2 Фессалоникаӧ 1:4 - Коми Библия 2023

⁴ Та вӧсна ми ошйысям тіянӧн Ен вичкоясын, ӧд быдпӧлӧс сьӧкыдсӧ нуигӧн да тіянӧс вӧтлігӧн ті зумыда эсканныд.

2 Фессалоникаӧ 1:4 Referans Kwoze

Еврейяслы 10:36

Тіянлы колӧ зумыдлун, медым верминныд збыльмӧдны Енлысь тшӧктӧмсӧ да босьтны Сысянь кӧсйысьӧмасӧ.

1 Фессалоникаӧ 2:14

Вокъяс, мый вӧлі Иудеяын Исус Кристослы эскысь вичкояскӧд, тайӧ лои тшӧтш тіянкӧд. Сэні Ен вичкояс уна сьӧкыд нуисны иудейяссянь, а ті – ас войтырсянь.

1 Фессалоникаӧ 2:19

Миян Господь Исус Кристос локтігӧн ог ӧмӧй тіянӧн кутӧй ошйысьны Сы водзын? Абу-ӧ ті миян лачаыс, нимкодьлуныс да ошйысян юркытшыс?

1 Фессалоникаӧ 1:3

Ен Батьным водзын ми век казьтывлам тіянлысь мырсьӧм-уджалӧмнытӧ да сьӧкыд нуӧмнытӧ. Ті эскӧмӧн да радейтӧмӧн уджнытӧ вӧчанныд, сьӧкыдсӧ нуанныд миян Господь Исус Кристос вылӧ лача кутӧмӧн.

2 Коринфӧ 7:14

Ме ошйысьлі Тит водзын тіянӧн, да меным абу яндзим таысь. Ми ставсӧ висьтавлім тіянлы веськыда, и Тит водзын миян ошйысьӧмным тшӧтш вӧлі веськыд.

Восьтӧм 14:12

Сідзкӧ, вежа войтырлы – Ен тшӧктӧм серти олысьяслы да Исуслы эскысьяслы – колӧ зумыдлун».

1 Коринфӧ 7:17

Быдӧн тіян пиысь мед олӧ Енлӧн шуӧм серти да лоӧ сэтшӧмӧн, кутшӧмӧн вӧлі Господьлӧн коригас. Тадзи ме велӧда быд вичкоын.

2 Петыр 1:6

тӧдӧмлунаныд – асьтӧ кутӧм, асьтӧ кутӧманыд – зумыдлун, зумыдлунаныд – вежавидзӧм,

Яков 5:11

Ми лыддям шудаӧн найӧс, кодъяс зумыда сулалісны помӧдз. Ті, дерт, кывлінныд Иовлӧн зумыдлун йылысь да тӧданныд, мый дасьтіс сылы мелі да бур сьӧлӧма Господь.

Еврейяслы 6:15

Тадзи терпитӧмнас Ӧвраам босьтіс Енсянь кӧсйысьӧмасӧ.

2 Фессалоникаӧ 3:5

Ачыс Господь мед веськӧдас тіянлысь сьӧлӧмнытӧ Енлӧн муслунас да Кристослӧн зумыдлунас.

2 Коринфӧ 9:4

Локтасны кӧ мекӧд тшӧтш Македонияысь эскысьяс, а ті кӧ онӧ лоӧй дасьӧсь, миянлы юръяндзим лоӧ, и тіянлы тшӧтш яндзим лоӧ. Ми ӧд ёна ошйысим тіянӧн.

2 Коринфӧ 9:2

Ме тӧда тіянлысь зільӧмнытӧ. Македонияса водзын ме ошйыси, мый ті, акайяса, дасьӧсь сетны отсӧг кольӧм восянь нин. Тіян сьӧлӧмсянь тӧждысьӧмныд унаӧс ышӧдіс та вылӧ.

Римӧ 12:12

Лачанытӧ кутӧй нимкодьпырысь, шогъястӧ нуӧй терпитӧмӧн, дугдывтӧг кевмысьӧй.

Римӧ 8:25

Ми кӧ лача кутам аддзытӧм вылас, сэки виччысям терпитӧмӧн.

Римӧ 2:7

Сійӧ сетас помтӧм олӧм налы, кодъяс бур вӧчӧмнас мудзлытӧг корсьӧны бырлытӧмсӧ, дзирдлунсӧ да нимӧдӧмсӧ.

2 Коринфӧ 7:4

Ме ёна эска тіянлы да ошйыся тіянӧн. Шогъяс вылӧ видзӧдтӧг ме ёна нимкодяся, ӧд ті ёна бурӧданныд менӧ.

2 Коринфӧ 12:10

Ме нимкодяся вынтӧмлун дырйи, менӧ лёкӧдігӧн, дзескӧдігӧн, вӧтлігӧн да Кристос вӧсна сьӧкыдсӧ нуигӧн. Ӧд кор ме вынтӧм, сэки ён!

Еврейяслы 6:12

Энӧ дышӧдчӧй, но лоӧй на кодьӧсь, кодъяс эскӧмӧн да терпитӧмӧн босьтӧны Енсянь кӧсйысьӧмасӧ.