2 Каднебӧг 33:11 - Коми Библия 2023

¹¹ Сэки Господь мӧдӧдіс налы паныд ассурса ӧксылӧн тышкайӧзлысь юралысьясӧс. Найӧ дорисны Манассейлысь ки-коксӧ чепъясӧн да нуӧдісны сійӧс Вавилонӧ.

2 Каднебӧг 33:11 Referans Kwoze

Индӧд 28:36

Тіянӧс да ӧксынытӧ, кодӧс пуктанныд юравны, Господь нуӧдас войтыр дінӧ, кодӧс ті ни тіян батьясныд онӧ тӧдӧй. Сэні ті понданныд кесъявны мукӧд енъяслы, пуысь да изйысь вӧчӧмторъяслы.

2 Каднебӧг 36:6

Вавилонса Навукодоносор ӧксы уськӧдчис Ехояким вылӧ да дорис сійӧс чепъясӧн, медым нуӧдны Вавилонӧ.

Бӧрданкыв 3:7

Сійӧ лэптіс ме гӧгӧр стен, медым ме эг пет, дорис менӧ кыз сьӧкыд чептӧн.

Исай 36:9

Тэ он вермы вӧтлыны аслад муысь весиг ӧти веськӧдлысьӧс, менам ыджыдлы медічӧт кесъялысьӧс. Но тэ лача кутан Египет вылӧ, сылӧн тарантасъяс да вӧвъяс вылӧ!

Исай 10:8

Сійӧ шуӧ: «Став менам веськӧдлысыс – ӧксыяс!

Неемий 9:37

Тайӧ му вывсьыс быдтасыс вичмӧ ӧксыяслы, кодъясӧс Тэ пуктін ыджыдавны миян вылын асланым мыжъяс вӧсна. Миян вылын да ыж-мӧсным вылын найӧ ыджыдалӧны, кыдзи кӧсйӧны. Ми ёна сьӧкыдалам.

Неемий 9:32

Миян Енмӧй, Тэ ыджыд, вына да повзьӧдана Ен, Тэ видзан Ассьыд йитӧдтӧ да буралӧмтӧ! Видзӧдлы став сьӧкыдлуныс вылӧ, мый суис миянӧс, миянлысь ӧксыясӧс да юралысьясӧс, попъясӧс да пророкъясӧс, батьяснымӧс да Тэнсьыд став войтыртӧ ассурса ӧксыяслӧн веськӧдлан кадсянь да талунъя лунӧдз.

Ӧксыяслӧн 4 небӧг 25:6

Седекей ӧксыӧс кутісны да вайӧдісны вавилонса ӧксы дінӧ Ривлаӧ, и сэні сійӧс мыждісны.

Ӧксыяслӧн 4 небӧг 23:33

Хамат муын Ривла карын Неко фараон пуксьӧдіс Иохазӧс дзескыдінӧ, тадзи вештіс сійӧс Ерусалимын ӧксыалӧмысь. Иуда войтырлы фараон тшӧктіс мынтыны вот – сё талант эзысь да [сё] талант зарни.

Ӧксыяслӧн 1 небӧг 13:6

Кор израильсаяс казялісны, мый филистимсаяс топӧдӧны найӧс, дзебсисны кырта горсъясӧ, сёнъясӧ, изкыртаяс костӧ, важ гуасянінъясӧ да косьмӧм вайӧртӧдъясӧ.

Ӧксыяслӧн 4 небӧг 20:18

Тэсянь чужысьясӧс нуӧдасны вавилонса ӧксы керкаӧ, и налы ковмас кесъявны сэні евнукъясӧн».

Ӧксыяслӧн 4 небӧг 21:17

Манассей ӧксыалӧм дырйи мукӧд лоӧмторъяс йылысь, сылӧн уджъяс да мыжъяс йылысь гижӧма иудаса ӧксыяслӧн каднебӧгӧ.

2 Каднебӧг 21:16

Филистимсаяс да арабъяс пӧвстын, кодъяс олісны эфиопияса йӧзкӧд орччӧн, Господь кыпӧдіс лӧглун Иорам вылӧ.

2 Каднебӧг 15:2

и сійӧ муніс Аса дінӧ да шуис сылы: «Кывзы менӧ, Аса. Кывзӧй менӧ, Иуда да Венямин чужанкотыръяс. Господь лоӧ тіянкӧд, ті кӧ лоанныд Сыкӧд. Ті кӧ кутанныд корсьны Сійӧс, Сійӧ воссяс тіянлы. А эновтанныд кӧ Сійӧс, Сійӧ тшӧтш эновтас тіянӧс.

Иов 12:18

Ӧксы кипод улысь лэдзӧ кӧрталӧмаясӧс, а ӧксылы коскас кӧрталӧ кесйӧглысь вӧньсӧ.