2 Фессалоникаӧ 2:2 - Коми Библия 2023

² энӧ майшасьӧй некутшӧм гижӧдысь либӧ кодлӧнкӧ сёрниысь, быттьӧ сійӧ Ловсянь висьталӧ, мый Кристослӧн луныс воис нин. Энӧ полӧй, весиг висьталасны кӧ тіянлы, мый тайӧс ми гижим.

2 Фессалоникаӧ 2:2 Referans Kwoze

Марк 13:7

Кор ті кыланныд тышъяс йылысь юӧр, кор кыланныд лыйсьӧм шы, энӧ полӧй. Тайӧ ставыслы колӧ лонысӧ, но тайӧ абу на пом.

2 Фессалоникаӧ 3:17

Ме, Павел, аслам киӧн гижа тіянлы чолӧмӧс. Тайӧ лоӧ пасӧн, мый гижӧдыс месянь. Быд гижӧдын ме гижа тадзи:

Лука 21:9

Кор ті кыланныд тышъяс да шызьӧмъяс йылысь, энӧ повзьӧй. Тадзи водзджык колӧ лонысӧ, но тайӧ абу на пом».

1 Фессалоникаӧ 4:15

Ӧні висьталам тіянлы Господьлысь кывсӧ: ми, кодъяс ловъяӧсь на Господь локтӧдз, огӧ пановтӧй кулӧмаясӧс.

1 Коринфӧ 1:8

Енмыс ёнмӧдас тіянӧс зумыда сулавны помӧдз, медым миян Господь Исус Кристослӧн лунӧ ті вӧлінныд сӧстӧмӧсь.

Иоан 14:1

«Мед оз майшась тіян сьӧлӧмныд. Эскӧй Енлы да эскӧй Меным.

Лука 21:19

Сьӧкыдлунсӧ венӧмӧн ті мезданныд ловнытӧ».

Матвей 24:24

Ӧд ылӧгкристосъяс да ылӧгпророкъяс локтасны да пондасны вӧчны ыджыд шензьӧданаторъяс, медым ылӧдны, позяс кӧ, весиг бӧрйӧмаясӧс.

Микей 2:11

Нинӧм абусӧ бызгысь кӧ ылӧдчӧмӧн шуас: «Юӧрта тіянлы, мый вина-сурныд тіян визувтны кутас», сійӧс эськӧ пророк пыдди сибӧдіс тайӧ войтырыс.

Исай 7:2

Кор ӧксы керкаын кылісны, мый арамейяс локтӧмаӧсь нин Ефрем муӧ, сэки Ахазлӧн да став войтырыслӧн сьӧлӧмныс вӧрзис, кыдзи вӧрын тӧвнырысь вӧрӧны пуяс.

Восьтӧм 19:20

Зверӧс да сы нимсянь шензьӧданаторъяс вӧчысь ылӧгпророкӧс вӧлі кутӧма. Шензьӧданаторъяснас ылӧгпророкыс ылӧдліс найӧс, кодъяс босьтісны зверлысь пассӧ да копрасисны сылӧн серпаслы. Зверӧс да ылӧгпророкӧс ловйӧн вӧлі шыбитӧма биӧн да тэгйӧн сотчысь тыӧ,

1 Фессалоникаӧ 3:3

медым сьӧкыдсӧ нуигӧн тіян пӧвстысь некод эз усь. Ті ӧд асьныд тӧданныд, мый миянлы ковмас нуны сьӧкыдсӧ.

Ефесӧ 5:6

Некод мед оз ылӧдлы тіянӧс ковтӧм сёрниӧн, ӧд таысь кывзысьтӧмъясӧс суас Енлӧн скӧрлуныс.

Исай 26:3

Кодлӧн лолыс зумыд, сійӧс Тэ видзан тырвыйӧ лӧньлунас, ӧд Тэ вылӧ сійӧ лача кутӧ.

2 Фессалоникаӧ 2:15

Сідзкӧ, вокъяс, зумыда сулалӧй да кутчысьӧй сэтчӧ, мыйӧ велӧдім тіянӧс да мый гижим тіянлы.

1 Фессалоникаӧ 5:2

Ті ӧд асьныд бура тӧданныд, мый Господьлӧн луныс воас войся гусясьысь моз.

Иоан 14:27

Лӧньлун коля тіянлы. Ассьым лӧньлунӧс сета тіянлы, сійӧ абу муюгыдыслӧн лӧньлун кодь. Энӧ майшасьӧй да энӧ полӧй.

1 Коринфӧ 7:26

Ме чайта, тайӧ сьӧкыд кадас мортлы бурджык ӧткӧн кольччыны.

1 Коринфӧ 14:32

Пророкъяс вермӧны веськӧдлыны асланыс пророкалӧмнас,