2 Каднебӧг 14:12 - Коми Библия 2023

¹² Аса да иудаса тышкайӧз водзын Господь пасьвартіс эфиопияса тышкайӧзӧс, и найӧ пышйисны.

2 Каднебӧг 14:12 Referans Kwoze

2 Каднебӧг 13:15

Иудаса тышкайӧз гораа горӧдісны. Налӧн горӧдӧм дырйи Енмыс пасьвартіс Еровамӧс да израильса тышкайӧзӧс Авий ӧксылӧн да Иуда войтырлӧн син водзын.

1 Коринфӧ 15:57

Ошкӧм Енлы! Миян Господь Исус Кристос пыр Сійӧ сетӧ миянлы вермӧм!

1 Коринфӧ 9:26

Та вӧсна некытчӧ кежтӧг котӧрта помӧдз да тышкася ог весьшӧрӧ, менам быд вартӧм веськалӧ коланаинӧ.

Нав Исус 10:10

Господь шӧйӧвоштіс аморейясӧс израильса тышкайӧзлӧн син водзын. Гаваон дорын израильсаяс пасьвартісны аморейясӧс. Сэсся Бет-Хоронӧ кайысь туйӧд Азека да Македа каръясӧдз вӧтчисны пышйысьяс бӧрся да бырӧдісны найӧс.

Индӧд 32:39

Видзӧдӧй, тайӧ – Ме, Ме – Енмыс, Меысь кындзи мӧд Енмыс абу. Ме виа и олӧм сета, Ме дойдала и бурдӧда. Менам киысь некод оз мезды.

Индӧд 28:7

Господь сетас тіянлы вермыны вӧрӧгнытӧ, кодъяс сувтасны тіянлы паныд. Найӧ локтасны ӧти туйӧд, а пышъясны тіянысь сизимлаӧд.

Петӧм 14:25

Господь вӧчис сідзи, мый тарантасысь гӧгыльясыс усьласисны, и египетсаяс ӧдва вермисны муннысӧ. «Колӧ пышйыны Израиль войтырысь, – шуисны найӧ, – ӧд Ачыс Господь на пыдди тышкасьӧ Египеткӧд».

2 Каднебӧг 20:22

Кор сьылысьяс пондісны нимкодясьӧмӧн гораа ошкыны Господьӧс, сэки Господь мӧдӧдіс йӧзӧс уськӧдчыны аммонсаяс, моавсаяс да Сеир керӧсвыв муын олысьяс вылӧ, кодъяс кӧсйисны уськӧдчыны Иуда вылӧ. Но Господь пасьвартіс Иудалысь вӧрӧгсӧ,

2 Каднебӧг 12:3

Египетысь Шишаккӧд локтісны квайтымын сюрс верзьӧма да лыдтӧм-тшӧттӧм тышкайӧз Ливияысь, Эфиопияысь да сукки войтырысь. Тышкайӧзлӧн вӧлі сюрс кыксё тарантас.

Амос 9:7

– Израиль войтыр, Меным ті ӧткодьӧсь Эфиопия войтыркӧд, – висьталӧ Господь. – Израильӧс Ме петкӧді Египет муысь, филистимсаӧс – Кафторысь, арамейясӧс – Кирысь.

Олӧм 10:19

Ханаансаяслӧн муыс вӧлі паськӧдчӧма Сидонсянь Герарлань, Газаӧдз, сэсянь водзӧ – Содомлань, Гоморалань, Адмалань да Севоимлань, Лашаӧдз.

Петӧм 12:41

Нёльсё комын во тыран лунӧ войнас Господьлӧн став войтырыс тышкайӧз моз петіс Египетысь.

Петӧм 12:51

Дзик сійӧ лунӧ Господь петкӧдіс Египетысь Израиль пиянӧс тышкайӧзӧс моз.

1 Каднебӧг 5:21

Найӧ мырддисны вӧрӧглысь ветымын сюрс верблюдӧс, кыксё ветымын сюрс ыжӧс да кык сюрс осёлӧс, нӧшта босьтісны пленӧ сё сюрс мортӧс.

2 Каднебӧг 15:11

Сійӧ лунӧ Господьлы вись пыдди найӧ вайисны тышын шедӧдӧмаысь сизимсё ӧшкӧс да сизим сюрс ыжӧс.