2 Каднебӧг 25:14 - Коми Библия 2023

¹⁴ Эдомсаясӧс пасьвартӧм бӧрын гортас локтігӧн Амасей вайис аскӧдыс Сеир керӧсвыв муын олысьяслысь идолъяссӧ. Сійӧ пуктіс найӧс аслыс ен пыдди, юрбитіс налы да сотіс налы висьяс.

2 Каднебӧг 25:14 Referans Kwoze

2 Каднебӧг 28:23

Сійӧ вись вайис Дамаскын олысьяслӧн идолъяслы, ӧд чайтіс, мый налӧн енъясыс пасьвартісны сійӧс. Сійӧ шуаліс: «Арамса ӧксыяслӧн енъясыс отсалӧны налы. Ме вись вая налы, и найӧ меным тшӧтш отсаласны». Но найӧ мыжӧ вӧйтісны Ахазӧс да став Израиль войтырӧс.

Исай 44:19

Мортыс весиг оз мӧвпыштлы, сылӧн оз тырмы вежӧрыс, оз тырмы мывкыдлуныс, медым шуны: «Пу джынсӧ ме соті биын, биа ӧгыръяс вылын ме пӧжалі нянь, дасьті яй да сёйи сійӧс. А пуыслӧн колясысь ӧмӧй ме вӧча зывӧктор? Ме ӧмӧй понда юрбитны путорлы?»

Ӧксыяслӧн 2 небӧг 5:21

Филистимсаяс колисны сэтчӧ ассьыныс бӧлбанъяссӧ, а Давид аслас йӧзкӧд босьтіс найӧс. [Сэсся тшӧктіс сотны биын.]

Индӧд 7:25

Сотӧй налысь бӧлбанъяссӧ да энӧ ыштӧй тайӧ бӧлбанъяссӧ эжӧм зарни-эзысь вылӧ. Нинӧм энӧ босьтӧй аслыныд, медым энӧ шедӧй налькйӧ, ӧд тайӧ Господьлы, тіян Енлы, зывӧк.

Индӧд 7:5

Со мый колӧ вӧчны: жуглӧй налысь висьпуктанінъяссӧ, пасьвартӧй юрбитан изъяссӧ, кералӧй юрбитан пуяссӧ да биын сотӧй бӧлбанъяссӧ.

2 Каднебӧг 25:2

Амасей вӧчис Господь водзын шогманасӧ, но эз став сьӧлӧмсяньыс.

2 Каднебӧг 25:13

А медалӧм тышкайӧзыс, кодъясӧс Амасей эз босьт аскӧдыс тышӧ, но бӧр ыстіс гортаныс, уськӧдчисны Самария да Бет-Хорон костын сулалысь иудаса каръяс вылӧ. Сэні найӧ виисны куим сюрс мортӧс да мырддисны уна эмбур.

Исай 44:15

Ломтас вылӧ сійӧ чукӧртӧ пу, сотӧ пусӧ, медым шонтысьны, пестӧ би да пӧжалӧ сы вылын нянь. Тайӧ жӧ пусьыс морт вӧчӧ енмӧс да юрбитӧ сылы, вӧчӧ бӧлбанӧс да копрасьӧ сылы.

Петӧм 23:24

Энӧ копрасьӧй-юрбитӧй налӧн енъяслы, энӧ олӧй на моз. Бырӧдӧй налысь енъяссӧ, жуглӧй налысь юрбитан изъяссӧ.

Ӧксыяслӧн 4 небӧг 14:8

Сэсся Амасей мӧдӧдіс израильса Йоас ӧксы дінӧ юӧртысьӧс. Йоас вӧлі Иохазлӧн пи, Иохаз – Ехулӧн. Амасей тшӧктіс висьтавны Йоаслы, мый кӧсйӧ аддзысьлыны сыкӧд.

Амос 2:4

Господь тадзи висьталӧ: – Иуда войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд эновтісны Менсьым Индӧдӧс, Менам тшӧктӧмъяс серти эз овны. Батьясныс моз найӧ юрбитісны ылӧг енъяслы, кодъяс кежӧдісны найӧс туйсьыс.