2 Каднебӧг 17:8 - Коми Библия 2023

⁸ Накӧд тшӧтш Иосафат мӧдӧдіс Шемай, Нетаний, Зевадай, Асаил, Шемирамот, Ионафан, Адоний, Товий да Тов-Адоний левитъясӧс, нӧшта Элишам да Иорам попъясӧс.

2 Каднебӧг 17:8 Referans Kwoze

Малакий 2:7

Поплӧн вомысь мед петас Ен йылысь тӧдӧмлуныс, сысянь йӧзыс виччысьӧны велӧдӧмсӧ, сійӧ ӧд Господь Саваофсянь юӧр вайысьыс.

2 Каднебӧг 19:8

Ерусалимын Иосафат тшӧтш индіс левитъясӧс, попъясӧс да израильса рӧдкутысьясӧс веськыда мыждыны Господьлӧн Индӧд серти да видлавны Ерусалимын олысьяслысь веньзӧмъяс.

2 Каднебӧг 35:3

Господьлы вежӧдӧм-торйӧдӧм левитъяслы, Израиль войтырӧс туйдӧдысьяслы, Иосей шуис: «Тіянлы оз нин ков новлӧдлыны пельпом выланыд вежа кудсӧ, ӧд сійӧс сувтӧдӧма крамӧ, мый лэптіс Давидлӧн Соломон пиыс, израильса ӧксы. Ӧні кесъялӧй Господьлы, асланыд Енлы, да Сылӧн Израиль войтырлы.