2 Каднебӧг 26:22 - Коми Библия 2023

²² Озей ӧксыалӧм дырйи лоӧмторъяс йылысь водзысяньыс и помӧдзыс гижис Исай пророк, Амослӧн пиыс.

2 Каднебӧг 26:22 Referans Kwoze

Исай 1:1

Тайӧ небӧгас гижӧма сы йылысь, мый Енмыс петкӧдліс Иуда му да Ерусалим кар йылысь Амослӧн Исай пилы. Тайӧ петкӧдчылӧмъяссӧ сійӧ аддзыліс иудаса Озей, Иотам, Ахаз да Езекей ӧксыяслӧн веськӧдлан кадӧ.

Исай 6:1

Озей ӧксылӧн кулан воӧ ме аддзылі Господьӧс. Сійӧ пукаліс выліинын сулалысь джуджыд юралан пуклӧсын. Сылӧн паськӧм пӧлаыс вевттис ставнас крам пытшкӧссӧ.

2 Каднебӧг 12:15

Ровоам ӧксыалӧм дырйи лоӧмторъяс йылысь водзысяньыс и помӧдзыс гижӧма Шемай пророклӧн гижӧдъясӧ да Иддо нима тӧдысь-аддзысьлӧн чужанвуж небӧгӧ. Ровоам да Еровам костын пыр муніс тыш.

2 Каднебӧг 9:29

Соломон ӧксыалӧм дырйи мукӧд лоӧмторъяс йылысь водзысяньыс и помӧдзыс пасъялӧма Нафан пророклӧн гижӧдъясын, силомса Ахийлӧн пророкалан гижӧдъясын да Иддо нима тӧдысь-аддзысьлӧн восьтӧмъясын. Тайӧ восьтӧмъясыс вӧліны Неватлӧн Еровам пиыс йылысь.

2 Каднебӧг 26:23

Озей куліс да вуджис батьясыс дінӧ. Сійӧс дзебисны ыб вылӧ батьясыскӧд орччӧн, но дзебисны эз ӧксыяслӧн дзебанінӧ, ӧд сійӧ висис проказаӧн. Озей бӧрти ӧксыӧ пуксис сылӧн Иотам пиыс.

Ӧксыяслӧн 4 небӧг 19:2

Езекей мӧдӧдіс Исай пророк дінӧ, Амослӧн пи дінӧ, ӧксы керкаӧн веськӧдлысь Элякимӧс, гижалысь Шевнайӧс да юрнуӧдысь попъясӧс. Ставныс найӧ вӧліны шогалан паськӧмаӧсь.

2 Каднебӧг 25:26

Амасей ӧксыалӧм дырйи лоӧмторъяс йылысь водзысяньыс и помӧдзыс гижӧма иудаса да израильса ӧксыяслӧн небӧгӧ.

2 Каднебӧг 32:32

Езекей ӧксыалӧм дырйи мукӧд лоӧмторъяс йылысь да сылӧн бур уджъясыс йылысь гижӧма Исай пророклӧн, Амос пилӧн, восьтӧмын да пыртӧма иудаса да израильса ӧксыяслӧн небӧгӧ.