1 Тимофейлы 6:17 - Коми Библия 2023

¹⁷ Тайӧ нэмас озыра олысьясӧс велӧд, медым вылӧ эз кыпӧдчыны, лачанысӧ эз кутны бырана озырлун вылӧ, а ловъя Ен вылӧ. Сійӧ лышкыда сетӧ миянлы ставсӧ нимкодясьӧм вылӧ.

1 Тимофейлы 6:17 Referans Kwoze

Ап. уджъяс 14:17

Но бур вӧчӧмнас Сійӧ век казьтывліс да казьтывлӧ Ас йывсьыс: ыстӧ миянлы енэжсяньыс зэр, сетӧ ас кадӧ вотӧс-быдтас, пӧткӧдӧ миянӧс да гажӧдӧ миянлысь сьӧлӧмнымӧс».

Шусьӧгъяс 11:28

Аслас озырлун вылӧ лача кутысь усяс, а веськыда олысь веж пу моз кутас вежӧдны.

1 Тимофейлы 4:10

Ми ёна мырсям да нуам лёкӧдӧмсӧ, ӧд лачанымӧс кутам ловъя Ен вылӧ. Сійӧ – быдӧнлы Мездысь, торйӧн нин эскысьяслы.

Матвей 19:23

Велӧдчысьясыслы Исус шуис: «Веськыда висьтала тіянлы: озырлы сьӧкыд пырны Енэжвыв Юраланінӧ.

Шусьӧгъяс 27:24

Озырлуныд ӧд абу пыр кежлӧ, дай юралан пуклӧсыд оз век аслад рӧдлы вудж.

Титлы 2:12

Буралӧмыс велӧдӧ миянӧс, мед ми эновтчим Ентӧг олӧмсьыс да быдпӧлӧс мувывса ыштӧмсьыс, вӧлім сюсь вежӧраӧсь тайӧ нэмас, олім веськыда да вежавидзӧмӧн,

Колосӧ 3:16

Кристослӧн кывйыс мед озыра овмӧдчас тіян пытшкӧ. Мывкыда велӧдӧй-туйдӧдӧй ӧта-мӧднытӧ. Господьӧс аттьӧалӧмӧн сьӧлӧмсяньныд сьылӧй псаломъяс, ошкана сьыланкывъяс да бурсьылӧмъяс.

Лука 19:2

Сэні оліс Заккей нима озыр морт, вот перйысьяслӧн юралысьыс.

Шусьӧгъяс 30:9

Коланасьыс унджык мед оз ло менам, ӧд сэки ме верма бергӧдчыны Тэысь, верма шуны: «Ог тӧд Господьӧс». А гӧльма кӧ, пета гусясьны да Тэнсьыд нимтӧ, Енмӧй, янӧда.

Индӧд 8:17

Энӧ мӧвпалӧй, мый ті асланыд вынӧн да ас киӧн озырлуннытӧ лӧсьӧдінныд.

Римӧ 11:20

Тайӧ тадз. Найӧс чегисны эскытӧмысла, а тэ кутчысян эскӧмнад. Асьтӧ вылӧ эн пукты, но полӧмпырысь ов.

Осий 13:6

Но кор тэнад вӧліны йирсянінъяс, тэ пӧттӧдз сёйлін. А кор пӧтлін, сьӧлӧмад ыкшаасин да вунӧдлін Менӧ.

Еремей 2:31

Ӧнія олысьяс, гӧгӧрвоӧй Господьлысь кывсӧ: Вӧлі-ӧ Ме Израиль войтырлы овтӧминӧн? Вӧлі-ӧ Ме сылы пемыд муӧн? Мыйла Менам войтырӧй шуӧ, ми пӧ мунам, кытчӧ кӧсъям, огӧ пӧ бергӧдчӧй Тэ дінӧ?

Шусьӧгъяс 23:5

Чӧвтан синтӧ озырлун вылад, а сійӧ абу нин, сійӧ вӧчӧма аслыс бордъяс да кутш моз лэбзьӧма енэжлань.

Псалтыр 104:28

Господь мӧдӧдіс пемыдсӧ, пуксис сап пемыд, и египетсаяс эз вермыны паныд кыпӧдчыны Сылы.

Псалтыр 62:10

Найӧс, кодъяс кӧсйӧны босьтны менсьым олӧмӧс, лоӧ шыбитӧма пыдӧстӧм гуӧ.

Псалтыр 52:7

Сионысь мед воас Израильлы мездмӧмыс! Кор Енмыс бӧр бергӧдас Ассьыс войтырсӧ пленысь, сэки Яков кутас нимкодясьны, Израиль кутас гажӧдчыны.

2 Каднебӧг 26:16

Но кор Озейлӧн юралӧмыс зумыдмис, сійӧ пондіс ышнясьны, и тайӧ вайӧдіс сійӧс кулӧмӧдз. Сійӧ мыж вӧчис аслас Господь Енлы паныд, ӧд сійӧ пырис Господьлӧн крамӧ, медым тшынӧдчан висьпуктанін вылын тшынӧдчыны.

Индӧд 33:15

медбурнас, мый кисьмӧ важ керӧсъяс вылын, сӧвмӧ нэмӧвӧйся ыбъяс вылын,

Олӧм 13:2

Ӧврам ёна озырмис, сылӧн вӧлі уна ыж-мӧс да эзысь-зарни.

2 Тимофейлы 4:10

Димас эновтіс менӧ да муніс Фессалоникаӧ. Сылы тайӧ мувывса олӧмыс мусаджык вӧлӧма. Крискент муніс Галатӧ, Тит – Далматияӧ, ӧтнас Лука мекӧд.

1 Тимофейлы 6:13

Ставыслы олӧм сетысь Ен водзын да Исус Кристос водзын, коді восьсӧн висьталіс збыльсӧ Понтий Пилатлы, ме кора тэнӧ:

1 Тимофейлы 1:3

Македонияӧ мӧдӧдчигӧн ме кори тэнӧ олыштны Ефесын кодсюрӧӧс ӧлӧдӧм могысь, медым найӧ эз велӧдны ылