2 Каднебӧг 19:11 - Коми Библия 2023

¹¹ Амарей аркирей мед кывкутас Господьлы кесъялӧм вӧсна, а Измаиллӧн Зевадай пиыс, Иуда чужанкотырлӧн юралысь, мед кывкутас ӧксылы кесъялӧм вӧсна. Левитъяс мед отсасясны тіянлы. Лоӧй зумыдӧсь, кутчысьӧй уджӧ! Господь мед лоас бурсӧ вӧчыськӧд!»

2 Каднебӧг 19:11 Referans Kwoze

2 Каднебӧг 19:8

Ерусалимын Иосафат тшӧтш индіс левитъясӧс, попъясӧс да израильса рӧдкутысьясӧс веськыда мыждыны Господьлӧн Индӧд серти да видлавны Ерусалимын олысьяслысь веньзӧмъяс.

2 Тимофейлы 2:1

Ёнмӧдчы, муса пиӧй, Исус Кристослӧн буралӧмнас.

1 Коринфӧ 16:13

Лоӧй дасьӧсь да зумыда эскӧй! Лоӧй вынаӧсь да повтӧмӧсь!

Ап. уджъяс 11:24

Варнава вӧлі бур морт, тырӧма Вежа Лолӧн. Сылӧн вӧлі зумыд эскӧм. Унаӧн сэки бергӧдчисны Господь дінӧ.

Лука 23:50

Сэні вӧлі Иудеяысь, Аримафея карысь, Ӧсип нима морт. Тайӧ бур да веськыда олысь мортыс виччысис Енлысь Юралӧмсӧ. Ӧсип вӧлі веськӧдлан котырысь, но паныд сулаліс Исусӧс виӧмлы.

Малакий 2:7

Поплӧн вомысь мед петас Ен йылысь тӧдӧмлуныс, сысянь йӧзыс виччысьӧны велӧдӧмсӧ, сійӧ ӧд Господь Саваофсянь юӧр вайысьыс.

Еклесиаст 2:26

Коді шогмана Енмыслы, сылы Енмыс сетӧ мывкыдлун, тӧдӧмлун да долыдлун. А мыж вӧчысьлы Енмыс сетӧ чӧжны-чукӧртны да кольны мортлы, коді шогмана Енмыслы. Но и тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Шусьӧгъяс 2:20

Сідзкӧ, ветлы бур йӧзлӧн туйӧд, веськыда олысьяс моз ов.

Псалтыр 112:5

Кодӧс позяс ӧткодявны Господькӧд, миян Енкӧд? Сійӧ пукалӧ выліинын,

Псалтыр 37:23

Господьӧй, менам Мездысьӧй, тэрмась отсавны меным!»

2 Каднебӧг 19:6

Сійӧ шуис ёрдысьяслы: «Видзӧдӧй ас бӧрсяныд, мый ті вӧчанныд, ӧд мортӧс мыждӧмысь ті кывкутанныд онӧ йӧз водзын, а Господь водзын. Господь лоӧ тіянкӧд ёрд вылын.

2 Каднебӧг 15:2

и сійӧ муніс Аса дінӧ да шуис сылы: «Кывзы менӧ, Аса. Кывзӧй менӧ, Иуда да Венямин чужанкотыръяс. Господь лоӧ тіянкӧд, ті кӧ лоанныд Сыкӧд. Ті кӧ кутанныд корсьны Сійӧс, Сійӧ воссяс тіянлы. А эновтанныд кӧ Сійӧс, Сійӧ тшӧтш эновтас тіянӧс.

1 Каднебӧг 28:20

Давид шуис аслас Соломон пиыслы: «Ло зумыд да повтӧм, босьтчы уджӧ! Эн пов, эн майшась, ӧд Господь Ен, менам Енмӧй, тэкӧд. Сійӧ оз коль, оз эновт тэнӧ, но отсалас помавны Господьлысь крам вӧчан уджъяссӧ.

1 Каднебӧг 26:30

Хеврон рӧдысь Хашавий да сылӧн вокъясыс вӧліны кужысь йӧз, налӧн лыдыс вӧлі сюрс сизимсё морт. Найӧс индісны Йӧрдан ю рытыввылын олысь израильсаяс пӧвстын кывкутны Господьлы кесъялӧм вӧсна да ӧксылӧн юралӧм вӧсна.

1 Каднебӧг 22:19

Сідзкӧ, став сьӧлӧмсяньныд да став олӧмнаныд корсьысьӧй Господьӧс, ассьыныд Ентӧ. Лэптӧй Господь Енлы вежаин, нуӧй сэтчӧ Господьлысь Йитӧд кудсӧ да Енлы кесъялан вежа дозмук-кӧлуйсӧ. Крамсӧ сиӧй Господьлы».

1 Каднебӧг 22:16

Тэнад эм лыдтӧм-тшӧттӧм зарни, эзысь, ыргӧн да кӧрт. Босьтчы уджӧ, Господь лоӧ тэкӧд».

1 Каднебӧг 22:11

Господь мед лоас тэкӧд, пиӧй! Сэки тэнад ставыс артмас, и тэ лэптан крам Господьлы, аслад Енлы, Сылӧн водзвыв висьталӧмыс серти.

1 Каднебӧг 6:11

Азарийлӧн чужис Амарей, Амарейлӧн – Ахитув,

Нав Исус 1:9

Ме тшӧкта тэныд: ло зумыд да повтӧм! Эн тірав да эн пов, ӧд Господь, тэнад Енмыд, лоӧ тэкӧд быдлаын, кытчӧ тэ мунан».

Нав Исус 1:6

Ло зумыд да повтӧм! Тэ юклан Израиль войтырлы мусӧ, мый Ме кыв сетӧмӧн кӧсйыси сетны налӧн батьяслы.

1 Каднебӧг 26:32

Сэні олісны кык сюрс сизимсё кужысь морт, найӧ вӧліны рӧдкутысьяс. Давид индіс найӧс кывкутны Енлы кесъялӧм вӧсна да ӧксылӧн юралӧм вӧсна Рувимсянь да Гадсянь чужысьяс пӧвстын да Манассейлӧн джын чужанкотырыс пӧвстын.

2 Каднебӧг 15:7

Но ті лоӧй зумыдӧсь, энӧ лэдзӧй кинытӧ, ӧд уджъяссьыныд лоӧ тіянлы тырдон».

Ездра 7:5

Букки – Авишуйлӧн, Авишуй – Пинеслӧн, Пинес – Элазарлӧн, Элазар – Аарон аркирейлӧн пи.

Еремей 6:16

Господь тадзи висьталӧ: – Сувтыштлӧй асланыд туй вылӧ, видзӧдлӧй да юасьӧй важся ордым йылысь, юасьӧй, кӧні веськыд туйыс, сэті и мунӧй, сэки асланыд ловлы ті аддзанныд шойччӧг. Но ті шуинныд, огӧ пӧ мунӧй.