6 Но коді вермас лэптыны Сылы керка, весиг кӧ енэжыс да енэжвывса енэжъясыс оз вермыны тӧрӧдны Сійӧс? Коді ме сэтшӧмыс, медым лэптыны Сылы керка? Ме верма сӧмын вись сотӧм могысь лэптыны Сылы керка.
Господь тадзи висьталӧ: – Енэжыс – Менам юралан пуклӧсӧй, муыс – Менам кок улӧй. Кутшӧм керка ті вӧчанныд Меным? Кӧні лоӧ Меным шойччаніныс?
Збыльысь, му вылын-ӧ Енмыслы овны йӧзыскӧд? Енэжыс да енэжвывса енэжъясыс кӧ оз вермыны тӧрӧдны Тэнӧ, дерт нин, тайӧ крамыс, кодӧс ме лэпті, оз вермы тӧрӧдны Тэнӧ.
Збыльысь, му вылын-ӧ Енмыслы овны? Енэжыс да енэжвывса енэжъясыс кӧ оз вермыны тӧрӧдны Тэнӧ, дерт нин, тайӧ крамыс, кодӧс ме лэпті [Тэнад нимлы], оз вермы тӧрӧдны Тэнӧ.
Сідзкӧ, сет меным мывкыдлун да вежӧр, медым ме верми нуӧдны тайӧ войтырсӧ. Ӧд вермас-ӧ кодкӧ веськӧдлыны Тэнад уна лыда войтырӧн?»
Коді ме да менам войтырӧй, медым вайны Тэныд татшӧм сетӧмторъяс. Но ставыс Тэсянь, и ми сетам Тэныд сійӧ, мый сибӧдім Тэсянь.
Давид ӧксы муніс вежаинӧ да пондіс кевмысьны Господьлы: «Господьӧй Ыджыдӧй! Коді ме да менам рӧдӧй, мый Тэ татшӧм вылӧ лэптін менӧ!
Мӧисей шуис Енлы: «Коді ме сэтшӧмыс, медым мунны фараон дінӧ [египетса ӧксы дінӧ] да петкӧдны Египетысь Израиль войтырӧс?»
Меным, став вежа войтыр пиысь медся тӧдчытӧмыслы, уси шуд висьтавлыны ентӧдтӧмъяслы Кристослӧн помтӧм-дортӧм озырлун йылысь Бур Юӧрсӧ
Ӧтияслы тайӧ дукыс вайӧ кулӧм, а мӧдъяслы – олӧм. Но коді шогмас та вылӧ?
Вайӧй вежа вайӧмторъяснытӧ да кыв сетан висьяснытӧ сійӧ местаас, мый бӧръяс Господь [тіян Енныд, медым сэні ті шыасинныд Сы дінӧ].
Кутшӧм чужанкотырлӧн муын Господь [тіян Енныд] бӧръяс места, сэні вайӧй сотан висьяснытӧ. Сэні вӧчӧй ставсӧ, мый ме [талун] тшӧкта.
Кутшӧм места Господь, тіян Енныд, бӧръяс Аслас нимлы оланінӧн, сэтчӧ вайӧй ставсӧ, мый ме [талун] тшӧкта тіянлы: сотан висьястӧ да мукӧд висьястӧ, мувыв быдтасысь дасӧд юкӧнтӧ, вайӧмторъястӧ да кыв сетан медбур висьнытӧ, мый кӧсйысинныд Господьлы [асланыд Енлы].
Вермас ӧмӧй мортыс дзебсьыны, медым Ме эг аддзы сійӧс? – висьталӧ Господь. – Ме ӧмӧй абу быдлаын, енэжас и му вылас? – висьталӧ Господь.
Кужӧ вундавны да доргӧгӧравны из, вундасьны пуысь да вӧчны быдсикас кипом уджсӧ.
Соломон корис Тир карысь Хирам нима мортӧс.
Сійӧ вӧлі Неффалим чужанкотырысь, дӧвалӧн пи. Батьыс сылӧн вӧлі ыргӧнысь вӧчасьысь. Хирам вӧлі зэв киподтуя, кужис вӧчавны ыргӧнысь быдсяматорсӧ. Хирам локтіс Соломон ӧксы дінӧ да вӧчис быд уджсӧ, мый сылы индыліс ӧксы.
Тэнад эм уна уджалысь, на пӧвстын эмӧсь из кералысьяс, изйысь да пуысь вӧчасьысьяс да уна мукӧд киподтуя йӧз.