2 Каднебӧг 26:9 - Коми Библия 2023

⁹ Ерусалимын Пельӧс дзиръя дорӧ, Ковтыс дзиръя дорӧ да стен пельӧс дорӧ Озей вӧчис зумыд башняяс.

2 Каднебӧг 26:9 Referans Kwoze

Неемий 3:13

Ковтыс дзиръя дзоньталісны Ханун да Заноахын олысьяс. Ӧдзӧсъяс сувтӧдӧм бӧрын пуктісны сэтчӧ иган-тасъяс. Нӧшта найӧ лэптісны сюрс гырддза кузьта стен, сійӧ нюжаліс Ёг дзиръя дорӧдз.

2 Каднебӧг 25:23

Бет-Шемешын израильса Йоас ӧксы босьтіс пленӧ иудаса Амасей ӧксыӧс, Ахазий Йоаслысь писӧ да нуӧдіс сійӧс Ерусалимӧ. Сэні Йоас жугӧдіс карса стенсӧ нёльсё гырддза пасьта – Ефрем дзиръясянь Пельӧс дзиръяӧдз.

Ӧксыяслӧн 4 небӧг 14:13

Бет-Шемешын израильса Йоас ӧксы босьтіс пленӧ иудаса Амасей ӧксыӧс, Ахазий Йоаслысь писӧ. Сэсся Йоас тышкайӧзыскӧд муніс Ерусалимӧ. Сэні сійӧ жугӧдіс карса стенсӧ нёльсё гырддза пасьта – Ефрем дзиръясянь Пельӧс дзиръяӧдз.

Закар 14:10

Ерусалимсянь лунвыв муыс Гевасянь Риммонӧдз лоӧ ластаӧн. Ерусалим кар сувтас важ местаас, кыптас ставсьыс вылӧ. Сійӧ паськӧдчас Венямин дзиръясянь Воддза да Пельӧс дзиръяясӧдз, Хананел башнясянь ӧксылӧн виноград пычкан гуӧдз.

Еремей 31:38

Воасны лунъяс, – висьталӧ Господь, – кор тайӧ карсӧ выльысь лоӧ лэптӧма Меным. Сійӧс лэптасны Хананел башнясянь Пельӧс дзиръяӧдз,

Неемий 3:32

Стен пельӧсса жыр дорсянь Ыж дзиръяӧдз стенсӧ дзоньталісны эзысьысь вӧчасьысьяс да вузасьысьяс.

Неемий 3:24

Азарий керкасянь стен пельӧс сайӧдз стенсӧ дзоньталіс Хенададлӧн Биннуй пиыс.

Неемий 2:15

Та вӧсна ме муні войнас ковтысӧд да сэтысянь видзӧдалі карлысь стенсӧ. Карас ме бӧр пыри Ковтыс дзиръяӧд.

Неемий 2:13

Ковтыс дзиръяӧд петӧм бӧрын ме мӧдӧдчи Гундыр ва петанінлань да Ёг дзиръялань. Мунігам ме видзӧдалі Ерусалимлысь жуглӧм стенсӧ да сотӧм дзиръяяссӧ.