2 Каднебӧг 22:12 - Коми Библия 2023

¹² Квайт во чӧж Йоасӧс дзеблалісны Енлӧн крамын. Тайӧ кадас Иуда муын ӧксыаліс Аталия.

2 Каднебӧг 22:12 Referans Kwoze

Аввакум 1:12

– Господьӧй, менам вежа Енмӧй, важысянь Тэ – Ен. Ми огӧ кулӧй. Господьӧй, Тэ мӧдӧдін калдея войтырӧс, мед мыждыны миянӧс. Дорйысьӧй, Тэ вайӧдін найӧс, мед чирыштны миянӧс.

Еремей 12:1

– Господьӧй, кор ме вая ассьым могӧс Тэ водзӧ, Тэ веськыда вӧчан. Но ме юала Тэнсьыд веськыда мыждӧм йылысь. Мыйла лёк вӧчысьяслӧн ставыс артмӧ, мыйла Енсӧ эновтысьяс бура олӧны?

Псалтыр 73:14

Тэ пасьвартін юрсӧ левиафанлысь, сетін сійӧс сёйны [эфиопияса] овтӧминын олысь йӧзлы.

Псалтыр 27:5

Ӧд найӧ нинӧмӧ пуктӧны Господьлысь уджъяссӧ, Сылысь вӧчӧмторъяссӧ. Та вӧсна Сійӧ пасьвартас найӧс, и бӧрсӧ кок выланыс оз сувтӧд.

2 Каднебӧг 22:11

Но Ахазийлӧн Ехошева нима чойыс, Иорам ӧксылӧн нылыс, гусьӧн пышйӧдіс Ахазийлысь Йоас писӧ ӧксылӧн мукӧд пиян пӧвстысь, кодъясӧс вӧлі шуӧма вины. Йоасӧс да сійӧс нёньӧдысьӧс Ехошева дзебис узьлан жырйӧ. Татшӧм ногӧн Ехошева, Иодай поплӧн гӧтырыс, мездіс Йоасӧс Аталия киысь, и Аталия эз вермы вины Йоасӧс.

2 Каднебӧг 23:1

Квайт во мысти Иодай поп повтӧг кӧрталіс йитӧд тышкайӧзӧн веськӧдлысьяскӧд: Ерохамлӧн Азарий пикӧд, Иохананлӧн Измаил пикӧд, Овидлӧн Азарий пикӧд, Адайлӧн Маасей пикӧд да Зикрилӧн Элишафат пикӧд.

Шусьӧгъяс 28:28

Кор лёк вӧчысьяс ыджыдалӧны, йӧзыс дзебсьӧны, а кор лёк вӧчысьяс усьӧны, веськыда олысьяслӧн лыдыс содӧ.