2 Каднебӧг 31:17 - Коми Библия 2023

¹⁷ Найӧс вӧлі лыддьӧдлӧма попъяслӧн чужанвуж гижӧдын рӧдныс серти. Кызь арӧса да ыджыдджык арлыда левитъясӧс вӧлі лыддьӧдлӧма налӧн удж вӧчӧмныс да котырныс серти.

2 Каднебӧг 31:17 Referans Kwoze

1 Каднебӧг 23:24

Тайӧ вӧліны Левийсянь чужысьяс, кодъясӧс лыддьӧдлӧма нимъяснаныс асланыс рӧдныс да рӧдкутысьныс серти. Найӧ кесъялісны Господьлӧн крамын кызь арӧссянь.

1 Каднебӧг 23:27

Давидлӧн бӧръя тшӧктӧмыс серти вӧлі лыддьӧдлӧма став левитсӧ, кодъяслы вӧлі кызь арӧс да унджык.

Ездра 2:59

Тел-Мелахысь, Тел-Харшаысь, Керубысь, Адданысь да Иммерысь петысьяс эз вермыны висьтавны, кутшӧм чужанкотырысь найӧ, эз вермыны эскӧдны, мый налӧн рӧдыс петӧ Израиль войтырысь.

2 Каднебӧг 31:2

Езекей ӧксы индіс попъяслӧн да левитъяслӧн быд котырлы вӧчны ассьыс удж: вайны сотан да бурасян висьяс, сьывны-ошкыны да кесъявны Господьлӧн крамӧ пыранін дорын.

1 Каднебӧг 24:20

Левий чужанкотырысь нӧшта вӧліны Амрамлӧн Шуваэл пиыс, Шуваэллӧн Ехдей пиыс,

Лыд 8:24

«Тайӧ индӧдыс левитъяс йылысь. Кызь вит арӧса да ыджыдджык арлыда левитъяс мед уджаласны вежа чом бердын.

Лыд 4:46

Мӧисей, Аарон да израильса юралысьяс арталісны-гижалісны левитъясӧс рӧд да котыр сертиныс,

Лыд 4:42

Мерарилысь пиянсӧ вӧлі арталӧма-гижалӧма рӧд да котыр сертиныс,

Лыд 4:38

Гирсонлысь пиянсӧ вӧлі арталӧма-гижалӧма рӧд да котыр сертиныс,

Лыд 4:3

комын арӧссянь ветымын арӧсӧдз найӧс, кодъяс вермасны уджавны вежа чомйын.

Лыд 3:20

Мерарилӧн пияныс да насянь петысь рӧдъясыс: Махли да Муши. Ставыс тайӧ – Левий чужанкотырысь рӧдъяс.

Лыд 3:15

«Гижав Левий чужанкотырысь тӧлысьысь ыджыдджык арлыда став айуловсӧ рӧд да котыр сертиныс».

2 Каднебӧг 31:18

Лыддьӧдлӧма вӧлі тшӧтш левитъяслысь гӧтыръяссӧ, ныв-писӧ да весиг ичӧт кагаяссӧ, ӧд левитъяс вӧлі вежӧдӧмаӧсь-сӧстӧммӧдӧмаӧсь асьнысӧ крамын кесъялӧм могысь.