2 Фессалоникаӧ 1:7 - Коми Библия 2023

⁷ А тіянлы да миянлы, сьӧкыдсӧ нуысьяслы, Енмыс сетас шойччӧг, кор Господь Исус Аслас вына анделъяскӧд лэччас енэжсянь

2 Фессалоникаӧ 1:7 Referans Kwoze

Восьтӧм 14:13

Сэсся ме кылі енэжсянь гӧлӧс шы. Сійӧ шуис меным: «Гиж тайӧс: ”Шудаӧсь найӧ, кодъяс ӧнісянь куласны Господьлы эскӧмӧн. Тайӧ тадзи, – шуӧ Лов. Найӧ кутасны шойччыны асланыс сьӧкыд уджъясысь, ӧд налӧн уджъясыс мунӧны на бӧрся”».

Матвей 16:27

Морт Пи локтас Батьыслӧн дзирдлунӧн Сылӧн анделъяскӧд да быдӧнлы уджъяс сертиыс мынтысяс.

Восьтӧм 22:16

«Ме, Исус, мӧдӧді Ассьым анделӧс висьтавны тайӧс тіянлы вичкоясын. Ме петі Давид чужанвужйысь да чужанкотырысь, Ме эм асъя югыд кодзулыс».

Титлы 2:13

виччысим вына Енлысь да миян Мездысь Исус Кристослысь дзирдлуна воссьӧмсӧ да шуда лачанымлысь збыльмӧмсӧ.

2 Коринфӧ 4:17

Миян сьӧкыдалӧмыс кокньыд, сӧмын регыдъя, но таысь вичмас миянлы помтӧм-дортӧм да бырлытӧм дзирдлун.

Восьтӧм 21:4

Сійӧ чышкас налысь став синвасӧ. Кулӧмыс оз нин ло, оз ло шогсьӧм, бӧрдӧм ни висьӧм, ӧд важыс кольӧма.

Римӧ 8:17

Ми кӧ Енмыслӧн ныв-пи, сідзкӧ, Кристоскӧд босьтам Енсянь вичмӧдӧмасӧ. Сыкӧд ӧтвыв кӧ сьӧкыдсӧ нуам, ӧтвыв Сыкӧд и дзирдлунас лоам.

Лука 17:30

Тадзи лоас Морт Пилӧн петкӧдчан лунӧ.

Матвей 25:31

«Морт Пи локтас Аслас дзирдлунӧн вежа анделъяскӧд да пуксяс дзирдлуныслӧн юралан пуклӧсӧ.

Исай 57:2

сылӧн эм лӧньлун. Веськыд туйӧд ветлысь шойччӧ вольпась вылас.

Восьтӧм 22:9

Но андел шуис меным: «Эн вӧч тайӧс! Ме кесъяла Енмыслы тэ моз, пророкъяс-вокъясыд моз да на моз, кодъяс олӧны тайӧ небӧгас гижӧм серти. Енмыслы копыртчыв!»

Восьтӧм 22:6

Андел шуис меным: «Тайӧ кывъясыс веськыдӧсь да збыльӧсь. Вежа пророкъяслӧн Господь Ен мӧдӧдіс Ассьыс анделсӧ, медым петкӧдлыны Аслас кесйӧгъяслы, мый колӧ лоны регыдъя кадӧ».

Восьтӧм 20:11

Сэсся ме аддзи ыджыд да еджыд юралан пуклӧс да сы вылын Пукалысьӧс. Енэжыс да муыс пышйисны Сылӧн син водзысь, но налы некытчӧ вӧлі дзебсьынысӧ.

Восьтӧм 1:7

Со, Сійӧ локтӧ кымӧръяс вылын, Сійӧс аддзас быд син. Сійӧс аддзасны тшӧтш найӧ, кодъяс бытшкисны Сійӧс. Сэки Сы водзын ырзӧмӧн бӧрддзасны мувывса войтыръяс. Тайӧ тадзи! Аминь.

