2 Каднебӧг 18:7 - Коми Библия 2023

⁷ Израильса ӧксы вочавидзис Иосафатлы: «Эм нӧшта ӧти морт, код пыр ми вермам юавны Господьлысь. Тайӧ Микей, Имлайлӧн пиыс. Но ме мустӧмта тайӧ мортсӧ. Сійӧ некор оз пророкав меным бурсӧ, а сӧмын лёксӧ». Иосафат шуис: «Ӧксыӧй, тэныд оз позь тадзи сёрнитны».

2 Каднебӧг 18:7 Referans Kwoze

Микей 2:7

Яков рӧд, тадзи-ӧ тэ чайтан? Господь ӧмӧй оз скӧрав? Аслас шуӧм серти ӧмӧй оз вӧч? Менам кывъясӧй ӧмӧй оз вайны бурсӧ веськыда олысьлы?

Амос 5:10

Коді ёрд вылын веськыда мыждыны корӧ, сійӧс ті мустӧмтанныд, збыльсӧ висьталысьӧс зывӧктанныд.

Лука 6:22

Ті шудаӧсь, Морт Пи вӧсна кӧ йӧзыс тіянӧс мустӧмтӧны, вӧтлӧны, лёкӧдӧны да няйтӧсьтӧны тіянлысь нимнытӧ.

Исай 30:10

Тӧдысь-аддзысьяслы найӧ шуалӧны: «Дугдӧй аддзыны, мый водзӧ лоас». Пророкъяслы найӧ шуалӧны: «Энӧ висьтавлӧй миянлы збыльсӧ. Висьтавлӧй миянлы лӧсяланасӧ, висьтавлӧй сійӧ, мый миянлы сьӧлӧм серти.

Ӧксыяслӧн 3 небӧг 21:20

Ахав шуис Иллялы: «Мустӧмтысьӧй, тэ бара аддзин менӧ». Илля шуис: «Аддзи. Тэ ачыд сетчин, мед вӧчны Господь водзын шогмытӧмсӧ [да скӧрмӧдны Сійӧс].

Ӧксыяслӧн 3 небӧг 18:17

и кор паныдасис Иллякӧд, шуис сылы: «Тэ-ӧ тайӧ, Израильлы шогсӧ вайысьыс?»

Галатӧ 4:16

Збыльсӧ висьталӧм вӧсна ме ӧмӧй тіянлы паныд сувтысьӧн лои?

Иоан 15:24

Ме кӧ эг вӧч налӧн син водзын сійӧ уджъяссӧ, кодъясӧс некод эз вӧчлы, сэки эськӧ найӧ эз вӧвны мыжаӧсь. Ӧні найӧ аддзылісны Менсьым уджъясӧс, но Менӧ да Менсьым Батьӧс мустӧмтӧны.

Иоан 7:7

Тіянӧс йӧзыс оз мустӧмтны, а Менӧ мустӧмтӧны, ӧд Ме висьтала, мый налӧн уджъясыс лёкӧсь.

Марк 6:27

Дзик пыр сійӧ ыстіс шыпуртаӧс да тшӧктіс вайны Иоанлысь юрсӧ.

Еремей 38:4

Юралысьяс шуисны ӧксылы: «Тайӧ мортсӧ колӧ вины. Ӧд сылӧн кывъясысь карас кольӧм тышкайӧз да став войтырыс эбӧссьыс усьӧны. Тайӧ мортыс оз бурсӧ кӧсйы тайӧ войтырыслы, а сӧмын лёксӧ».

Еремей 18:18

Йӧзыс шуисны: «Локтӧй, сёрнитчамӧй Еремейлы паныд. Локтӧй, лёкӧдамӧй сійӧс, огӧ кывзӧй сійӧс! Миян эм попъяслӧн велӧдӧм, мывкыда йӧзлӧн туйдӧдӧм, пророкъяслӧн кыв».

Шусьӧгъяс 29:10

Вир кисьтысьяс мустӧмтӧны сӧстӧма олысьӧс, веськыда олысьяс тӧждысьӧны сы вӧсна.

Шусьӧгъяс 25:12

Мывкыд мортлӧн ӧлӧдӧмыс сійӧс кывзысьлы пельтӧ мичмӧдысь зарни исерга кодь.

Шусьӧгъяс 9:8

Эн чирышт омӧльтысьӧс – сійӧ мустӧмтас тэнӧ. Чирышт мывкыд мортӧс – сылы тэ муса лоан.

Псалтыр 55:3

Мустӧмтысьяс быд лун кӧсйӧны бырӧдны менӧ. Медвылыссаӧй, ме вылӧ усьласьысьыс вывті уна!

Псалтыр 34:21

Найӧ вомнысӧ паськӧдӧмӧн шуалӧны меным паныд: «Тайӧ тадзи! Ми асланым синъясӧн аддзылім, мый вӧлі!»

2 Каднебӧг 18:13

Микей вочавидзис: «Ловъя Господь водзын кыв сета: Енмӧй мый шуас меным, сійӧс и юӧрта».

Ӧксыяслӧн 4 небӧг 9:22

Ехуӧс аддзигӧн Иорам юаліс: «Бур могӧн-ӧ тэ локтан, Еху?» Мӧдыс вочавидзис: «Кутшӧм бур вермас лоны тані, кор тэнад Езавель мамыд быдлаын паськӧдӧ зывӧк идолъяслы юрбитӧм да тшыкӧдчӧм?»

Ӧксыяслӧн 3 небӧг 19:10

Илля вочавидзис: «Господьӧй, Тэ – Ен Саваоф. Ме век кесъялі тэныд став сьӧлӧмсянь. Израиль войтыр ӧтдортіс Тэнсьыд йитӧдтӧ, мый Тэ кӧрталін накӧд. Найӧ жуглісны Тэнсьыд висьпуктанінъястӧ, виалісны шыпуртӧн пророкъястӧ, ӧтнам ме ловйӧн коли. Ӧні корсьӧны вины тшӧтш менӧ».

Ӧксыяслӧн 3 небӧг 18:4

Кор Езавель виаліс Господьлысь пророкъясӧс, Авдий отсаліс сё пророклы дзебсьыны кырта горсъясӧ: быд горсйӧ дзебсисны ветымын мортӧн. Авдий вердіс-юкталіс найӧс сэні.

Ӧксыяслӧн 3 небӧг 22:8

Израильса ӧксы вочавидзис Иосафатлы: «Эм нӧшта ӧти морт, код пыр ми вермам юавны Господьлысь. Тайӧ Микей, Имлайлӧн пиыс. Но ме мустӧмта тайӧ мортсӧ. Сійӧ некор оз пророкав меным бурсӧ, а сӧмын лёксӧ». Иосафат шуис: «Ӧксыӧй, тэныд оз позь тадзи сёрнитны».

2 Каднебӧг 18:6

Иосафат юаліс: «Эм-ӧ тані нӧшта Господьлӧн пророк, кодлысь ми эськӧ вермим юавны?»

2 Каднебӧг 18:8

Израильса ӧксы корис ыджыд чина мортӧс да шуис: «Ветлы да ӧдйӧджык вайӧд Имлайлысь Микей писӧ».