2 Каднебӧг 15:15 - Коми Библия 2023

¹⁵ Став Иуда войтыр нимкодясис тайӧ кыв сетӧмсьыс, ӧд найӧ сьӧлӧмсяньныс кыв сетісны да корсисны Господьӧс, и Сійӧ воссис налы. Господь быд боксянь сетіс налы лӧнь олӧм.

2 Каднебӧг 15:15 Referans Kwoze

2 Каднебӧг 14:7

Сійӧ шуис Иуда войтырлы: «Тайӧ каръяс гӧгӧрыс сувтӧдамӧй стенъяс да башняяс, вӧчамӧй дзиръяяс да тасъяс. Муыс миян на, ӧд ми корсим Господьӧс, ассьыным Енмӧс. Ми корсим Сійӧс, и быд боксянь Сійӧ сетіс миянлы лӧнь олӧм». Иуда войтыр лэптісны каръяс, и налӧн ставыс артмис.

2 Каднебӧг 15:12

Найӧ кӧрталісны Господькӧд, асланыс батьяслӧн Енкӧд йитӧд, кӧсйысисны став сьӧлӧмсянь корсьны Господьӧс

2 Коринфӧ 1:12

Ми ошйысям, мый тайӧ муюгыдас олысьяскӧд, торйӧн нин тіянкӧд, вӧлім восьсаӧсь да веськыдӧсь, олім Енлысь кывзысьӧмӧн. Та вӧсна миян сьӧлӧмным оз мыжды миянӧс. Ми ӧд эгӧ асланым мывкыд серти олӧй, миянӧн веськӧдліс Енлӧн буралӧмыс.

Исай 26:8

Тэнад веськыда мыждан туй вывті мунігӧн ми лача кутам Тэ вылӧ, Господьӧй, ёна кӧсъям шыасьны Тэнад нимӧ, казьтывны Тэ йылысь.

Псалтыр 32:11

Но Господьлӧн шуӧмыс олӧ нэмъяс чӧж, Сылӧн кӧсйӧмыс чужысьяссянь чужысьясӧдз оз вежсьы.

2 Каднебӧг 15:4

Но сьӧкыдалігӧн Израиль войтыр бергӧдчис аслас Господь Ен дінӧ, найӧ корсисны Сійӧс, и Енмыс воссис налы.

Филипӧ 1:23

Кӧсъя ӧтисӧ и мӧдсӧ: кӧсъя ӧдйӧджык мунны тайӧ муюгыдсьыс да лоны Кристоскӧд, ӧд тайӧ ёна бурджык,

Исай 45:19

Ме эг гусьӧн висьтав, эг пемыдінын сёрнит, Яковсянь чужысьяслы Ме эг тшӧктывлы корсьны Менӧ кушинысь. Ме – Господь, Ме сёрнита веськыда, висьтала-юӧрта збыльсӧ.

Шусьӧгъяс 3:17

Туйясыс сылӧн бурӧсь, ордымъясыс сылӧн лӧсьыдӧсь.

Иов 34:29

Енмыс кӧ чӧв ланьтас, коді вермас мыжавны Сійӧс? Енмыс кӧ вевттяс чужӧмбансӧ, коді вермас аддзыны Сійӧс? Сійӧ ыджыдалӧ войтыр вылын и торъя морт вылын,

Неемий 8:9

Индӧдсӧ кывзігӧн став войтырыс бӧрдіс. Сэки Неемий юралысь, Индӧдӧ велӧдысь Ездра поп да войтырсӧ велӧдысь левитъяс шуисны кывзысьяслы: «Тайӧ лунсӧ вежӧдӧма Господьлы, тіян Енлы. Энӧ шогсьӧй да энӧ бӧрдӧй.

2 Каднебӧг 29:36

Ставыс артмис ӧдйӧ. Езекей да став войтырыс нимкодясисны сыысь, мый Енмыс вӧчис Аслас войтырлы.

2 Каднебӧг 15:6

Войтыръяс тышкасисны ӧта-мӧдныскӧд, ӧти карын олысьяс тышкасисны мӧд карын олысьяскӧд. Енмыс мӧдӧдліс налы уна сьӧкыдлун, та вӧсна найӧ шызьывлісны.

