2 Каднебӧг 2:7 - Коми Библия 2023

⁷ Сідзкӧ, мӧдӧд меным мортӧс, коді бура кужӧ вӧчасьны эзысь-зарниысь, ыргӧнысь, кӧртысь, кужӧ вӧчны пемыдгӧрд, югыдгӧрд да гӧрдовлӧз рӧма дӧра, бура кужӧ вундалӧмӧн серпасавны. Сійӧ кутас уджавны Иудаын да Ерусалимын олысь киподтуя йӧзкӧд, кодъясӧс индіс меным Давид батьӧй.

2 Каднебӧг 2:7 Referans Kwoze

Исай 60:10

Йӧз муысь локтысьяс пондасны кыпӧдны тэнсьыд стенъястӧ, налӧн ӧксыясыс пондасны кесъявны тэныд. Аслам скӧралігӧн Ме нӧйті тэнӧ, но Аслам муслун кузя Ме лоа бур сьӧлӧма тэ дінӧ.

Исай 28:29

Ставыс тайӧ – Господь Саваофсянь. Сылӧн велӧдӧмыс шензьӧдана, Сылӧн мывкыдлуныс пыдӧстӧм!

Исай 28:26

Енмыс велӧдӧ сійӧс тадзи вӧчнысӧ, сылӧн Енмыс туйдӧдӧ сійӧс.

Ӧксыяслӧн 3 небӧг 7:14

Сійӧ вӧлі Неффалим чужанкотырысь, дӧвалӧн пи. Батьыс сылӧн вӧлі ыргӧнысь вӧчасьысь. Хирам вӧлі зэв киподтуя, кужис вӧчавны ыргӧнысь быдсяматорсӧ. Хирам локтіс Соломон ӧксы дінӧ да вӧчис быд уджсӧ, мый сылы индыліс ӧксы.

Ӧксыяслӧн 3 небӧг 10:11

Хирамлӧн пыжъясӧн, мыйӧн ваявлісны Офирысь зарни, вайисны сэтысь Соломонлы тшӧтш зэв уна гӧрд пу да дона из.

Езекиль 27:5

Тэнсьыд дорыштӧ вӧчисны Сенирысь вайӧм кипарис пуысь, шолгатӧ – ливанса сус пуысь,