1 Тимофейлы 6:5 - Коми Библия 2023

⁵ да помтӧм вензьӧм на костын, кодъяслӧн пемдӧма вежӧрныс. Найӧ кежӧмаӧсь збыльсьыс, вежавидзана оласногыс пыр найӧ кӧсйӧны озырмыны сьӧмӧн. Татшӧмъяссьыс ылыстчы.

1 Тимофейлы 6:5 Referans Kwoze

2 Тимофейлы 3:5

Ортсысяньыс кӧ видзӧдны, найӧ кутчысьӧны вежавидзӧмӧ, но, збыльвылас, найӧ оз эскыны Енмыслӧн вынӧ. Татшӧмъяссьыс ылыстчы.

2 Петыр 2:3

Медым курыштны мыйкӧ аслыныс, найӧ тывйыштасны тіянӧс мудер сёрнинаныс. Но налы мыждӧмыс важӧн нин дась, найӧс бырӧдӧмыс матын нин.

Титлы 1:11

Татшӧмъясыслысь колӧ тупкыны вомсӧ. Яндысьтӧм горшлунныс вӧсна найӧ асланыс велӧдӧмӧн шӧйӧвоштӧны дзонь керкаяс, мыйӧ оз ков велӧдӧны.

2 Тимофейлы 3:8

Кыдзи коркӧ Янний да Ямрий паныд сувтісны Мӧисейлы, ӧні тайӧ йӧзыс паныд сувтӧны збыльыслы. Налӧн вежӧрыс торксьӧма, эскӧмныс пасьмунӧма.

1 Тимофейлы 6:6

Вежавидзӧмыс збыльысь озырмӧдӧ найӧс, кодъяс олӧны нинӧм вылӧ шуасьтӧг.

1 Тимофейлы 3:3

оз ю, оз тышкась, аслыс оз курав, рам сьӧлӧма, оз пинясь, сьӧм вылӧ оз горшась,

Матвей 23:13

«Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті Енэжвыв Юраланінысь ӧдзӧссӧ йӧз водзын пӧдлаланныд. Асьныд онӧ пырӧй да пырны кӧсйысьясӧс онӧ лэдзӧй.

Матвей 12:33

«Бур пу вайӧ бур вотӧс, лёк пу – лёкӧс. Путӧ донъялӧны вотӧс сертиыс.

1 Тимофейлы 1:6

Кодсюрӧ кежисны таысь да сетчисны ковтӧм сёрниясӧ.

Восьтӧм 18:3

Мувывса ӧксыяс кырсалісны сыкӧд, а вузасьысьяс озырмисны сылӧн лышкыдлунысь.

Иуда 1:11

Курыд шог налы! Найӧ мунӧны Каин туйӧд, горшасьӧны сьӧм вылӧ, Валаам моз ылалӧмаӧсь. Корей моз найӧ паныд кыпӧдчӧны, та вӧсна Корейӧс моз найӧс лоӧ бырӧдӧма.

2 Петыр 2:15

Найӧ кежисны веськыд туйсьыс да ылалісны. Найӧ мунӧны Восорлӧн Валаам пиыс кок туйӧд, кодлы лёкногӧн шедӧдны озырлунсӧ вӧлі сьӧлӧм сертиыс.

1 Тимофейлы 3:8

Вичкоса отсасьысьяс мед лоасны мывкыдаӧсь, сёрнитасны веськыда, оз кодавны, аслыныс оз куравны,

2 Фессалоникаӧ 3:6

Вокъяс, миян Господь Исус Кристос нимӧн тшӧктам тіянлы: ылыстчӧй эскысь вокысь, коді весь олӧ да оз ов миян велӧдӧм серти.

Матвей 21:13

Сійӧ шуис налы: «Гижӧма: ”Менам керкаӧй кутас шусьыны став войтыръяслӧн кевмысян керкаӧн”. А ті сыысь лёк вӧчысьяслы дзебсянін вӧчинныд».

Езекиль 33:31

Менам войтырӧй чукӧртчӧ тэ дінӧ, пуксьӧ тэ водзӧ да кывзӧ тэнсьыд кывъястӧ, но на серти оз ов. Найӧ мичаа сёрнитӧны, но сьӧлӧмпытшса кӧсйӧмныс – ылӧдлӧмӧн озырмӧдчыны.

Еремей 8:10

Та вӧсна налысь гӧтырнысӧ Ме сета мукӧдлы, налысь видз-мунысӧ – выль кӧзяинъяслы, ӧд ичӧтсянь гырысьӧдз ставныс найӧ ылӧдлӧмӧн озырмӧдчӧны, пророкъяс и попъяс – ставныс пӧръясьӧны.

Еремей 6:13

Ичӧтсянь гырысьӧдз – ставныс ылӧдлӧмӧн озырмӧдчӧны, пророкъяс и попъяс – ставныс пӧръясьӧны.

Исай 56:11

Найӧ горш понъяс, некор оз пӧтлыны. Найӧ мывкыдтӧм ыж видзысьяс, быдӧн мунӧ аслас туйӧд, быдӧн корсьӧ мыйкӧ аслыс курыштны.

Восьтӧм 18:13

Некод оз босьт налысь корица да ладан, чӧскыд дука вый да пуысь пычкӧм дона вый, вина да олив вый, пызь да шобді, ыж-мӧскӧс да вӧвъясӧс, тарантасъяс, кесйӧгъясӧс да мукӧд йӧзсӧ.

1 Коринфӧ 11:16

Кӧсйӧ кӧ кодкӧ вензьыны та йылысь, сылы тадзи шуа: ни миянын, ни Енлӧн мукӧд вичкоясын мӧд нога велӧдӧмыс абу.

1 Тимофейлы 4:7

Ылӧг да ковтӧм мойдъясысь ылыстчы, велӧдчы овны вежавидзӧмӧн.

1 Тимофейлы 4:8

Вир-яйтӧ ёнмӧдӧмысь бурыс этша, а вежавидзана олӧмысь – уна, ӧд сійӧ сетӧ лача ӧнія да локтана олӧм вылӧ.