2 Каднебӧг 28:6 - Коми Библия 2023

⁶ Израильса ӧксы, Ремальлӧн Пеках пиыс, ӧти лунӧ виис сё кызь сюрс иудаса тышкамортӧс, ӧд найӧ эновтісны Господьӧс, асланыс батьяслысь Енсӧ.

2 Каднебӧг 28:6 Referans Kwoze

Ӧксыяслӧн 4 небӧг 15:27

Иудаса Азарий ӧксылӧн ветымын кыкӧд веськӧдлан воӧ Израиль муын ӧксыӧ пуксис Ремальлӧн Пеках пиыс. Кызь во чӧж сійӧ юраліс Самария карын.

Исай 9:21

Манассей – Ефремӧс, Ефрем – Манассейӧс, а ӧтвылысь найӧ – Иудаӧс. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Еремей 15:6

Тэ эновтін Менӧ, – висьталӧ Господь, – тэ кежин Меысь. Та вӧсна Ме лэпта тэ вылӧ Ассьым киӧс да бырӧда тэнӧ, Ме мудзи тэ дінӧ буравны.

Еремей 2:19

Тэнад лёк вӧчӧмыд мыждас тэнӧ асьтӧ, Менӧ эновтӧмысь тэнӧ лоӧ чирыштӧма. Сідзкӧ, тӧд да гӧгӧрво, кутшӧм курыд шог тэнӧ суас сыысь, мый тэ эновтін Господьӧс, ассьыд Ентӧ, мый тэ пытшкын Меысь полӧмыс абу, – висьталӧ Ыджыдыс, Господь Саваоф.

Исай 7:9

Самарияыс сӧмын Ефремлӧн юркар, и Ремальлӧн пиыс сӧмын Самарияын юралӧ. Онӧ кӧ зумыда эскӧй, онӧ вермӧй зумыда сулавны».

Исай 1:28

Паныд кыпӧдчысьясӧс да мыж вӧчысьясӧс виччысьӧ кулӧм, Господьӧс эновтысьясӧс – бырӧдӧм.

2 Каднебӧг 15:2

и сійӧ муніс Аса дінӧ да шуис сылы: «Кывзы менӧ, Аса. Кывзӧй менӧ, Иуда да Венямин чужанкотыръяс. Господь лоӧ тіянкӧд, ті кӧ лоанныд Сыкӧд. Ті кӧ кутанныд корсьны Сійӧс, Сійӧ воссяс тіянлы. А эновтанныд кӧ Сійӧс, Сійӧ тшӧтш эновтас тіянӧс.

2 Каднебӧг 13:17

Авий аслас тышкайӧзкӧд вермис-пасьвартіс израильсаясӧс. Вӧлі виӧма витсё сюрс медбур израильса тышкамортӧс.

Ӧксыяслӧн 4 небӧг 16:5

Арамейяслӧн Рецин ӧксы да израильса Пеках ӧксы, Ремальлӧн пиыс, петісны тышӧ Ахазлы паныд. Найӧ кытшалісны Ерусалим, но эз вермыны босьтны сійӧс.

Ӧксыяслӧн 4 небӧг 15:37

Иотам ӧксылӧн веськӧдлан кадӧ Господь кутіс мӧдӧдны арамейяслысь Рецин ӧксысӧ да Ремальлысь Пеках писӧ, медым найӧ уськӧдчисны Иуда му вылӧ.

Нав Исус 24:20

Ті кӧ эновтанныд Господьӧс да кутанныд кесъявны мукӧд енъяслы, Сійӧ лэдзас лёксӧ тіян олӧмӧ да бырӧдас тіянӧс, мед кӧ весиг водзынсӧ Сійӧ бур вӧчис тіянлы».

Нав Исус 23:16

Ті кӧ торканныд асланыд Господь Енлысь йитӧдсӧ, мый Сійӧ кӧрталіс тіянкӧд, да кутанныд кесъявны-юрбитны мукӧд енъяслы, сэки Господьлӧн скӧрлуныс ӧзъяс тіян вылӧ, и регыдъя кадӧн ті быранныд тайӧ бур му вывсьыс, мый Господь сетіс тіянлы».

Индӧд 32:20

– Тупка Ассьым чужӧмбанӧс наысь, – шуис Сійӧ. – Тӧда, кутшӧм лоӧ налӧн помыс. Найӧ – ылӧгас вӧйӧм йӧз, ныв-пи, кодъяслы он вермы эскыны.

Индӧд 28:25

Господь сетас вӧрӧгныдлы вермыны тіянӧс. Налы паныд ті мунанныд ӧти туйӧд, а пышъянныд наысь сизимлаӧд. Став войтыръяс повзясны сыысь, мый лоӧ тіянкӧд.

Индӧд 28:15

«Став тайӧ ёрӧмыс локтас тіян вылӧ, онӧ кӧ кутӧй кывзысьны Господьлысь, асланыд Енлысь, да овны Сылӧн став индӧд-тшӧктӧмыс серти, мый талун висьтала тіянлы.

2 Каднебӧг 28:7

Зикри, ефремса вына тышкаморт, виис иудаса ӧксылысь Маасей писӧ, ӧксы керкаӧн веськӧдлысь Азрикамӧс да Элканӧс, ӧксы бӧрся мӧд юралысьӧс.

Исай 7:1

Ахаз, иудаса ӧксы, вӧлі Озей Иотамлӧн пи. Сылӧн веськӧдлан кадӧ арамейяслӧн Рецин ӧксы да израильса Пеках ӧксы, Ремальлӧн пиыс, петісны тышӧ Ерусалимлы паныд, но эз вермыны сійӧс.

Езекиль 16:57

ӧд сэки тэнад лёклуныд эз на воссьы. А ӧні тэнӧ асьтӧ лёкӧдӧны арамса нывъяс да накӧд орччӧн олысьяс. Филистимса нывъяс быд боксянь зывӧктӧмӧн видзӧдӧны тэ вылӧ.

2 Каднебӧг 21:10

Эдом войтыр мыніс Иуда кипод улысь, и ӧнӧдз тайӧ тадз. Сійӧ жӧ кадӧ иудаса ӧксылы паныд кыпӧдчисны тшӧтш Ливна карын олысьяс. Тадзи лои, ӧд Иорам эновтіс Господьӧс, аслас батьяслысь Енсӧ.

Иов 34:27

мыждӧ сыысь, мый найӧ кежисны Енсьыс, эз кӧсйыны тӧдны Сылысь туйяссӧ.

Исай 3:25

Сионлӧн дзиръяясыс кутасны шогсьыны-бӧрдны, Сион кар кутас пукавны му вылын эновтӧм ань моз.