2 Каднебӧг 2:10 - Коми Библия 2023

¹⁰ Тэнад кесйӧгъяслы, кодъяс кутасны пӧрӧдны вӧр, ме сета пӧткӧдчӧм вылӧ кызь сюрс мешӧк шобді, кызь сюрс мешӧк ид, кызь сюрс бат мында вина да кызь сюрс бат мында олив вый».

2 Каднебӧг 2:10 Referans Kwoze

Ӧксыяслӧн 3 небӧг 5:11

А Соломон тӧждысис Хирамлӧн керка вӧсна, могмӧдіс сэні олысьясӧс сёян-юанӧн. Быд во сійӧ мӧдӧдліс Хирамлы кызь сюрс мешӧк шобді да кызь бӧчка олив вый.

Лука 10:7

Кольччӧй сійӧ керкаас, сёйӧй-юӧй мый тіянлы сетасны, ӧд уджалысьлы мынтысьӧны уджыс серти. Энӧ вуджӧй мӧд керкаӧ.

Ездра 7:22

Корас кӧ, сетӧй сылы эзысьсӧ весиг сё талант мында, шабдісӧ сё кор мында, винасӧ сё бат мында да олив выйсӧ сё бат мында, а совсӧ – артавтӧг.

Ӧксыяслӧн 3 небӧг 7:38

Хирам вӧчис ыргӧнысь дас мыссян доз. Быд дозйӧ тӧрис нелямын бат мында ва. Мыссян дозйыс вӧлі нёль гырддза ыджда. Быд джек вылын сулаліс ӧти мыссян доз.

Ӧксыяслӧн 3 небӧг 7:26

Вайӧртӧдлӧн стенмыс вӧлі ки пыдӧс кызта, а дорышыс вӧлі чаша сяма, лилия дзоридз кодь. Сэтчӧ тӧрис кык сюрс бат мында ва.

2 Каднебӧг 2:9

медым дасьтыны уна кер. Ӧд крамыс, мый ме кута вӧчны, лоӧ зэв ыджыд да мича.

2 Каднебӧг 2:15

Мӧдӧд аслад кесйӧгъяслы шобді, ид, вый да вина, мый йылысь тэ висьтавлін, менам ыджыдӧй.

Ездра 3:7

Изйысь да пуысь вӧчасьысьяслы израильсаяс сетісны сьӧм, а сёян-юан да вый сетісны сидонса да тирса йӧзлы, медым найӧ саридзті вайисны Иоппия карӧ Ливанысь сус пуяс. Персияса Кир ӧксы лэдзис вӧчны тайӧс.

1 Каднебӧг 14:2

Давидлы вӧлі гӧгӧрвоана, мый Аслас Израиль войтыр вӧсна Господь пуктіс сійӧс ӧксыӧ да зумыдмӧдіс сылысь юралӧмсӧ Израильын.

2 Каднебӧг 9:8

Ошкӧм Господьлы, тэнад Енлы! Аслас кӧсйӧм серти Господь, тэнад Енмыд, пуксьӧдіс тэнӧ юралан пуклӧсӧ, пуктіс тэнӧ ӧксыавны Аслас нимсянь. Тэнад Енмыд радейтӧ Израиль войтырӧс, та вӧсна кӧсйӧ вынсьӧдны сійӧс пыр кежлӧ. Сійӧ пуктіс тэнӧ Израиль войтырлы ӧксыӧ, медым тэ юралін да мыждін веськыда».