2 Каднебӧг 21:8 - Коми Библия 2023

⁸ Иудаса Иорам ӧксылӧн веськӧдлан кадӧ эдом войтыр кыпӧдчис сылы паныд да пуктіс аслыс ӧксыӧс.

2 Каднебӧг 21:8 Referans Kwoze

2 Каднебӧг 21:10

Эдом войтыр мыніс Иуда кипод улысь, и ӧнӧдз тайӧ тадз. Сійӧ жӧ кадӧ иудаса ӧксылы паныд кыпӧдчисны тшӧтш Ливна карын олысьяс. Тадзи лои, ӧд Иорам эновтіс Господьӧс, аслас батьяслысь Енсӧ.

Ӧксыяслӧн 4 небӧг 3:9

Израильса, иудаса да эдомса ӧксыяс петісны туйӧ. Кытшола туйӧд сизим лун мунӧм бӧрын налӧн помасис ваныс – тышкайӧзлы да накӧд мунысь пемӧсъяслы нинӧм вӧлі юнысӧ.

Ӧксыяслӧн 3 небӧг 22:47

Эдом муын сэки эз вӧв ӧксыыс, муӧн веськӧдліс юралысь.

Олӧм 27:40

Шыпурт помысь тэ кутан овны, аслад вокыдлы кутан кесъявны. Но воас кад, тэ сылы паныд кыпӧдчан, голя вывсьыд сылысь сийӧссӧ шыбитан.

2 Каднебӧг 21:9

Иорам аслас тарантаса тышкайӧзкӧд да наӧн веськӧдлысьяскӧд петіс тышӧ эдомсаяслы паныд. Эдомса тышкайӧз кытшалісны Иорамӧс да тарантаса тышкайӧзӧн веськӧдлысьяссӧ, но войнас Иорам пасьвартіс найӧс. [Эдомсаяс пышйисны асланыс гортӧ.]

2 Каднебӧг 28:17

ӧд эдомсаяс бара уськӧдчисны Иуда войтыр вылӧ да пасьвартісны найӧс. Босьтӧм йӧзсӧ найӧ нуӧдісны пленӧ.