2 Каднебӧг 13:2 - Коми Библия 2023

² Куим во чӧж сійӧ юраліс Ерусалимын. Авийлӧн мамыс вӧлі Микая, Гиваысь Уриэллӧн нылыс. Авий да Еровам костын муніс тыш.

2 Каднебӧг 13:2 Referans Kwoze

2 Каднебӧг 11:20

Нӧшта Ровоам босьтіс гӧтырӧ Авессаломлысь Маака нывсӧ. Маака чужтіс сылы Авийӧс, Аттайӧс, Зизӧс да Шеломотӧс.

Ӧксыяслӧн 3 небӧг 15:2

Куим во чӧж сійӧ юраліс Ерусалимын. Авийлӧн мамыс вӧлі Маака, Авессаломлӧн нылыс.

Ӧксыяслӧн 1 небӧг 10:26

Саул тшӧтш муніс гортас Гиваӧ. Сыкӧд ӧтлаын мунісны збой йӧз, кодъяслы сьӧлӧмас инмӧдчис Енмыс.

Ёрдысьяс 19:16

Рытнас видз-му вылысь вӧлі локтӧ пӧрысь морт. Сійӧ вӧлі Ефрем керӧсвыв муысь, но оліс Венямин чужанкотырлӧн Гива карын.

Ёрдысьяс 19:14

Найӧ водзӧ мунісны. Шонді саяліс, кор найӧ локтісны Венямин чужанкотырлӧн Гива кар дорӧ.

Нав Исус 18:28

Цела, Элеф да Евус, мӧд ногӧн кӧ, Ерусалим, Гива да Киръят каръяс – дас нёль кар да нагӧгӧрса сиктъяс. Татшӧм му вичмӧдӧма Венямин чужанкотырлӧн рӧдъяслы.

Ӧксыяслӧн 3 небӧг 14:19

Еровамлӧн мукӧд уджъяс йылысь, сылӧн тышъяс да ӧксыалӧм йылысь гижӧма израильса ӧксыяслӧн каднебӧгӧ.

2 Каднебӧг 13:3

Тышсӧ паніс Авий. Сылӧн вӧлі нёльсё сюрс медбур тышкаморт. Еровам петіс сылы паныд кӧкъямыссё сюрс медбур тышкаморткӧд.

Ӧксыяслӧн 3 небӧг 14:20

Еровам ӧксыаліс кызь кык во чӧж. Еровам куліс да вуджис батьясыс дінӧ. Сы бӧрти ӧксыӧ пуксис сылӧн Надав пиыс.

2 Каднебӧг 12:15

Ровоам ӧксыалӧм дырйи лоӧмторъяс йылысь водзысяньыс и помӧдзыс гижӧма Шемай пророклӧн гижӧдъясӧ да Иддо нима тӧдысь-аддзысьлӧн чужанвуж небӧгӧ. Ровоам да Еровам костын пыр муніс тыш.