2 Каднебӧг 15:12 - Коми Библия 2023

¹² Найӧ кӧрталісны Господькӧд, асланыс батьяслӧн Енкӧд йитӧд, кӧсйысисны став сьӧлӧмсянь корсьны Господьӧс

2 Каднебӧг 15:12 Referans Kwoze

Ап. уджъяс 24:14

Но веськыда висьтала тэныд: ме кутчыся тайӧ велӧдӧмас, мый найӧ шуӧны пӧръясьӧмӧн, тадзи кесъяла миян батьяслӧн Енлы. Ме эска ставас, мый гижӧма Индӧдын да пророк гижӧдъясын.

2 Каднебӧг 23:16

Иодай поп кӧрталіс став войтырыскӧд да ӧксыкӧд йитӧд сы йылысь, мый найӧ – Господьлӧн войтыр.

2 Каднебӧг 29:10

Но ӧні ме кӧсъя кӧртавны йитӧд Господькӧд, Израильлӧн Енкӧд, медым Сійӧ вештас миян вылысь Ассьыс ыпъялан скӧрлунсӧ.

Индӧд 10:12

«Израиль, мый виччысьӧ тіянсянь Господь, тіян Енныд? Виччысьӧ, медым ті полінныд Господьысь, асланыд Енмысь, ветлінныд Сылӧн туйясӧд, радейтінныд Сійӧс да кесъялінныд Сылы став сьӧлӧмнад да став олӧмнад.

2 Коринфӧ 8:5

Найӧ сетісны ёна унджык миян виччысьӧм дорысь. Ен кӧсйӧм серти найӧ сиисны асьнысӧ медводз Господьлы, сэсся миянлы.

Еремей 50:5

Найӧ пондасны корсьны Сионӧ мунан туй, сылань чужӧмнысӧ бергӧдӧмӧн найӧ шуасны: «Мунамӧй Господь дінӧ, огӧ вунӧдӧй пыр кежлӧ кӧрталӧм йитӧдсӧ».

Неемий 10:29

ӧтувтчисны асланыс веськӧдлысьяскӧд да кыв сетӧмӧн кӧсйысисны кутчысьны Енлӧн Индӧдӧ, мый Мӧисей, Енлӧн кесйӧг, сетіс налы. Кӧсйысисны овны Господь Ыджыдлӧн став индӧд-тшӧктӧмыс серти.

Неемий 9:38

Та вӧсна ми лӧсьӧдім кӧсйысяна гижӧд. Гижӧд улас миян юралысьяс, левитъяс да попъяс пуктісны ассьыныс пас.

2 Каднебӧг 15:4

Но сьӧкыдалігӧн Израиль войтыр бергӧдчис аслас Господь Ен дінӧ, найӧ корсисны Сійӧс, и Енмыс воссис налы.

Ӧксыяслӧн 4 небӧг 23:3

Сэсся ӧксы сувтіс джуджыд пос вылӧ да Господь водзын кӧсйысис видзны йитӧд, мый Господь кӧртавліс Аслас войтыркӧд. Ӧксы кӧсйысис кывзысьны Господьлысь да став сьӧлӧмсяньыс овны Сылӧн индӧд-тшӧктӧмъяс серти, медым видзны небӧгӧ гижӧм йитӧдлысь кывъяссӧ. Став войтырыс тшӧтш кӧсйысис видзны тайӧ йитӧдсӧ.

Ӧксыяслӧн 3 небӧг 8:48

и став сьӧлӧмсяньныс кӧ шыасясны Тэ дінӧ вӧрӧг муын, кытчӧ найӧс нуӧдісны, пондасны кевмысьны Тэныд да кевмысиганыс бергӧдчасны асланыс мулань, мый Тэ сетін налӧн батьяслы, карлань, мый Тэ бӧрйин, да крамлань, мый ме лэпті Тэныд,

Индӧд 29:12

Ті локтінныд татчӧ, медым Господь, тіян Енныд, кыв сетӧмӧн кӧрталас тіянкӧд йитӧд.

Индӧд 29:1

Моав муын Господь тшӧктіс Мӧисейлы содтыны тайӧ кывъяссӧ сійӧ йитӧд дорас, мый Господь кӧрталіс Израиль пиянкӧд Хорив керӧсын.

Индӧд 4:29

Но сэні кӧ кутанныд корсьны Господьӧс, ассьыныд Ентӧ, ті аддзанныд Сійӧс, сӧмын кутанныд кӧ корсьны став сьӧлӧмнад да став олӧмнад.

Ӧксыяслӧн 4 небӧг 11:17

Иодай поп кӧрталіс Господь, ӧксы да войтырыс костын йитӧд сы йылысь, мый найӧ – Господьлӧн войтыр. Нӧшта кӧрталіс торъя йитӧд ӧксы да войтырыс костын.

Индӧд 6:5

Радейт Господьӧс, ассьыд Ентӧ, став сьӧлӧмнад, став олӧмнад да став выннад.

Индӧд 29:11

тіян челядьныд, гӧтыръясныд, йӧз муысь локтысьяс, кодъяс тіянлы пес кералӧны да ва ваялӧны.

Нав Исус 24:25

Сійӧ лунӧ Господь нимсянь Исус кӧрталіс войтыркӧд йитӧд. Сэні, Сикемын [Господьлӧн, Израиль Енлӧн, вежа чом водзын] сійӧ сетіс налы индӧд-тшӧктӧмъяс.

2 Каднебӧг 11:16

Но израильса быд чужанкотырын вӧліны сэтшӧм йӧз, кодъяс став сьӧлӧмсяньныс кесъялісны Господьлы, Израильлӧн Енлы. Левитъяс бӧрся найӧ тшӧтш мунісны Ерусалимӧ, медым вись вайны Господьлы, асланыс батьяслӧн Енлы.

2 Каднебӧг 19:3

Дерт, тэнад эм и бур уджъяс. Тэ бырӧдін Иуда муысь юрбитан пуяс да сьӧлӧмсяньыд корсин Енмӧс».