2 Каднебӧг 33:14 - Коми Библия 2023

¹⁴ Та бӧрти Давид кар ортсыӧ, Офел гӧгӧр, Манассей кыпӧдіс зэв джуджыд стен Гихон ва петанінсянь рытыввылӧ Чери дзиръя дорӧдз. Иуда му пасьтала став изкарӧ сійӧ индіс тышкайӧзӧн веськӧдлысьясӧс.

2 Каднебӧг 33:14 Referans Kwoze

Неемий 3:3

Сенлӧн рӧдыс вӧчис Чери дзиръя. Найӧ вӧчисны куричьяс, сувтӧдісны ӧдзӧсъяс да пуктісны сэтчӧ иган-тасъяс.

2 Каднебӧг 27:3

Господьлӧн крам йӧрын Иотам вӧчис Вылыс дзиръя. Офелын, ерусалимса кар юкӧнын, сійӧ зумыдмӧдіс-дзоньталіс карса стенсӧ.

Ӧксыяслӧн 3 небӧг 1:33

ӧксы шуис налы: «Босьтӧй аскӧдныд менсьым кесйӧгъясӧс, а Соломон пиӧс пуксьӧдӧй менам мул вылӧ да нуӧдӧй сійӧс Гихон ва петанін дорӧ.

Софоний 1:10

Сійӧ лунӧ, – висьталӧ Господь, – Чери дзиръя дорсянь кутас кывны ойзӧм, мукӧд дзиръя дорсянь – ырзӧм-бӧрдӧм, а керӧсъяс вывсянь – грыма-грамакылӧм.

Неемий 12:39

Ефрем дзиръясянь, Важ дзиръя да Чери дзиръя дорті, Хананел башня да Сё тышкамортлы башня бокиті ми мунім Ыж дзиръялань да сувтім Видзан дзиръя дорӧ.

2 Каднебӧг 32:30

Езекей тупкис Гихон ва петанінлысь вылыс визувтанінсӧ да веськӧдіс васӧ визувтны увлань, Давид кар рытывладорӧ. Езекейлӧн артмис быд удж.

2 Каднебӧг 32:5

Езекей повтӧг босьтчис уджӧ. Сійӧ выльысь кыпӧдіс жугалӧм карса стен, сувтӧдіс стен вылӧ башняяс, карса стен ортсыладорас кыпӧдіс мӧд стен. Сійӧ зумыдмӧдіс Милло, Давид карлысь юкӧнсӧ. Сійӧ вӧчӧдіс уна сайӧд да шы.

2 Каднебӧг 17:19

Став тайӧ тышкайӧзыс кесъялісны ӧксылы. Наысь ӧтдор вӧліны тышкайӧз, кодъясӧс ӧксы индіс, медым найӧ кесъялісны иудаса изкаръясын.

Ӧксыяслӧн 3 небӧг 1:45

Сэсся Гихон ва петанін дорын Садок поп Нафан пророккӧд мавтыштӧмӧн пуктісны сійӧс ӧксыӧ. Бӧрсӧ найӧ локтісны ёна нимкодясьӧмӧн, и карыс ставнас шызис. Тайӧ шысӧ ӧні ті и кыланныд.

Исай 32:14

ӧд ӧксылысь керкасӧ лоӧ эновтӧма, ыджыд шыа карсӧ лоӧ кольӧма. Керӧс вылын сулалысь изкар пыр кежлӧ лоӧ вӧлявывса осёлъяслы сайӧдчанінӧн, тайӧ керӧс вылын кутасны йирсьыны ыж-мӧс.