2 Каднебӧг 18:5 - Коми Библия 2023

⁵ Израильса ӧксы чукӧртіс нёльсё пророкӧс да юаліс налысь: «Мый шуанныд, уськӧдчыны-ӧ миянлы галаадса Рамот кар вылӧ?» Пророкъяс вочавидзисны: «Уськӧдчы. Енмыс сетас сійӧс тэнад киӧ, ӧксыӧй».

2 Каднебӧг 18:5 Referans Kwoze

Восьтӧм 19:20

Зверӧс да сы нимсянь шензьӧданаторъяс вӧчысь ылӧгпророкӧс вӧлі кутӧма. Шензьӧданаторъяснас ылӧгпророкыс ылӧдліс найӧс, кодъяс босьтісны зверлысь пассӧ да копрасисны сылӧн серпаслы. Зверӧс да ылӧгпророкӧс ловйӧн вӧлі шыбитӧма биӧн да тэгйӧн сотчысь тыӧ,

2 Тимофейлы 4:3

Ӧд воас кад, кор веськыд велӧдӧмсӧ оз пондыны кывзыны. Йӧзыс ас лёк кӧсйӧм сертиныс бӧръясны велӧдысьясӧс да пондасны кывзыны найӧс.

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Микей 2:11

Нинӧм абусӧ бызгысь кӧ ылӧдчӧмӧн шуас: «Юӧрта тіянлы, мый вина-сурныд тіян визувтны кутас», сійӧс эськӧ пророк пыдди сибӧдіс тайӧ войтырыс.

Езекиль 13:22

Ылӧдлӧмнаныд ті шогӧдінныд веськыда олысьясӧс, кодъясӧс Ме эг кӧсйы шогӧдны. Ті ышӧданныд-ёнмӧданныд лёк вӧчысьясӧс, и найӧ оз бергӧдчыны лёк туйсьыныс, медым ловйӧн кольны.

Еремей 42:20

Ті ылӧдлінныд асьнытӧ. Ті мӧдӧдінныд менӧ Господь Енныд дінӧ да коринныд кевмысьны ас вӧснаныд. Ті шуинныд, юӧрт пӧ миянлы ставсӧ, мый висьталас Господь, миян Ен, и ми пӧ сідзи вӧчам.

Еремей 23:17

Менӧ мустӧмтысьяслы найӧ пыр дольӧны, Господь пӧ висьталӧ, мый тіян век лоӧ лӧнь олӧм. Налы, кодъяс чорзьӧдӧмаӧсь ассьыныс сьӧлӧмнысӧ, тайӧ пророкъясыс шуӧны, шогыс пӧ оз су тіянӧс.

Еремей 23:14

Но ӧні Ме аддза, мый ерусалимса пророкъяс нӧшта на зывӧкджыка вӧчӧны: пежалӧны гозъякост олӧм, олӧны ылӧгас, ыззьӧдӧны йӧзсӧ лёк вылӧ, оз кежӧдны найӧс лёк вӧчӧмысь. Ме водзын тайӧ пророкъясыс Содом карын олысьяс кодьӧсь, а Ерусалимын олысьяс Гомора карын олысьяс кодьӧсь.

2 Каднебӧг 18:14

Кор Микей локтіс ӧксы дінӧ, ӧксы юаліс: «Висьтав, Микей, уськӧдчыны-ӧ миянлы галаадса Рамот кар вылӧ?» Мӧдыс вочавидзис: «Уськӧдчӧй. Ті верманныд. Рамотын олысьясӧс лоӧ сетӧма тіян киӧ».

Ӧксыяслӧн 4 небӧг 3:13

Елисей шуис израильса ӧксылы: «Мыйла тэ локтін ме дінӧ? Мун аслад бать-мамыдлӧн пророкъяс дінӧ». «Ог мун, – вочавидзис израильса ӧксы. – Господь вайӧдіс миянӧс, куим ӧксыӧс, татчӧ, мед сетны миянӧс моавсаяс киӧ».

Ӧксыяслӧн 3 небӧг 18:19

Ӧні мӧдӧд йӧзтӧ, мед Кармил керӧсӧ чукӧртасны ме дінӧ став Израиль войтырӧс, тшӧтш Вааллысь нёльсё ветымын пророкӧс да Астарталысь нёльсё пророкӧс, кодъяс сёйӧны Езавельлӧн пызан сайын».

Ӧксыяслӧн 3 небӧг 4:13

Бен-Гевер юраліс Галаад муын Рамот карын. Сы кипод улын вӧліны Галаадын Манассейсянь чужысь Яирлӧн сиктъяс, нӧшта Васанын Аргов му, стенъясӧн кытшалӧм да ыргӧн иганъяс сайын сулалысь квайтымын ыджыд кар.

2 Каднебӧг 18:4

Иосафат нӧшта шуис израильса ӧксылы: «Но медводз юав Господьлысь, мый Сійӧ шуас».

2 Каднебӧг 18:6

Иосафат юаліс: «Эм-ӧ тані нӧшта Господьлӧн пророк, кодлысь ми эськӧ вермим юавны?»

Ӧксыяслӧн 3 небӧг 12:9

Ровоам юаліс налысь: «Мый ті шуанныд? Мый меным вочавидзны тайӧ войтырыслы? Найӧ корӧны, мед ме кокньӧді налысь сийӧссӧ, мый менам батьӧй пуктіс на вылӧ».

Еремей 23:16

Господь Саваоф тадзи висьталӧ: энӧ кывзӧй тайӧ пророкъяссӧ. Найӧ пӧрйӧдлӧны тіянӧс, висьталӧны тіянлы ассьыныс аддзылӧмъяс, а оз Господьсянь петкӧдчылӧмъяс.