2 Каднебӧг 17:7 - Коми Библия 2023

⁷ Аслас коймӧд ӧксыалан воӧ Иосафат мӧдӧдіс ассьыс чина йӧзсӧ – Бен-Хаилӧс, Авдийӧс, Закарӧс, Нафанаилӧс да Микайӧс, медым Иуда каръясын найӧ велӧдісны войтырсӧ.

2 Каднебӧг 17:7 Referans Kwoze

2 Каднебӧг 35:3

Господьлы вежӧдӧм-торйӧдӧм левитъяслы, Израиль войтырӧс туйдӧдысьяслы, Иосей шуис: «Тіянлы оз нин ков новлӧдлыны пельпом выланыд вежа кудсӧ, ӧд сійӧс сувтӧдӧма крамӧ, мый лэптіс Давидлӧн Соломон пиыс, израильса ӧксы. Ӧні кесъялӧй Господьлы, асланыд Енлы, да Сылӧн Израиль войтырлы.

2 Каднебӧг 15:3

Дыр кад чӧж Израиль войтыр оліс збыль Ентӧг да Индӧдтӧг, налӧн эз вӧвны туйдӧдысь попъяс.

Ап. уджъяс 1:1

Воддза небӧгас, дона Феофил, ме гижи тэныд ставсӧ, мый Исус вӧчис да мыйӧ велӧдіс медводдза лунсяньыс

Марк 4:2

Исус висьталіс налы уна велӧданвисьт:

Матвей 4:23

Исус ветлӧдліс Галилея му пасьтала. Сійӧ велӧдіс синагогаясын, висьтавліс Ен Юралӧм йылысь Евангелльӧ да бурдӧдаліс йӧзӧс быд висьӧм-доймӧмысь.

Исай 49:23

Ӧксыяс пондасны тӧждысьны тэнад челядь вӧсна, ӧксыяслӧн гӧтыръясныс пондасны вердны тэнсьыд ныв-питӧ. Найӧ пондасны муӧдз копрасьны тэныд, тэнад кокысь буссӧ нювны. Сэки тэ тӧдмалан, мый Ме – Господь, и Ме вылӧ лача кутысь оз янав.

Еклесиаст 1:12

Ме, еклесиаст, вӧлі израильса ӧксыӧн Ерусалимын.

Псалтыр 34:11

Ылӧг висьталысьяс чеччӧны ёрд вылын, юасьӧны менсьым, мый ог тӧд.

Неемий 9:3

Найӧ сулалісны куим час чӧж, кор налы лыддисны Господь Енлысь Индӧдсӧ. Сэсся найӧ куим час чӧж копыртчӧмӧн висьтасисны мыжъяссьыныс Господьлы, асланыс Енлы.

2 Каднебӧг 30:22

Езекей висьталіс бур кывъяс левитъяслы, кодъяс бурногӧн лӧсьӧдісны Господьлы кесъялӧм. Сизим лун чӧж войтырыс сёйис-гажӧдчис, вайис бурасян висьяс да ошкис Господьӧс, асланыс батьяслысь Енсӧ.

Индӧд 33:10

Яковӧс велӧдӧ Тэнад тшӧктӧмъясӧ, Израильӧс – Тэнад Индӧдӧ. Тэ водзын тшынӧдӧ чӧскыд ӧвтантор, висьпуктанін вылын сотӧ Тэныд висьяс.

Индӧд 4:5

Ме велӧді тіянӧс индӧд-тшӧктӧмъясӧ, кыдзи тшӧктіс меным Господь, менам Енмӧй. Олӧй на серти сійӧ муас, кытчӧ ті мунанныд, медым босьтны сійӧс аслыныд.

Лыд 1:8

Иссакар чужанкотырысь Цуарлӧн Нафанаил пиыс,

Левит 14:42

Мед пуктасны выль изъяс сэтчӧ, кытысь перйисны пежасьӧм изъяссӧ, а стенсӧ мед мавтасны выль гудрасӧн.

Ездра 7:25

А тэ, Ездра, Енсянь сетӧм мывкыдлуныд серти сувтӧд ёрдысь-мыждысьясӧс, медым найӧ веськыда мыждасны Авар-Нахара муын олысьясӧс, кодъяс тӧдӧны тэнад Енлысь тшӧктӧмъяссӧ. А кодъяс оз тӧдны, велӧдӧй найӧс.