2 Каднебӧг 11:16 - Коми Библия 2023

¹⁶ Но израильса быд чужанкотырын вӧліны сэтшӧм йӧз, кодъяс став сьӧлӧмсяньныс кесъялісны Господьлы, Израильлӧн Енлы. Левитъяс бӧрся найӧ тшӧтш мунісны Ерусалимӧ, медым вись вайны Господьлы, асланыс батьяслӧн Енлы.

2 Каднебӧг 11:16 Referans Kwoze

2 Каднебӧг 15:9

Аса чукӧртіс Иуда да Венямин чужанкотыръяс, тшӧтш на пӧвстӧ Ефрем, Манассей да Симеон чужанкотыръясысь овмӧдчӧм йӧзӧс. Ӧд Израиль войтыр пӧвстысь унаӧн сувтісны Аса дор, кор найӧ аддзисны, мый сыкӧд Господь, сылӧн Енмыс.

Ап. уджъяс 11:23

Воӧм бӧрас Варнава аддзис, мый сэні Енлӧн буралӧмыс, да ёна нимкодясис. Сійӧ ышӧдіс быдӧнӧс став сьӧлӧмнас кутчысьны Господь дінӧ.

Аггей 1:5

Господь Саваоф тадзи висьталӧ: – Видзӧдлӧй, кыдзи ті оланныд!

Осий 4:8

Найӧ пӧткӧдчӧны Менам войтырлӧн мыжъясӧн, нимкодясьӧны войтырлӧн лёк вӧчӧмысь.

Даниил 6:14

Кор ӧксы кыліс тайӧ кывъяссӧ, сійӧ шогӧ усис да мӧвпыштіс мездыны Даниилӧс. Шонді пуксьытӧдзыс сійӧ корсьысис позянлун, медым мездыны сійӧс.

Псалтыр 108:1

Сьылысьясӧн веськӧдлысьлы. Давидлӧн псалом. Енмӧй, ме ошка Тэнӧ, кора Тэнӧ, эн чӧв ов!

Псалтыр 62:10

Найӧс, кодъяс кӧсйӧны босьтны менсьым олӧмӧс, лоӧ шыбитӧма пыдӧстӧм гуӧ.

Иов 34:14

Сійӧ кӧ Ассьыс сьӧлӧмсӧ бергӧдас Асланьыс, Ассьыс ловсӧ да ловшысӧ бӧр босьтас,

2 Каднебӧг 30:11

Сӧмын Асирлӧн, Манассейлӧн да Завулонлӧн чужанкотырысь кодсюрӧ раммӧдчисны да локтісны Ерусалимӧ.

1 Каднебӧг 22:1

Давид шуис: «Тані лоӧ Господь Енлӧн керкаыс, тайӧ висьпуктанін вылас Израиль войтыр кутасны сотны висьяс».

1 Каднебӧг 16:29

ошкӧй Господьлысь нимсӧ, локтӧй Сы водзӧ, вайӧй Сылы козинъяс, копыртчӧй Господьлы Сылӧн мича вежаинын!

Нав Исус 22:19

Ті кӧ чайтанныд, мый муыс, кытчӧ ті овмӧдчинныд, пеж, сідзкӧ, вуджӧй Господьлӧн муӧ, кӧні сулалӧ Господьлӧн вежа чомйыс, да миян пӧвстысь босьтӧй аслыныд му юкӧнсӧ. Но энӧ кыпӧдчӧй Господьлы да миянлы паныд. Миян Господь Енлӧн висьпуктанінысь ӧтдор энӧ лӧсьӧдӧй аслыныд мӧд висьпуктанін.

Индӧд 32:46

шуис: «Босьтӧй сьӧлӧманыд кывъяссӧ, мый талун висьтала тіянлы. Тшӧктӧй асланыд ныв-пилы овны тайӧ Индӧдыс серти.

Индӧд 12:11

Кутшӧм места Господь, тіян Енныд, бӧръяс Аслас нимлы оланінӧн, сэтчӧ вайӧй ставсӧ, мый ме [талун] тшӧкта тіянлы: сотан висьястӧ да мукӧд висьястӧ, мувыв быдтасысь дасӧд юкӧнтӧ, вайӧмторъястӧ да кыв сетан медбур висьнытӧ, мый кӧсйысинныд Господьлы [асланыд Енлы].

Петӧм 9:21

Но кодлы веськодь вӧлі Господьлӧн кывйыс, сійӧ колис ассьыс кесйӧгъяссӧ да ыж-мӧссӧ видз-му вылӧ.

1 Каднебӧг 22:19

Сідзкӧ, став сьӧлӧмсяньныд да став олӧмнаныд корсьысьӧй Господьӧс, ассьыныд Ентӧ. Лэптӧй Господь Енлы вежаин, нуӧй сэтчӧ Господьлысь Йитӧд кудсӧ да Енлы кесъялан вежа дозмук-кӧлуйсӧ. Крамсӧ сиӧй Господьлы».

2 Каднебӧг 11:17

Куим во чӧж найӧ вынсьӧдісны Иуда муын Соломонлӧн Ровоам пилысь юралӧмсӧ, ӧд куим во чӧж найӧ ветлісны Давидлӧн да Соломонлӧн туйӧд.

2 Каднебӧг 15:12

Найӧ кӧрталісны Господькӧд, асланыс батьяслӧн Енкӧд йитӧд, кӧсйысисны став сьӧлӧмсянь корсьны Господьӧс

2 Каднебӧг 15:15

Став Иуда войтыр нимкодясис тайӧ кыв сетӧмсьыс, ӧд найӧ сьӧлӧмсяньныс кыв сетісны да корсисны Господьӧс, и Сійӧ воссис налы. Господь быд боксянь сетіс налы лӧнь олӧм.

2 Каднебӧг 19:3

Дерт, тэнад эм и бур уджъяс. Тэ бырӧдін Иуда муысь юрбитан пуяс да сьӧлӧмсяньыд корсин Енмӧс».

2 Каднебӧг 20:3

Иосафат повзис. Сійӧ шыасис Господь дінӧ, а Иуда муын олысьяслы тшӧктіс видзавны.

2 Каднебӧг 20:4

Иуда войтыр чукӧртчис, медым корны Господьлысь отсӧг. Иудаса быд карысь локтісны йӧз, медым кевмысьны Господьлы.

Закар 8:21

Ӧти карын олысьяс мунасны мӧд карын олысьяс дорӧ да шуасны: «Мунамӧй кевмысьны Господьлы, юрбитны Господь Саваофлы». Быдӧн та вылӧ горӧдас: «Ме тшӧтш муна».