2 Каднебӧг 22:11 - Коми Библия 2023

¹¹ Но Ахазийлӧн Ехошева нима чойыс, Иорам ӧксылӧн нылыс, гусьӧн пышйӧдіс Ахазийлысь Йоас писӧ ӧксылӧн мукӧд пиян пӧвстысь, кодъясӧс вӧлі шуӧма вины. Йоасӧс да сійӧс нёньӧдысьӧс Ехошева дзебис узьлан жырйӧ. Татшӧм ногӧн Ехошева, Иодай поплӧн гӧтырыс, мездіс Йоасӧс Аталия киысь, и Аталия эз вермы вины Йоасӧс.

2 Каднебӧг 22:11 Referans Kwoze

Ап. уджъяс 4:28

Найӧ олӧмӧ пӧртісны Тэнсьыд водзвыв шуӧмтӧ да вына лӧсьӧдӧмтӧ.

Исай 65:8

Господь тадзи висьталӧ: – Кор виноград розйыс кисьмӧма нин, сэки шуӧны: «Энӧ чегӧй сійӧс, ӧд сійӧ вайӧ бурсиӧм». Ме тадзи жӧ вӧча Аслам кесйӧгъяс ради: ог ставнысӧ бырӧд.

Шусьӧгъяс 21:30

Господьтӧгыд мывкыдлуныс абу, вежӧрыс абу, и туйдӧдӧмыс абу.

Псалтыр 76:10

Енмыс ӧмӧй вунӧдіс Ассьыс буралӧмсӧ, скӧралігас ӧмӧй дзикӧдз тупкис сьӧлӧмсӧ?

Псалтыр 33:10

Полӧй Господьысь, Сылӧн вежа войтыр! Сыысь полысьяслӧн ставыс лоӧ тырмымӧн.

2 Каднебӧг 23:1

Квайт во мысти Иодай поп повтӧг кӧрталіс йитӧд тышкайӧзӧн веськӧдлысьяскӧд: Ерохамлӧн Азарий пикӧд, Иохананлӧн Измаил пикӧд, Овидлӧн Азарий пикӧд, Адайлӧн Маасей пикӧд да Зикрилӧн Элишафат пикӧд.

2 Каднебӧг 21:7

Но Господь эз кӧсйы бырӧдны Давидлысь рӧдсӧ, ӧд Сійӧ вӧлі кӧрталӧма Давидкӧд йитӧд да кӧсйысьӧма, мый Давидсянь чужысь кутас юравны нэмъяс чӧж.

Ӧксыяслӧн 4 небӧг 11:2

Но Ахазийлӧн Ехошева нима чойыс, Иорам ӧксылӧн нылыс, гусьӧн пышйӧдіс Ахазийлысь Йоас писӧ ӧксылӧн мукӧд пиян пӧвстысь, кодъясӧс вӧлі шуӧма вины. Йоасӧс да сійӧс нёньӧдысьӧс Ехошева дзебис узьлан жырйӧ. Татшӧм ногӧн мездісны Йоасӧс Аталия киысь, и Йоас ловйӧн коли.

Ӧксыяслӧн 3 небӧг 15:4

Но Давид вӧсна Господь, сылӧн Енмыс, колис ӧзъявны Ерусалимын бисӧ – Авий бӧрти пуктіс ӧксыӧ сылысь писӧ да зумыдмӧдіс Ерусалим кар.

Ӧксыяслӧн 2 небӧг 7:13

Сійӧ лэптас Меным керка, и Ме зумыдмӧда сылысь юралӧмсӧ нэмъяс кежлӧ.

Петӧм 8:3

Нил юыд тырас жабаясӧн, найӧ петасны сэтысь да пырасны керкаад, узьланінад, каясны вольпась вылад. Тэныд кесъялысь йӧзлӧн да став войтырыдлӧн керкаясыс тырасны жабаясӧн. Жабаяс лоӧны весиг пач пытшканыд да нянь шомӧсаныд.

2 Каднебӧг 22:10

Ахазийлӧн Аталия мамыс кор тӧдмаліс пиыслӧн кулӧм йылысь, шуис бырӧдны иудаса ӧксы рӧдысь став писӧ.

2 Каднебӧг 22:12

Квайт во чӧж Йоасӧс дзеблалісны Енлӧн крамын. Тайӧ кадас Иуда муын ӧксыаліс Аталия.