1 Петыр 3:22

Сійӧ кыпӧдчис енэжас да пукалӧ Ен веськыдладорын, Сылысь кывзысьӧны анделъяс, енэжвыв ыджыдалысьяс да вынъяс.

Еврейяслы 9:28

Тадзи Кристос ӧтчыдысь вайис Асьсӧ вись пыдди, медым бырӧдны мыжсӧ став йӧзыслысь. Мӧдысь Сійӧ локтас оз мыж бырӧдӧм могысь, но медым мездыны найӧс, кодъяс виччысьӧны Сійӧс.

Еврейяслы 4:11

Сідзкӧ, кутам зільны пырны Енлӧн шойччанінӧ, медым тайӧ кывзысьтӧм йӧзыс моз эгӧ кольӧй Енлӧн шойччанінӧ пыртӧг.

Еврейяслы 4:9

Сідзкӧ, Ен войтырлӧн шойччӧгыс водзын на.

Еврейяслы 4:1

Енлӧн кӧсйысьӧмыс, мый ми вермам пырны Сылӧн шойччанінӧ, ӧнӧдз на вына. Сідзкӧ, кутам тӧждысьны, мед тіян пиысь некод эз сёрмы пырны Енлӧн шойччанінӧ.

2 Тимофейлы 2:12

Мунам кӧ сьӧкыдыс пыр, Сыкӧд пондам ыджыдавны. Соссям кӧ Сыысь, Сійӧ соссяс миянысь.

Колосӧ 1:16

Сы пыр вӧчӧма став енэжвывсасӧ да мувывсасӧ, аддзанасӧ да аддзытӧмсӧ: юралӧм-ӧ, ыджыдалӧм-ӧ, веськӧдлӧм-ӧ, вынъяс-ӧ – ставсӧ Сы пыр да Сылы вӧчӧма.

Ефесӧ 1:2

Буралӧм да лӧнь олӧм тіянлы Ен Батьнымсянь да Господь Исус Кристоссянь.

Ап. уджъяс 1:11

Найӧ шуисны: «Галилея войтыр, мый ті сулаланныд да видзӧданныд енэжас? Ті асланыд синмӧн аддзылінныд Исуслысь енэжӧ кыпӧдчӧмсӧ, тадзикӧн Сійӧ бӧр локтас».

Иоан 1:51

Сэсся содтіс: «Веськыда, веськыда висьтала тіянлы: ӧнісянь ті кутанныд аддзыны восьса енэжсӧ да Енлысь анделъяссӧ, кодъяс лэччӧны Морт Пи дінӧ да кыпӧдчӧны енэжас».

Иоан 1:3

Ставсӧ Сы пыр вӧчӧма. Сытӧг немтор абу лоӧма.

Лука 16:25

Ӧвраам шуис: ”Пиукӧй, эн вунӧд, мый тэ босьтін нин бурсӧ, а Лазарлы лёкыс вичмис. Ӧні сійӧ сьӧлӧмсӧ бурмӧдӧ тані, а тэ мучитчан.

Марк 14:62

Исус вочавидзис: «Ме. И ті аддзанныд Морт Пиӧс, Ставсӧвермысьлӧн веськыдладорас пукалысьӧс да кымӧръяс вылын локтысьӧс».

Марк 8:38

Коді яндысяс Меысь да Менам кывъясысь тайӧ мыжа да пежас ылалӧм йӧз водзын, сыысь яндысяс Морт Пи, кор локтас вежа анделъяскӧд Батьыслӧн дзирдлунӧн».

Матвей 26:64

Исус вочавидзис: «Тэ шуин. Висьтала тіянлы: ӧнісянь аддзанныд Морт Пиӧс, Ставсӧвермысьлӧн веськыдладорас пукалысьӧс да кымӧръяс вылын локтысьӧс».

Петӧм 3:2

Сэні ӧзъялысь лежнӧг пытшкын сылы петкӧдчис Господьлӧн андел. Мӧисей аддзис, мый лежнӧгыс ыпъялӧ биӧн, но оз сотчы.

