2 Иоан 1:1 - Коми Библия 2023

¹ Ме, вичкоса юрнуӧдысь, гижа Енмӧн бӧрйӧм аньлы да сылӧн челядьлы. Ті меным збыльысь мусаӧсь. Мусаӧсь абу сӧмын меным, но быдӧнлы, коді тӧдӧ збыльсӧ.

2 Иоан 1:1 Referans Kwoze

1 Иоан 3:18

Челядьӧй, кутам радейтны ӧта-мӧднымӧс огӧ кывъясӧн да сёрниӧн, но збыль сертиыс да уджъясӧн.

1 Тимофейлы 2:4

Сійӧ кӧсйӧ, медым став йӧзыс мездмисны да тӧдісны збыльсӧ.

Иоан 8:32

Ті тӧдмаланныд збыльсӧ, и збыльыс мездас тіянӧс».

2 Иоан 1:5

Ӧні менам татшӧм корӧм, дона аньӧй, медым ми радейтім ӧта-мӧднымӧс. Тайӧ тшӧктӧмыс абу выль, сійӧ миян водзысяньыс нин вӧлі.

1 Петыр 5:1

Ӧні ме шыася вичкоса юрнуӧдысьяс дінӧ. Ачым ме тшӧтш вичкоса юрнуӧдысь, ме аддзылі Кристослысь сьӧкыдалӧмсӧ, и меным тшӧтш вичмас воссяна дзирдлуныс. Ме ёна кора тіянӧс:

2 Иоан 1:13

Чолӧм тэныд ыстӧны бӧрйӧм чойыдлӧн челядьыс. Аминь.

1 Иоан 2:21

Ме гижа тіянлы ог сы вӧсна, мый ті онӧ тӧдӧй збыльсӧ, мӧдарӧ, ті сійӧс тӧданныд да. Ті ӧд тӧданныд, мый збыльсяньыс ылӧгыс оз лок.

1 Петыр 1:2

Ен Бать водзысяньыс бӧрйӧма да вежӧдӧма тіянӧс Аслас Ловнас, медым ті кывзысинныд Исус Кристослысь да сӧстӧмминныд Сылӧн вирнас. Буралӧмыс да лӧньлуныс мед содас тіянлы.

Еврейяслы 10:26

Ми кӧ тӧдам збыльсӧ, но тӧдӧмӧн мыж вӧчам, сэки некутшӧм вись оз вешты миянлысь мыжнымӧс.

Галатӧ 5:7

Ті бура мунінныд. Но коді тіянӧс падмӧдіс, мый дугдінныд кывзысьны збыльыслысь?

Галатӧ 3:1

Ті, галатса эскысьяс, дзикӧдз вежӧртӧ воштӧмныд! Коді тіянлысь синнытӧ пӧртіс, мый энӧ кывзысьӧй збыльыслысь? Ӧд тіян син водзын, позьӧ шуны, вӧлі тувъялӧма Исус Кристосӧс.

Галатӧ 2:14

Ме аддзи, мый найӧ оз овны Евангелльӧлӧн збыльыс серти. Сэки ставныс дырйи шуи Петырлы: «Тэ, иудей, ачыд кӧ олан мукӧд войтыр моз, а он иудей ног, мыйла мукӧд войтыръясысь эскысьясӧс тшӧктан кутчысьны иудей оласногӧ?»

Галатӧ 2:5

Но ми весиг ӧти здук кежлӧ эгӧ сетчылӧй налы, медым Бур Юӧрлӧн збыльыс коли тіянын торкавтӧг.

Колосӧ 1:5

Тайӧ тіян эм, ӧд ті оланныд енэжас дасьтӧмаыс вылӧ лачаӧн. Лача йывсьыс ті кывлінныд нин, кор тіянӧдз воис Бур Юӧрлӧн збыль кывйыс.

Ап. уджъяс 11:30

Тадзи и вӧчисны: Варнавакӧд да Савлкӧд найӧ мӧдӧдісны вичкоса юрнуӧдысьяслы сьӧм.

Римӧ 16:13

Чолӧм Руфослы, Господьӧн бӧрйӧмалы, да сылӧн мамыслы, ӧд сійӧ меным тшӧтш мам кодь.

1 Петыр 5:13

Тіянӧс чолӧмалӧ вавилонса вичко, кодӧс Енмыс бӧрйӧма тіянӧс моз. Чолӧмалӧ тіянӧс тшӧтш Марк пиӧй.

3 Иоан 1:1

Ме, вичкоса юрнуӧдысь, гижа муса Гайлы. Сійӧ меным збыльысь муса.