2 Каднебӧг 31:4 - Коми Библия 2023

⁴ Ерусалимын олысьяслы ӧксы тшӧктіс, медым найӧ сетасны попъяслы да левитъяслы олӧм вылӧ колана пай. Тадзи попъяс да левитъяс ассьыныс олӧмсӧ вермисны сины Господьлысь Индӧд збыльмӧдӧмлы.

2 Каднебӧг 31:4 Referans Kwoze

Малакий 2:7

Поплӧн вомысь мед петас Ен йылысь тӧдӧмлуныс, сысянь йӧзыс виччысьӧны велӧдӧмсӧ, сійӧ ӧд Господь Саваофсянь юӧр вайысьыс.

Галатӧ 6:6

Ен кывйӧн туйдӧдӧмаыс мед юксяс быд бурнас туйдӧдысьыскӧд.

2 Каднебӧг 31:16

Но налы, кодъяс сійӧ кадас кесъялісны Господьлӧн крамын, эз юклыны. Чужанвуж гижӧдын вӧлі лыддьӧдлӧма куим арӧса да ыджыдджык арлыда став айуловсӧ налӧн удж вӧчӧмныс да котырныс серти.

Еврейяслы 7:5

Левий чужанкотырысь бӧрйӧм попъяслы Индӧд серти колӧ вӧлі босьтны йӧзлӧн эмбурысь дасӧд юкӧнсӧ. Тайӧ юкӧнсӧ найӧ босьтлісны асланыс вокъяслысь, Ӧвраамсянь чужысьяслысь.

Индӧд 18:8

Сылы мед ӧтмоза сетасны сёян, весиг кӧ сылӧн эм мыйкӧ батьыслысь эмбурсӧ вузалӧмысь».

Езекиль 44:30

Медводдза быдтасыс да быдсяма вайӧмторйыс вичмӧ попъяслы. Выль пызьысь медводдза пӧжаснытӧ сетӧй попъяслы, медым тіянлысь керканытӧ вӧлі бурсиӧма.