2 Каднебӧг 12:2 - Коми Библия 2023

² Найӧ эновтісны Господьӧс, та вӧсна Ровоам ӧксылӧн витӧд веськӧдлан воӧ египетса Шишак ӧксы аслас тышкайӧзкӧд уськӧдчис Ерусалим кар вылӧ.

2 Каднебӧг 12:2 Referans Kwoze

Ӧксыяслӧн 3 небӧг 11:40

Соломон корсис вины Еровамӧс, но мӧдыс пышйис Египетӧ Шишак ӧксы дінӧ, и сэні оліс Соломонлӧн кувтӧдз.

Бӧрданкыв 5:15

Кусі сьӧлӧманым нимкодьлуныс, йӧктӧм пыдди ми бӧрдам.

Еремей 2:19

Тэнад лёк вӧчӧмыд мыждас тэнӧ асьтӧ, Менӧ эновтӧмысь тэнӧ лоӧ чирыштӧма. Сідзкӧ, тӧд да гӧгӧрво, кутшӧм курыд шог тэнӧ суас сыысь, мый тэ эновтін Господьӧс, ассьыд Ентӧ, мый тэ пытшкын Меысь полӧмыс абу, – висьталӧ Ыджыдыс, Господь Саваоф.

Исай 63:10

Но найӧ паныд кыпӧдчисны да шогӧдісны Господьлысь Вежа Ловсӧ, та вӧсна Сійӧ лӧгаліс на вылӧ, тышкасис налы паныд.

1 Каднебӧг 28:9

А тэ, Соломон пиӧй, тӧд аслад батьыдлысь Енсӧ, кесъяв Сылы став сьӧлӧмнад да став олӧмнад. Ӧд Господь быдӧнлысь тӧдмалӧ сьӧлӧмсӧ да тӧдӧ мӧвпъяссӧ. Кутан кӧ корсьны Сійӧс, сэки аддзан, а эновтан кӧ, Сійӧ пыр кежлӧ эновтас тэнӧ.

Ӧксыяслӧн 4 небӧг 7:6

Господь вӧчис сідзи, мый арамейяс кылісны тарантас шыяс, вӧвъяслысь гӧрдлӧм да уна тышкайӧзлысь шы. Арамейяс шуалісны ӧта-мӧдныслы: «Израильса ӧксы, буракӧ, медаліс хеттейяслысь да египетсаяслысь ӧксыясӧс, мед уськӧдчыны миян вылӧ».

2 Каднебӧг 14:9

Налы паныд тышӧ петіс Эфиопияысь Зерах. Сылӧн вӧлі миллион тышкаморт да куимсё тарантас. Кор сійӧ матыстчис Мареша кар дорӧ,

Исай 18:2

Сійӧ мӧдӧдӧ йӧзсӧ саридз вывті, юсьпӧлянысь вӧчӧм пыжъясӧн ваяс вывті. Тэрыб кокаяс, нуӧй юӧр, мунӧй ён вына войтыр дінӧ, ыджыд тушаа йӧз дінӧ, кодъяслысь юрсисӧ да тошсӧ шырӧма. Тайӧ войтырсьыс быдлаын полӧны, найӧ ставнысӧ нартитӧны. Налысь мусӧ вожӧдӧны юяс.

2 Каднебӧг 14:8

Асалӧн вӧлі Иуда чужанкотырысь куимсё сюрс тышкаморт, кодъяслӧн вӧліны сайӧдъяс да шыяс. Нӧшта сылӧн вӧлі Венямин чужанкотырысь кыксё кӧкъямысдас сюрс тышкаморт, кодъяслӧн вӧліны сайӧдъяс да ньӧввужъяс. Ставныс найӧ вӧліны вына тышкасьысьяс.

2 Каднебӧг 24:18

Найӧ эновтісны Господьлысь крамсӧ, асланыс батьяслӧн Енлысь крамсӧ, да пондісны юрбитны пуяслы да идолъяслы. Тайӧ мыжсьыс Иудаын да Ерусалимын олысьяс вылӧ киссис Енлӧн скӧрлуныс.