2 Каднебӧг 30:2 - Коми Библия 2023

² Езекей ӧксы, юралысьяс да Ерусалимын чукӧртчӧм войтыр шуисны пасйыны Ыджыд лунсӧ мӧд тӧлысьнас.

2 Каднебӧг 30:2 Referans Kwoze

Еклесиаст 4:13

Пӧрысь да вежӧртӧм ӧксы дорысь, коді оз кывзы туйдӧдӧмсӧ, бурджык гӧль, но мывкыда том морт,

Шусьӧгъяс 15:22

Туйдӧдтӧг вӧчӧмыд киссяс, а туйдӧдысьыс кор уна – артмас.

Шусьӧгъяс 11:14

Мывкыд веськӧдлысьыд кор абу, войтырыд чинӧ-бырӧ, а туйдӧдысьыд кор уна, войтырыд бура олӧ.

2 Каднебӧг 30:15

Мӧд тӧлысьлӧн дас нёльӧд лунӧ начкисны ыджыдлунся баляясӧс. Попъяслы да левитъяслы яндзим вӧлі, мый ас кадӧ найӧ эз вежӧдны-сӧстӧммӧдны асьнысӧ, та вӧсна ӧні тайӧс вӧчисны. Сэсся найӧ вайисны Господьлӧн крамӧ сотан висьяс.

2 Каднебӧг 30:13

Мӧд тӧлысьнас Ерусалимӧ войтырыс чукӧртчис зэв уна, медым пасйыны Шомтӧм нянь сёян лунъяс.

2 Каднебӧг 30:1

Езекей мӧдӧдіс юӧртысьясӧс Израиль да Иуда муӧ, тшӧтш ыстіс гижӧдъяс Ефрем да Манассей чужанкотыръяслы. Сійӧ чукӧстіс ставнысӧ локны Господьлӧн крамӧ Ерусалимӧ, медым пасйыны Израильлӧн Господь Енлысь Ыджыд лун.

Ӧксыяслӧн 4 небӧг 23:22

Израильын тадзисӧ эз на пасйывны Ыджыд лунсӧ ёрдысьяслӧн веськӧдлан кад бӧрти, кор Иудаын да Израильын юралісны ӧксыяс.

2 Каднебӧг 1:2

Соломон корис ас дінас Израиль му пасьталаысь тышкайӧзлысь юралысь-веськӧдлысьясӧс, ёрдысьясӧс, войтырлысь юралысьясӧс да рӧдкутысьясӧс.

2 Каднебӧг 35:1

Ерусалимын Иосей пасйис Господьлы сиӧм Ыджыд лун. Медводдза тӧлысьлӧн дас нёльӧд лунӧ начкисны ыджыдлунся баляӧс.