2 Каднебӧг 15:9 - Коми Библия 2023

⁹ Аса чукӧртіс Иуда да Венямин чужанкотыръяс, тшӧтш на пӧвстӧ Ефрем, Манассей да Симеон чужанкотыръясысь овмӧдчӧм йӧзӧс. Ӧд Израиль войтыр пӧвстысь унаӧн сувтісны Аса дор, кор найӧ аддзисны, мый сыкӧд Господь, сылӧн Енмыс.

2 Каднебӧг 15:9 Referans Kwoze

2 Каднебӧг 11:16

Но израильса быд чужанкотырын вӧліны сэтшӧм йӧз, кодъяс став сьӧлӧмсяньныс кесъялісны Господьлы, Израильлӧн Енлы. Левитъяс бӧрся найӧ тшӧтш мунісны Ерусалимӧ, медым вись вайны Господьлы, асланыс батьяслӧн Енлы.

Ап. уджъяс 9:31

Став Иудея, Галилея да Самария пасьтала вичкояс олісны лӧня. Найӧ олісны Господьысь полӧмӧн да лунысь-лун ёнмисны. Вежа Лов ышӧдӧм улын вичкоясын эскысьяслӧн лыдыс содіс.

2 Каднебӧг 30:25

Иуда войтыр, попъяс, левитъяс да Израиль муысь локтӧм войтыр ёна нимкодясисны. Нимкодясисны тшӧтш Израиль муысь да Иуда муысь локтӧм мукӧд войтыръяс.

1 Каднебӧг 12:19

Манассей чужанкотырысь йӧз вуджисны Давид дор, кор Давид филистимсаяскӧд петіс тышӧ Сауллы паныд. Но Давид да сылӧн йӧзыс эз отсасьны филистимсаяслы, ӧд филистимса юралысьяс ас костаныс сёрнитчӧм бӧрын ыстісны Давидӧс ас дінсьыныс. Найӧ шуисны: «Сійӧ вермас вуджны Саул ыджыдыс дінӧ, и ми вермам воштыны ассьыным юрнымӧс».

Ӧксыяслӧн 3 небӧг 12:19

Сійӧ кадас Израиль торйӧдчис Давид рӧдысь, и тайӧ ӧнӧдз тадзи.

Ӧксыяслӧн 3 небӧг 3:28

Став Израиль войтыр кыліс ӧксылӧн веськыда мыждӧм йылысь. Ставнысӧ полӧм босьтіс ӧксыысь. Найӧ гӧгӧрвоисны, мый Енмыс сетӧма Соломонлы мывкыдлун, медым веськыда мыждыны.

Ӧксыяслӧн 1 небӧг 18:28

Саул аддзис, мый Господь Давидкӧд. Сійӧ тӧдіс, мый [став Израиль войтыр да] Мелкола нылыс радейтӧ Давидӧс.

Олӧм 39:3

и ыджыдыс аддзис, мый Господь Ӧсипкӧд да бурсиӧ сылысь став уджсӧ.

2 Каднебӧг 15:10

Найӧ чукӧртчисны Ерусалимӧ Асалӧн дас витӧд ӧксыалан воӧ коймӧд тӧлысьнас.

Езекиль 37:16

«Морт пиӧй, босьт бедь да гиж сэтчӧ: ”Иуда чужанкотыр да сыкӧд ӧтувтчӧм израильса чужанкотыръяс”. Сэсся босьт мӧд бедь да гиж сэтчӧ: ”Ӧсип”. Тайӧ лоӧ Ефремлӧн да сыкӧд ӧтувтчӧм израильса чужанкотыръяслӧн бедь.

Олӧм 26:28

Найӧ шуисны: «Тэкӧд збыльысь Господь! Ми кӧсъям сёрнитчыны тэкӧд. Сет миянлы кыв,

2 Каднебӧг 19:4

Иосафат оліс Ерусалимын. Бер-Шевасянь да Ефрем керӧсвыв муӧдз сійӧ унаысь кытшовтіс мусӧ да аддзысьліс войтырыскӧд. Сійӧ бӧр бергӧдіс найӧс Господьлань, налӧн батьяслӧн Енлань.