2 Фессалоникаӧ 1:6 - Коми Библия 2023

⁶ Енмыс веськыда вӧчӧ: тіянӧс дзескӧдысьяслы Сійӧ мынтысьӧ дзескӧдӧмӧн.

2 Фессалоникаӧ 1:6 Referans Kwoze

Колосӧ 3:25

А лёксӧ вӧчысьлы лёкыс вичмас. Енмыс оз видзӧд морт чужӧм вылӧ.

Закар 2:8

Господь Саваоф Ассьыс дзирдлунсӧ петкӧдлӧм могысь мӧдӧдіс менӧ войтыръяс дінӧ, кодъяс куштісны тіянӧс. Сійӧ тадзи висьталӧ на йылысь: – Коді инмӧдчас Менам войтыр дінӧ, сійӧ инмӧдчас Менам донатор дінӧ.

Восьтӧм 6:10

Найӧ гораа горӧдісны: «Вежа да збыль Ыджыдӧй! Кор нин Тэ мыждан мувывса олысьясӧс да перъян налысь водзӧссӧ миян вир вӧсна?»

Восьтӧм 19:2

Господь мыждӧ веськыда да збыльыс серти. Сійӧ мыждіс ыджыд карӧс, кырсалысь аньӧс, коді кырсалӧмнас пежаліс став мусӧ. Господь перйис водзӧссӧ тайӧ аньыслысь Аслас кесйӧгъяслӧн вирысь.

Исай 49:26

Тэнӧ нартитысьясӧс Ме пӧткӧда налӧн жӧ вир-яйнас, найӧ пондасны юны ассьыныс вирсӧ да коддзасны, кыдзи коддзӧны выль винаысь. Сэки ставныс тӧдмаласны, мый Ме – Господь, тэнӧ Мездысь, Яковлӧн вына Ен.

Петӧм 23:22

[Ті кӧ кутанныд кывзысьны Менсьым да вӧчны ставсӧ, мый тшӧкта тіянлы, видзанныд кӧ йитӧдӧс, мый Ме кӧрталі тіянкӧд, сэки ті став войтыръяс пӧвстысь лоанныд Менам бӧрйӧм войтырӧн, ӧд муыс ставнас Менам. Ме – Ӧксыыс, а ті лоанныд Ӧксылӧн поп рӧднас да вежа войтырнас. Тайӧс висьтав Израиль пиянлы.] Ті кӧ кутанныд кывзысьны да вӧчны ставсӧ, мый Ме тшӧкта, сэки тіянӧс мустӧмтысьясӧс да дзескӧдысьясӧс Ме кута мустӧмтны-дзескӧдны.

Восьтӧм 18:20

– Нимкодясь, енэжыс! Нимкодясьӧй, вежа апостолъяс да пророкъяс! Енмыс мыждіс тайӧ карсӧ тіянлы лёк вӧчӧмысь.

Восьтӧм 15:4

Господьӧй, сюрас-ӧ сэтшӧм морт, коді оз повзьы Тэысь, коді оз ошкы Тэнсьыд нимтӧ? Ӧд Тэ ӧтнадӧн вежаыс! Войтыръяс локтасны да копыртчасны Тэ водзӧ, ӧд воссис Тэнад веськыда мыждӧмыд!

Восьтӧм 11:18

Ентӧдтӧмъяс ёна скӧралісны, но ӧні воис Тэнад скӧрлуныд. Воис кад мыждыны кулӧмаясӧс да сетны тырдон Тэныд кесъялысь пророкъяслы, вежа войтырыдлы да Тэнад нимысь полысьяслы, ичӧтъяслы и гырысьяслы. Воис кад бырӧдны найӧс, кодъяс тшыкӧдісны мусӧ.

Восьтӧм 18:24

Тайӧ карыс мыжа пророкъяслысь да вежа войтырлысь вирсӧ кисьтӧмысь, му вылас став виӧмаыслысь вирсӧ кисьтӧмысь.

Еклесиаст 3:17

Ме мӧвпышті: веськыда олысьӧс и лёк вӧчысьӧс кутас мыждыны Ен, ӧд быд вӧчӧмторлы да лоӧмторлы эм аслас кад.

Еремей 50:29

Чуксалӧй Вавилонлы паныд ньӧввужйӧн лыйсьысьясӧс, кытшалӧй Вавилон кар, медым некод эз пышйы сэтысь. Мынтысьӧй сылы уджъясыс серти, вӧчӧй сыкӧд сідзи, кыдзи сійӧ вӧчис. Ӧд сійӧ кыпӧдчис Господьлы паныд, Израильлӧн вежа Енлы паныд.

Еврейяслы 6:10

Енмыс – веськыд, Сійӧ оз вунӧд тіянлысь уджъяснытӧ да Сылӧн нимыс дінӧ муслуннытӧ. Ӧд тайӧ муслунсӧ ті петкӧдлінныд вежа войтырлы кесъялігӧн.