2 Каднебӧг 32:29 - Коми Библия 2023

²⁹ Сійӧ лэптіс аслыс каръяс, сылӧн вӧлі лыдтӧм-тшӧттӧм ыж-мӧс, ӧд Енмыс сетіс сылы уна озырлун.

2 Каднебӧг 32:29 Referans Kwoze

1 Каднебӧг 29:12

Тэ сетан озырлунсӧ да нималӧмсӧ, Тэ веськӧдлан ставнас, Тэнад киын выныс да ыджыдалӧмыс, Тэ верман кыпӧдны да вынсьӧдны.

Шусьӧгъяс 10:22

Господьлӧн бурсиӧмыс озырмӧдӧ, аслад уджӧн тэ нинӧм он содты аслыд.

Иов 42:12

Господь бурсиис Иовлысь бӧръя лунъяссӧ воддза дорсьыс ёнджыка на. Сылӧн вӧлі дас нёль сюрс ыж-кӧза, квайт сюрс верблюд, кык сюрс доддялан ӧш да сюрс энь осёл.

Иов 1:9

Сӧтана воча шуис Господьлы: «Оз весьшӧрӧ сійӧ пов Енсьыс.

Иов 1:3

Овмӧсыс вӧлі зэв ыджыд: сизим сюрс ыж-кӧза, куим сюрс верблюд, сюрс доддялан ӧш, витсё энь осёл да зэв уна кесйӧг. Асыввыв муын Иов вӧлі медся нималана мортӧн.

2 Каднебӧг 26:10

Овтӧминын сійӧ тшӧтш вӧчис башняяс, изкыртаӧ кераліс уна вайӧртӧд, ӧд керӧсбердса муын да вывтасінын сылӧн вӧлі уна ыж-мӧс. Озей радейтіс му вӧдитӧм, та вӧсна керӧсъяс да ыбъяс вылын сылӧн йӧзыс быдтісны виноград да вӧдитісны му.

2 Каднебӧг 25:9

Амасей юаліс Енлӧн мортлысь: «А мый лоӧ сё талант эзысьыскӧд, мыйӧн ме мынтыси израильса тышкайӧзлы?» Енлӧн морт вочавидзис: «Господь вермас сетны тэныд ёна унджык на».

Ӧксыяслӧн 1 небӧг 2:7

Господь гӧльмӧдӧ и озырмӧдӧ, улӧ пуктӧ и вылӧ кыпӧдӧ.

Индӧд 8:18

Энӧ вунӧдӧй Господьӧс, ассьыныд Ентӧ. Сійӧ сетӧ тіянлы вын озырмыны, медым талун збыльмӧдны Ассьыс йитӧдсӧ, мый Сійӧ кыв сетӧмӧн кӧрталіс тіян батьяскӧд.

2 Каднебӧг 32:28

Вӧчис тшӧтш нянь, вина да олив вый видзанінъяс, сідзжӧ ыж-мӧслы лэбувъяс да йӧръяс.

1 Каднебӧг 29:28

Сійӧ кувсис ыджыд арлыдаӧн, олӧмнас пӧтӧмаӧн. Сылӧн вӧлі уна озырлун, вӧлі нималӧм. Сы пыдди ӧксынас лои Соломон пиыс.

2 Каднебӧг 17:5

Господь ёнмӧдіс сылысь юралӧмсӧ. Иуда войтыр вайисны Иосафатлы козинъяс. Иосафатлӧн вӧлі уна озырлун, сійӧ ёна нималіс.