2 Каднебӧг 31:14 - Коми Библия 2023

¹⁴ Коре нима левит, Имнайлӧн пиыс, асыввыв дзиръя видзысь, тӧждысис войтырлӧн ас кӧсйӧм серти Енлы вайӧмторъяс вӧсна, юкліс попъяслы вежасьыс-вежаторъяс да Господьлы вайӧм козинъяс.

2 Каднебӧг 31:14 Referans Kwoze

Неемий 13:13

Крам видзанінӧ кывкутысьясӧн ме инді Шелемей попӧс, Индӧдӧ велӧдысь Садокӧс да левитъяс пӧвстысь Педайӧс, а Маттанай Заккурлысь Ханан писӧ пукті налы отсасьысьӧн. Тайӧ йӧзыслы позис эскыны. Налы вӧлі тшӧктӧма юклыны вайӧмторъяссӧ асланыс вокъяслы.

Ездра 7:16

Эзысь-зарнитӧ, мый тэ чукӧртан Вавилон пасьтала, да козинъяс, мый войтырыс да попъяс сетасны асланыс Енлӧн ерусалимса крамӧ, тшӧтш босьт аскӧдыд.

Ездра 3:5

Тайӧ кадсяньыс найӧ вайисны быдлунся сотан висьяс, а выль тӧлысь пасйигӧн да Господьлы сиӧм мукӧд вежа гажӧдчан лунъясӧ вайисны индӧм висьяс. Нӧшта вайисны Господьлы ас кӧсйӧм серти висьяс.

Ездра 1:4

Быдлаын, кӧні олӧ тайӧ коляс войтырыс, сэтчӧс олысьяс мед отсасясны тайӧ войтырыслы. Ерусалимын Енлысь крам лэптӧм вылӧ мед сетасны эзысь-зарни, эмбур, ыж-мӧс да ас кӧсйӧм серти козинъяс».

1 Каднебӧг 26:17

быд лун стен асывладорас сулалісны квайт левит, войвывладорас – нёльӧн, лунвывладорас – нёльӧн, кык видзанін дорын сулалісны кык мортӧн.

1 Каднебӧг 26:14

Шелемейлы мойвиис видзны асыввыв дзиръя. Шелемейлӧн вӧлі Закар нима пи, мывкыд туйдӧдысь. Пудъясисны, и сылы мойвиис видзны войвыв дзиръя.

1 Каднебӧг 26:12

Татшӧмӧсь вӧліны крам дзиръя видзысьяслӧн котыръяс рӧдкутысьясныс серти. Вокъясныс моз тайӧ видзысьясыс кесъялісны Господьлӧн крамын.

Индӧд 16:10

Сэки пасйӧй Господьлы, асланыд Енлы, сиӧм Ветымынӧд лунся гаж да вайӧй ас кӧсйӧм серти висьяс. Быдӧн мед ваяс аслас Господь Енлӧн бурсиӧмыс серти.

Индӧд 12:17

Асланыд оланінъясын тіянлы оз позь сёйны дасӧд юкӧнсӧ, мый торйӧданныд няньысь, винаысь да олив выйысь, а сідзжӧ оз позь сёйны ыж-мӧсныдлысь медводдза чужысьсӧ, кыв сетан висьяснытӧ, ас кӧсйӧм серти ваян висьяснытӧ да вайӧмторъяснытӧ.

Индӧд 12:6

да вайӧй ассьыныд сотан висьястӧ да мукӧд висьястӧ, мувыв быдтасысь дасӧд юкӧнтӧ да вайӧмторъястӧ, кыв сетан висьястӧ, ас кӧсйӧм серти ваян висьястӧ [бурасян висьястӧ] да ыж-мӧсныдлысь медводдза чужысьяссӧ.

Лыд 29:39

Тайӧ висьяссӧ вайӧй Господьлы гажӧдчан лунъясныд дырйи сыысь ӧтдор, мый ваянныд сотан вись, нянь вись, вина вись да бурасян вись пыдди, лоӧ-ӧ висьныд кыв сетан вись либӧ ас кӧсйӧм серти ваян вись».

Левит 27:28

Мортӧс, пемӧсӧс либӧ рӧдвуж овмӧсысь муяс Господьлы ёрӧм улын сиӧм бӧрын вузавны либӧ бӧр ньӧбны оз позь. Мый сиӧма ёрӧм улын – тайӧ Господьлӧн вежасьыс-вежатор.

Левит 23:38

Таысь ӧтдор тіянлы колӧ чукӧртчыны Господьлы сиӧм шойччан лунъясӧ да вайны Господьлы козинъяс, кыв сетан висьяс да ас кӧсйӧм серти ваян висьяс.

Левит 22:18

«Висьтав Ааронлы, сылӧн пияныслы да став Израиль пиянлы тайӧ тшӧктӧмсӧ. Коді Израиль войтыр пӧвстысь либӧ йӧз муысь локтысьяс пӧвстысь кӧсъяс вайны Господьлы кыв сетан вись либӧ ас кӧсйӧм серти ваян вись, медым сотны сійӧс,

Левит 2:10

А нянь висьлӧн колясыс мед лоӧ Ааронлы да сысянь чужысьяслы. Господьлы вайӧм висьлӧн тайӧ юкӧныс – вежасьыс-вежатор.

Олӧм 46:17

Асирлӧн пияныс: Имнай, Ишвай, Ишви да Берий. Налӧн вӧлі Серах нима чой. Берийлӧн пияныс: Хевер да Малкиэл.

2 Каднебӧг 31:13

Езекей ӧксылӧн да Енлӧн крамӧн веськӧдлысь Азарийлӧн индӧм серти Конанийлӧн да Шимейлӧн веськӧдлӧм улын вайӧмторъяссӧ видзисны Ехиэл, Азазий, Нахат, Асаил, Еримот, Иозавад, Элиэл, Исмакий, Махат да Бенай.

2 Каднебӧг 31:15

Попъяслӧн олан каръясын Коре веськӧдлӧм улын уджалісны-кесъялісны Эден, Минямин, Исус, Шемай, Амарей да Шеканий. Найӧ пӧръясьтӧг юклісны вайӧмторъяссӧ асланыс вокъяслы котыръяс серти – пӧрысьлы и томлы.