.

Ӧксыяслӧн 3 небӧг 11:13

но ог ставнас. Ерусалим кар вӧсна, мый Ме бӧрйи, да Аслам Давид кесйӧгӧй вӧсна Ме коля пиыдлы ӧти чужанкотыр».

Ӧксыяслӧн 3 небӧг 8:48

и став сьӧлӧмсяньныс кӧ шыасясны Тэ дінӧ вӧрӧг муын, кытчӧ найӧс нуӧдісны, пондасны кевмысьны Тэныд да кевмысиганыс бергӧдчасны асланыс мулань, мый Тэ сетін налӧн батьяслы, карлань, мый Тэ бӧрйин, да крамлань, мый ме лэпті Тэныд,

Ӧксыяслӧн 3 небӧг 8:44

Тэнад тшӧктӧм серти кӧ Тэнад войтырыд тышӧ петас вӧрӧглы паныд, кутас кевмысьны Тэныд, Господьӧй, да бергӧдчас Тэнад бӧрйӧм карлань да крамлань, мый ме лэпті Тэныд,

Ӧксыяслӧн 3 небӧг 8:29

Тэнад синмыд мед лун и вой видзӧдас тайӧ крамыс вылӧ. Тэ ӧд шулін, мый Тэнад нимыд лоас сэні. Кыв Аслад кесйӧглысь тайӧ крамас кевмысьӧмсӧ.

Ӧксыяслӧн 3 небӧг 9:3

Господь шуис сылы: «Ме кылі тэнсьыд кевмысьӧмтӧ да корӧмтӧ [и ставсӧ вӧчи тэнад кевмӧм-корӧм серти]. Тайӧ крамсӧ, мый тэ лэптін, Ме вежӧді, медым сэні пыр вӧлі Менам нимӧй. Менам синмӧй пыр кутас видзӧдны сы вылӧ, сійӧ пыр лоӧ Менам сьӧлӧмын.

Еремей 7:30

Иуда войтыр вӧчис Менам син водзын шогмытӧмсӧ, – висьталӧ Господь. – Найӧ сувтӧдісны ассьыныс зывӧк идолъяснысӧ сійӧ керкаас, мый сиӧма Менам нимлы, да пежалісны тайӧ керкасӧ.

Петӧм 20:4

Эн вӧч аслыд бӧлбанӧс да идолӧ пуктӧм могысь эн серпасав сійӧс, мый эм енэжас, му вылас да муысь улынджык ваас.

Ёрдысьяс 17:3

Микей бӧр сетіс мамыслы сюрс сё сикель эзысьсӧ. Мамыс шуис: «Тайӧ эзысьсӧ ме вежӧда-торйӧда Господьлы пиӧй вӧсна. Ме вӧчӧда эзысь бӧлбанӧс да сета тэныд, пиӧй».

Ӧксыяслӧн 3 небӧг 12:28

Туйдӧдысьяскӧд сёрнитчӧм бӧрын Еровам ӧксы вӧчис кык зарни ӧшкӧс. Сэсся шуис войтырыслы: «Тіянлы оз ков ветлыны Ерусалимӧ. Израиль, со тэнад енъясыд, кодъяс петкӧдісны тэнӧ Египетысь».

2 Каднебӧг 6:5

”Ассьым войтырӧс Египетысь петкӧдӧмсянь Израиль чужанкотыръяслы вичмӧдӧм муясын Ме эг бӧрйывлы некутшӧм кар, медым сэні лэптісны Меным керка. Эг бӧрйывлы некодӧс, медым пуктыны сійӧс Аслам Израиль войтырлы юралысьӧ.