2 Каднебӧг 19:7 - Коми Библия 2023

⁷ Полӧй Господьысь, ставсӧ вӧчӧй веськыда, ӧд Господь, миян Енным, мустӧмтӧ пӧръясьӧм, леститчӧм да козин босьтӧм».

2 Каднебӧг 19:7 Referans Kwoze

Индӧд 32:4

Сійӧ – зумыд изйыс, Сылӧн уджъясыс тыр-бурӧсь, Сылӧн туйясыс веськыдӧсь. Сійӧ – эскана Ен, Сы пытшкын ылӧгыс абу, Сійӧ – веськыда вӧчысь Ен.

Олӧм 18:25

Оз вермы лоны сідзи, мый Тэ веськыда олысьӧс бырӧдан мыжаяскӧд, и веськыда олыськӧд лоас сійӧ жӧ, мый мыжакӧд. Тайӧ абу Тэсянь! Став мусӧ мыждысь оз ӧмӧй мыжды веськыда?»

Римӧ 2:11

Енмыс оз видзӧд чужӧм вылӧ.

Римӧ 9:14

Мый шуам? Енмыс абу веськыд? Сійӧ веськыд.

Колосӧ 3:25

А лёксӧ вӧчысьлы лёкыс вичмас. Енмыс оз видзӧд морт чужӧм вылӧ.

Ап. уджъяс 10:34

Петыр шуис: «Ме збыльысь ӧні гӧгӧрвоа, мый Енмыслы став йӧзыс ӧткодьӧсь.

Иов 34:19

Сійӧ оз сулав юралысьяс дор, озырӧс оз пукты гӧль дорысь вылӧджык, ӧд ставныс найӧ – Сылӧн вӧчӧмторъяс.

Петӧм 23:8

Эн босьт козин, ӧд козин босьтӧмыс синтӧммӧдӧ синмаӧс, и сійӧ мыждӧ веськыда вӧчысьӧс.

Ефесӧ 6:9

Ыджыдъяс, ті тшӧтш бура кутӧй асьнытӧ асланыд кесйӧгъяскӧд: энӧ лоӧй чорыдӧсь накӧд. Тӧдӧй, мый тіян вылын, и на вылын ӧти Ыджыдыс енэжас. Сійӧ оз видзӧд морт чужӧм вылӧ.

Галатӧ 2:6

Вичкоса пыдди пуктана йӧз – налӧн нималӧм-тӧдчанлун вылӧ ме ог видзӧд, Ен водзын ми ставным ӧткодьӧсь – эз лыддьыны коланаӧн мыйкӧ содтыны меӧн висьталӧм Бур Юӧр дінӧ.

Матвей 22:16

Найӧ мӧдӧдісны Сы дінӧ Ирӧдлысь йӧзсӧ да ассьыныс велӧдчысьяссӧ. Локтӧмаяс шуисны: «Велӧдысь, ми тӧдам, мый Тэ веськыда сёрнитан да веськыда велӧдан Енлӧн туйӧ. Тэ он пов йӧзлӧн шуасьӧмысь, он видзӧд морт вылӧ.

Микей 7:3

Налӧн киныс кыптӧ лёк вӧчны, найӧ кужӧмӧн лёксӧ вӧчӧны. Веськӧдлысь козин корӧ, ёрдысь сьӧм босьтӧ, юралысь аслас лёк кӧсйӧмъяс йылысь сёрнитӧ. Найӧ ставныс збыльсӧ гугӧдӧны.

Исай 33:15

Сійӧ, коді олӧ веськыда да висьталӧ збыльсӧ, коді оз кӧсйы озырмӧдчыны мукӧдсӧ дзескӧдӧмӧн, коді оз босьт козин, а мыждӧ веськыда, коді оз кӧсйы ӧтувтчыны вир кисьтысьяскӧд, коді мустӧмтӧ лёк вӧчысьяслысь уджъяссӧ.

Неемий 5:15

Меӧдз вӧвлӧм юралысьяс сьӧктӧдлӧмаӧсь войтырсӧ. Нелямын сикель эзысьысь ӧтдор найӧ босьтлӧмаӧсь нянь да вина. Весигтӧ налӧн кесйӧгъясыс дзескӧдлӧмаӧсь войтырсӧ. Но ме Енмысь полӧм вӧсна эг вӧч на моз.

1 Петыр 1:17

Ті кӧ шуанныд Батьӧн Сійӧс, коді чужӧм вылӧ видзӧдтӧг мыждӧ быдӧнӧс уджъясыс серти, сідзкӧ, олӧй тайӧ му вылас Енсьыс полӧмӧн.

Олӧм 42:18

Коймӧд луннас Ӧсип шуис налы: «Вӧчӧй, мый ме тшӧкта, сэки ловйӧн колянныд, ӧд ме пола Енсьыс.

Ӧксыяслӧн 2 небӧг 23:3

Израильлӧн Ен сёрнитіс мекӧд, Израильӧс Дорйысь шуис: «Веськыда ыджыдалысь, Енмысь полӧмӧн юралысь

Иов 8:3

Енмыс ӧмӧй оз веськыда мыжды, Ставсӧвермысь ӧмӧй вежас збыльсӧ?

Ӧксыяслӧн 1 небӧг 11:7

Сійӧ босьтіс кык ӧшкӧс да кераліс найӧс, яйторъяссӧ ыстіс юӧр вайысьяскӧд став Израиль му пасьтала да тшӧктіс шуны: ”Коді оз пет тышӧ Саулкӧд да Самуилкӧд, сылысь ӧшъяссӧ тадзи жӧ лоӧ кералӧма”. Господьысь полӧм босьтіс войтырсӧ, и найӧ ставныс ӧтитӧг мунісны Саул бӧрся.

Иов 13:10

Сійӧ чорыда мыждас, кор ті гусьӧн кодкӧ дор сувтанныд.

Псалтыр 82:2

Енмӧй, эн чӧв ов! Эн ланьтӧдчы, дугды чӧв овны!