2 Каднебӧг 20:26 - Коми Библия 2023

²⁶ Нёльӧд луннас найӧ чукӧртчисны Берака ковтысын, и сэні найӧ ошкисны Господьӧс. Та вӧсна ӧнӧдз тайӧ ковтыссӧ шуӧны Берака ковтысӧн.

2 Каднебӧг 20:26 Referans Kwoze

Лука 1:68

– Ошка Господьӧс, Израильлысь Енсӧ! Сійӧ бергӧдчис Аслас войтырлань, дасьтіс сылы мездмӧм.

Исай 62:4

Тэнӧ оз нин шуны Эновтӧмаӧн, тэнсьыд мутӧ оз шуны Кушинӧн, но тэнӧ нимтасны Господьлӧн олан гажӧн, тэнсьыд мутӧ шуасны Гӧтырӧн, ӧд тэ муса Господьлы, и тэнад муыд оз коль верӧстӧг.

2 Каднебӧг 5:9

Потшъясыс вӧліны сэтшӧм кузьӧсь, мый налысь помсӧ мортыс вермис аддзыны Вежасьыс-вежаин водзвылын ортсы вежӧсас сулалігӧн. Но ылыстчыны кӧ, потшъясыс эз тыдавны. Йитӧд кудйыс ӧнӧдз сэні сулалӧ.

Петӧм 17:15

Мӧисей вӧчис висьпуктанін [Господьлы] да нимтіс сійӧс Яхве-нисси.

Олӧм 32:20

Нӧшта тшӧктіс шуны, мый сылӧн Яков кесйӧгыс на бӧрся локтӧ. Ӧд Яков кӧсйис ас водзвылас ыстӧм козиннас небзьӧдны Исавлысь сьӧлӧмсӧ. Яков чайтіс, мый тадзи Исав сибӧдас сійӧс.

Ӧксыяслӧн 2 небӧг 22:1

Давид сьыліс тайӧ сьыланкывсӧ Господьлы, кор Господь мездіс сійӧс став вӧрӧгысь да Саулысь. Сійӧ сьыліс тадзи:

Ӧксыяслӧн 1 небӧг 7:12

Самуил босьтіс из да сувтӧдіс сійӧс Миспа да Шен каръяс костӧ. Самуил сетіс изйыслы Эвен-Эзер ним да шуис, тайӧ местаӧдзыс пӧ Господь отсаліс миянлы.

Ап. уджъяс 1:19

Та йылысь тӧдмаліс став Ерусалимыс. Та вӧсна муыслы сетісны Акелдама ним, мый лоӧ ”вир му”.

Олӧм 28:19

Тайӧ местасӧ Яков нимтіс Вефильӧн, а таӧдз нимыс вӧлі Луз.

1 Каднебӧг 12:3

Ахиэзер юралысь да Йоас – Гиваысь Шемайлӧн пиян, Езиэл да Пелет – Азмаветлӧн пиян, Анатотысь Берак да Еху,

2 Каднебӧг 20:25

Кор Иосафат аслас тышкайӧзкӧд пондісны чукӧртны вӧрӧглысь эмбурсӧ, найӧ аддзисны уна кӧлуй, паськӧм да озырлун. Найӧ чукӧртісны аслыныс сы мында, мый эз вермыны весиг нунысӧ. Эмбурыс вӧлі зэв уна, сійӧс ковмис чукӧртны куим лун чӧж.

2 Каднебӧг 20:27

Иосафатлӧн веськӧдлӧм улын иудаса да ерусалимса став тышкайӧзыс бӧр бергӧдчисны Ерусалимӧ нимкодясьӧмӧн, ӧд налысь вӧрӧгсӧ пасьвартӧм вӧсна Господь сетіс налы помка гажӧдчыны.