2 Каднебӧг 10:14 - Коми Библия 2023

¹⁴ «Менам батьӧй пуктіс тіян вылӧ сьӧкыд сийӧс, но ме вӧча сійӧс сьӧкыдджыкӧн на. Менам батьӧй нӧйтліс тіянӧс орсӧн, но ме кута нӧйтны тіянӧс кӧрт пома орсӧн».

2 Каднебӧг 10:14 Referans Kwoze

Яков 3:14

Но тіян сьӧлӧмын кӧ эм курыд вежалӧм да асьтӧ радейтӧм, сідзкӧ, энӧ ошйысьӧй да асланыд ылӧгӧн энӧ вевттьӧй збыльсӧ.

Даниил 6:7

Ӧксылӧн муын ыджыдалысьяс, ӧксыув муясын юралысь-веськӧдлысьяс, сатрапъяс да ӧксыӧс туйдӧдысьяс ас костаныс сёрнитчисны корны, медым ӧксы сетас-вынсьӧдас тшӧктӧм, мый комын лун чӧж колӧ кевмысьны сӧмын ӧксылы. А коді пондас кевмысьны мукӧд енлы либӧ мортлы, сійӧс мед шыбитасны левъяслӧн гуӧ.

Еклесиаст 10:16

Курыд шог сійӧ муын, кӧні ӧксыыс том зон, кӧні веськӧдлысьясыс водз асывсяньыс гажӧдчӧны.

Еклесиаст 7:8

Помалӧмыд бурджык заводитӧм дорысь, терпитӧмыд бурджык вылӧ кыпӧдчӧмысь.

Еклесиаст 2:19

Код тӧдас, мывкыд морт али вежӧртӧм сійӧ лоӧ. Но сійӧ пондас вӧдитчыны ставнас, мый ме мывкыдлунӧн да сьӧкыда уджалӧмӧн нажӧвиті шонді улас. И тайӧ, вӧлӧмакӧ, весьшӧрӧ.

Шусьӧгъяс 17:14

Пинь-зык панӧмыд ва ызӧбтӧм кодь, пансьытӧдзыс сувтӧд сійӧс.

Шусьӧгъяс 12:5

Веськыда олысь кӧсйӧ веськыда вӧчны, Ентӧг олысьлӧн мӧвпъясыс наянӧсь.

Восьтӧм 9:3

Тшын пытшсьыс петіс му вылӧ саранча чукӧр. Налы вӧлі сетӧма мувывса скорпионъяслӧн кодь вын.

Восьтӧм 9:5

Саранчаыслы вӧлі шуӧма, медым найӧ эз виавны йӧзӧс, сӧмын мучитісны найӧс вит тӧлысь чӧж. Тайӧ мучитчан дойсӧ позьӧ ӧткодявны скорпионлӧн чушкӧмкӧд.

Восьтӧм 9:10

Налӧн бӧжъясыс да чушканъясыс вӧліны скорпионлӧн кодьӧсь. Найӧ вермисны вӧчны йӧзыслы лёксӧ вит тӧлысь чӧж.

2 Каднебӧг 10:13

Ровоам ӧксы сёрнитіс накӧд чорыда. Сійӧ ӧтдортіс юрнуӧдысьяслысь туйдӧдӧмсӧ, но том йӧзлӧн туйдӧдӧм серти шуис войтырыслы:

2 Каднебӧг 10:15

Ӧксы эз кывзы войтырӧс, ӧд ставыс тайӧ вӧлі Енсянь, медым збыльмис Господьлӧн кывйыс, мый Сійӧ висьталіс силомса Ахий пророк пыр Неватлӧн Еровам пилы.