1 Тимофейлы 6:6 - Коми Библия 2023

⁶ Вежавидзӧмыс збыльысь озырмӧдӧ найӧс, кодъяс олӧны нинӧм вылӧ шуасьтӧг.

1 Тимофейлы 6:6 Referans Kwoze

Еврейяслы 13:5

Сьӧм вылӧ энӧ горшасьӧй, тырмӧдӧй сійӧ, мый эм. Ачыс Енмыс ӧд шуис: – Ог коль тэнӧ, ог эновт тэнӧ.

1 Тимофейлы 6:8

Эм кӧ сёян-юан да кӧм-пась, сідзкӧ, тырмӧдчам таӧн.

Шусьӧгъяс 16:8

Ылӧдчӧмӧн аслыд куралӧм дорысь бурджык этшаникнас тырмӧдчыны, но веськыда овны.

1 Тимофейлы 4:8

Вир-яйтӧ ёнмӧдӧмысь бурыс этша, а вежавидзана олӧмысь – уна, ӧд сійӧ сетӧ лача ӧнія да локтана олӧм вылӧ.

Филипӧ 1:21

Ӧд менам олӧмӧй – Кристос, а кулӧмӧй – вермӧм.

Шусьӧгъяс 15:16

Ыджыд озырлун да майшасьӧм дорысь бурджык этшаникыс да Господьысь полӧм.

Псалтыр 37:16

Господьӧй, Тэ вылӧ ме лача кута, Господьӧй Енмӧй, Тэ вочавидзан меным.

Псалтыр 84:11

Буралӧмыс да збыльыс паныдасясны, веськыдлуныс да лӧньлуныс окыштчасны.

Римӧ 8:28

Ми тӧдам, мый Енсӧ радейтысьяслы, Сылӧн шуӧм сертиыс корӧмаяслы, Сійӧ ставсӧ бергӧдӧ бур вылӧ.

Лука 3:14

Шыпуртаяс тшӧтш юалісны сылысь: «А миянлы мый колӧ вӧчнысӧ?» Иоан шуис налы: «Мырдысьӧн да повзьӧдлӧмӧн энӧ босьтӧй йӧзлысь сьӧм, тырмӧдчӧй асланыд удждонӧн».

Петӧм 2:21

Мӧисейлы кажитчис овны мадианса морт ордын. Иофор сетіс ассьыс Сеппора нывсӧ Мӧисейлы гӧтыр пыдди.

2 Коринфӧ 4:17

Миян сьӧкыдалӧмыс кокньыд, сӧмын регыдъя, но таысь вичмас миянлы помтӧм-дортӧм да бырлытӧм дзирдлун.

Шусьӧгъяс 28:25

Ыкша мортыд зык-вен пестӧ, Господь вылӧ лача кутысь пондас бура овны.

Еремей 35:9

Ми огӧ лэптӧй аслыным керкаяс, огӧ кӧдзӧй. Виноград йӧръяс да видз-муяс миян абуӧсь.

Лука 12:15

Сэсся шуис ставныслы: «Видзчысьӧй горшасьӧмысь, ӧд мортыдлӧн олӧмыс абу сылӧн ыджыд озырлун сайын».

Ӧксыяслӧн 4 небӧг 6:2

Лэдз миянлы ветлыны Йӧрдан ю дорӧ, медым пӧрӧдны кер. Сэтысь ми быдӧн ваям ӧти керйӧн да лэптам керка, медым сэні овны-велӧдчыны». «Ветлӧй», – шуис Елисей.