2 Каднебӧг 15:2

и сійӧ муніс Аса дінӧ да шуис сылы: «Кывзы менӧ, Аса. Кывзӧй менӧ, Иуда да Венямин чужанкотыръяс. Господь лоӧ тіянкӧд, ті кӧ лоанныд Сыкӧд. Ті кӧ кутанныд корсьны Сійӧс, Сійӧ воссяс тіянлы. А эновтанныд кӧ Сійӧс, Сійӧ тшӧтш эновтас тіянӧс.

Нав Исус 23:1

Дыр кад чӧж Господь [Ен] сетіс Израиль войтырлы лӧня овны да видзис найӧс вӧрӧгысь. Кор Исус вӧлі ыджыд арлыда нин,

Индӧд 26:11

Нимкодясь став бурторнас, мый сетіс тэныд да тэнад котырыдлы Господь, тэнад Енмыд. Левитъяс да йӧз муысь локтысьяс тэкӧд ӧтвылысь мед нимкодясясны.

2 Каднебӧг 29:10

Но ӧні ме кӧсъя кӧртавны йитӧд Господькӧд, Израильлӧн Енкӧд, медым Сійӧ вештас миян вылысь Ассьыс ыпъялан скӧрлунсӧ.

2 Каднебӧг 14:6

Сійӧ воясӧ, кор Господь сетіс шойччӧг Иуда мулы, и сэні эз вӧвны тышъяс, Аса лэптіс изкаръяс.

2 Каднебӧг 15:14

Гораа нимкодясьӧмӧн найӧ кыв сетісны Господьлы труба да буксан шы улӧ.

2 Каднебӧг 20:30

Иосафат ӧксылӧн му вылӧ пуксис лӧнь олӧм, сылӧн Енмыс быд боксянь сетіс сылы лӧньлун.

Петӧм 24:3

Мӧисей локтіс войтырыс дінӧ да висьталіс налы Господьлысь кывъяссӧ да тшӧктӧмъяссӧ. Войтырыс ӧти вомӧн шуис: «Ми вӧчам ставсӧ, мый тшӧктіс Господь. [Кутам кывзысьны.]»

Нав Исус 24:25

Сійӧ лунӧ Господь нимсянь Исус кӧрталіс войтыркӧд йитӧд. Сэні, Сикемын [Господьлӧн, Израиль Енлӧн, вежа чом водзын] сійӧ сетіс налы индӧд-тшӧктӧмъяс.

Ӧксыяслӧн 4 небӧг 23:3

Сэсся ӧксы сувтіс джуджыд пос вылӧ да Господь водзын кӧсйысис видзны йитӧд, мый Господь кӧртавліс Аслас войтыркӧд. Ӧксы кӧсйысис кывзысьны Господьлысь да став сьӧлӧмсяньыс овны Сылӧн индӧд-тшӧктӧмъяс серти, медым видзны небӧгӧ гижӧм йитӧдлысь кывъяссӧ. Став войтырыс тшӧтш кӧсйысис видзны тайӧ йитӧдсӧ.

1 Каднебӧг 16:10

Ошйысьӧй Сылӧн вежа нимнас! Господьӧс корсьысьлӧн мед нимкодясяс сьӧлӧмыс!

2 Каднебӧг 11:16

Но израильса быд чужанкотырын вӧліны сэтшӧм йӧз, кодъяс став сьӧлӧмсяньныс кесъялісны Господьлы, Израильлӧн Енлы. Левитъяс бӧрся найӧ тшӧтш мунісны Ерусалимӧ, медым вись вайны Господьлы, асланыс батьяслӧн Енлы.

2 Каднебӧг 19:3

Дерт, тэнад эм и бур уджъяс. Тэ бырӧдін Иуда муысь юрбитан пуяс да сьӧлӧмсяньыд корсин Енмӧс».

2 Каднебӧг 34:31

Сэсся ӧксы сувтіс аслас местаӧ да Господь водзын кӧсйысис видзны йитӧд, мый Господь кӧртавліс Аслас войтыркӧд. Ӧксы кӧсйысис кывзысьны Господьлысь да став сьӧлӧмсяньыс овны Сылӧн индӧд-тшӧктӧмъяс серти, медым видзны небӧгӧ гижӧм йитӧдлысь кывъяссӧ.