Петӧм 19:18

Синай керӧс ставнас тшыналіс, ӧд Господь лэччис сэтчӧ биӧн. Керӧсыс ёна вӧрис, и пачысь моз сэтысь кайис тшын.

Исай 66:15

Со, Господь локтӧ би моз, Сылӧн тарантасъясыс ыджыд тӧвныр кодьӧсь. Сійӧ кисьтас Ассьыс скӧрлунсӧ ыджыд ярлунӧн, петкӧдлас Ассьыс мыждӧмсӧ ыпъялысь биӧн.

Езекиль 1:13

Тайӧ ловъя олысьясыс чужӧм-мыгӧрнаныс вӧліны биа ӧгыр кодьӧсь, ӧзъялысь би кывъяс кодьӧсь. На костті ветлӧдліс ыпъялысь би, а бисьыс петавліс чардби.

Даниил 7:9

Сэсся ме аддзи сувтӧдӧм юралан пуклӧсъяс, и важысянь Олысь пуксис. Сылӧн паськӧмыс вӧлі лым кодь еджыд, юрсиыс – еджыд вурун кодь. Сылӧн юралан пуклӧсыс вӧлі ыпъялысь би кодь, пуклӧс гӧгыльясыс вӧліны яра сотчысь би кодьӧсь.

Матвей 16:28

Веськыда висьтала тіянлы: кодсюрӧ тані сулалысьяс пиысь кувтӧдзныс на аддзасны юравны локтысь Морт Пиӧс».

Матвей 25:41

Сэсся шуйгаладорын сулалысьяслы Сійӧ шуас: ”Вешйӧй Ме дінысь, ёрӧмаяс. Мунӧй омӧльыслы да сылӧн анделъяслы дасьтӧм куслытӧм биӧ.

Ап. уджъяс 3:19

Бергӧдчӧй мыжъяссьыныд Енлань, медым Сійӧ вештас тіянлысь мыжъяснытӧ.

1 Коринфӧ 3:13

но уджыс быдӧнлӧн ас кадӧ тыдовтчас. Тайӧс петкӧдлас мыждан луныс, ӧд сійӧ биӧн воас. Сэки биыс быдӧнлысь уджсӧ тӧдмалас.

1 Фессалоникаӧ 3:13

Господь мед ёнмӧдас сьӧлӧмнытӧ, медым ті вӧлінныд вежаӧсь да сӧстӧмӧсь Ен Батьным водзын, кор миян Господь Исус Кристос локтас став Аслас вежа войтыркӧд. Аминь.

Еврейяслы 10:27

Сӧмын ыджыд полӧмӧн ковмас виччысьны мыждӧмсӧ да яр бисӧ, мый бырӧдас Енлы паныд кыпӧдчысьясӧс.

Еврейяслы 12:29

ӧд миян Енным – ставсӧ сотысь би.

2 Петыр 3:7

Ӧнія енэжсӧ да мусӧ сійӧ жӧ кывйыс кутӧ да видзӧ биӧн бырӧдӧм вылӧ. Тайӧ лоӧ мыждан лунӧ, кор Ентӧг олысьясӧс лоӧ бырӧдӧма.

Иуда 1:7

Тадзи лои тшӧтш Содомын, Гомораын да на гӧгӧр каръясын олысьяскӧд. Тайӧ анделъясыс моз найӧ кырсалісны да сетчисны зывӧк оласногӧ, та вӧсна найӧс вӧлі мыждӧма да сотӧма куслытӧм биын. Миянлы тайӧ ӧлӧдӧм вылӧ.

Восьтӧм 6:11

Сэки быдӧнлы налы сетісны еджыд паськӧм да тшӧктісны виччысьыштны, кытчӧдз оз тыр на моз виӧм уджъёртъясныслӧн да вокъясныслӧн лыдыс.

Восьтӧм 14:10

сійӧ кутас юны Ен скӧрлуна вина, соравтӧм вина, кодӧс сулӧдӧма Ен скӧрлуна дозйын. Сійӧ кутас мучитчыны биын да сотчысь тэгйын вежа анделъяс водзын да Баля водзын.