2 Каднебӧг 13:16 - Коми Библия 2023

¹⁶ Израильса тышкайӧз пышйисны иудаса тышкайӧзысь, но Енмыс сетіс найӧс иудаса тышкайӧзлӧн киӧ.

2 Каднебӧг 13:16 Referans Kwoze

2 Каднебӧг 16:8

Эфиопияса да ливияса тышкайӧзлӧн вӧлі лыдтӧм-тшӧттӧм тарантас да верзьӧма, но Господь сетіс найӧс тэнад киӧ, ӧд тэ лача кутін Господь вылӧ.

Ӧксыяслӧн 1 небӧг 23:7

Сауллы юӧртісны, Давид пӧ Кейлаӧ локтӧма. Саул шуис: «Енмыс сетіс сійӧс менам киӧ. Карса иган сайӧ пырӧмнас сійӧ ачыс асьсӧ йӧртіс».

Ёрдысьяс 11:21

Господь, Израильлӧн Ен, сетіс Сигонӧс да сылысь тышкайӧзсӧ израильсаяслӧн киӧ. Тадзи израильсаяс пасьвартісны сэні олысь аморейясӧс да босьтісны аслыныс став налысь мусӧ.

Ёрдысьяс 1:4

Иудасянь чужысьяс петісны тышӧ. Господь сетіс ханаансаясӧс да перезейясӧс налӧн киӧ. Везекын найӧ пасьвартісны дас сюрс мортӧс.

Нав Исус 21:44

Господь быд боксянь видзис найӧс да сетіс лӧнь олӧм, кыдзи кыв сетӧмӧн кӧсйысис налӧн батьяслы. Вӧрӧгъяс эз вермыны найӧс, ӧд став вӧрӧгсӧ Господь сетіс налӧн киӧ.

Нав Исус 10:12

Сійӧ лунӧ, кор Господь [Ен] сетіс аморейясӧс Израиль пиянлӧн киӧ, Исус шыасис Господь дінӧ израильсаяс водзын. Сійӧ шуис: – Шонді, сувт Гаваон весьтӧ! Тӧлысь, сулав Аялон ковтыс весьтын!

Индӧд 3:3

Господь, миян Енным, сетіс миян киӧ тшӧтш васанса Ог ӧксыӧс да сылысь тышкайӧзсӧ. Ми пасьвартім найӧс, некод ловйӧн эз коль.

Индӧд 2:36

Ковтысын сулалысь карсянь да Арнон ю бокын сулалысь Ароэр карсянь Галаад керӧсвыв муӧдз став карсӧ ми босьтім аслыным. Господь, миян Енным, ставсӧ сетіс миян киӧ.

Олӧм 14:20

Ошкӧм Медвылысса Енлы, коді сетіс вӧрӧгтӧ тэнад киӧ». Ӧврам сетіс Мелкиседеклы тышын став шедӧдӧмсьыс дасӧд юкӧнсӧ.

2 Каднебӧг 13:17

Авий аслас тышкайӧзкӧд вермис-пасьвартіс израильсаясӧс. Вӧлі виӧма витсё сюрс медбур израильса тышкамортӧс.