2 Каднебӧг 30:19 - Коми Библия 2023

¹⁹ но Езекей кевмысис на вӧсна. Сійӧ шуис: «Бур сьӧлӧма Господь мед вештас мыжсӧ быдӧнлысь, коді эз сӧстӧммӧдчы вежаин йылысь индӧд серти, но став сьӧлӧмсяньыс корсьысьӧ Господь Енмӧс, аслас батьяслысь Енсӧ».

2 Каднебӧг 30:19 Referans Kwoze

2 Каднебӧг 19:3

Дерт, тэнад эм и бур уджъяс. Тэ бырӧдін Иуда муысь юрбитан пуяс да сьӧлӧмсяньыд корсин Енмӧс».

Шусьӧгъяс 23:26

Пиӧй, сьӧлӧмтӧ сет меным, ветлы менам туйӧд.

Иов 11:13

Тэ кӧ сьӧлӧмтӧ веськӧдан Енлань, нюжӧдан китӧ Сылань,

Ездра 7:10

ӧд Ездра став сьӧлӧмсӧ пуктіс, медым тӧдны Господьлысь Индӧдсӧ, овны сы серти да велӧдны Израиль войтырӧс тшӧктӧмъясӧ да веськыда мыждӧмӧ.

2 Каднебӧг 20:33

Но сійӧ эз бырӧд вись ваян мылькъяс, и войтырыс эз став сьӧлӧмсяньыс кесъяв аслас батьяслӧн Енлы.

1 Каднебӧг 29:18

Господьӧй, миян Ӧвраам батьлӧн, Исаак батьлӧн да Израиль батьлӧн Ен, нэмъяс чӧж видз Аслад войтырыд сьӧлӧмын тайӧ кӧсйӧмсӧ, веськӧд налысь сьӧлӧмсӧ Ас дінад!

Ӧксыяслӧн 1 небӧг 7:3

Самуил шуис налы: «Ті кӧ став сьӧлӧмнад кӧсъянныд бергӧдчыны Господьлань, сідзкӧ, эновтчӧй мукӧд войтырлӧн енъясысь, тшӧтш Астарта идолысь. Веськӧдӧй сьӧлӧмнытӧ Господьлань да сӧмын Сылы кесъялӧй-юрбитӧй. Сэки Сійӧ мездас тіянӧс филистимсаясысь».

Лыд 9:6

Израиль войтыр пӧвстын вӧліны йӧз, кодъяс морт шой дінӧ инмӧдчылӧм вӧсна вӧліны пежӧсь и индӧм лунӧ эз вермыны пасйыны Ыджыд лунсӧ. Найӧ локтісны Мӧисей да Аарон дінӧ

Левит 12:4

Вир мунӧмысь ань мед сӧстӧммӧдчас комын куим лун чӧж. Сылы оз позь инмӧдчыны вежаторйӧ, оз позь локны вежаинӧ, кытчӧдз оз помасьны сӧстӧммӧдчан лунъясыс.

Олӧм 1:21

Ен вӧчис быдсикас черисӧ да ваын олысь-уялысьсӧ, а сідзжӧ быдсикас лэбач-пӧткасӧ. Ен аддзис, мый тайӧ бур.

Ездра 6:21

Ыджыдлунся баляӧс сёйисны пленысь локтӧм Израиль войтыр да мукӧд войтыръясысь найӧ, кодъяс торйӧдчисны сэтчӧс олысьяслӧн пежысь, медым юрбитны Господьлы, Израильлӧн Енлы.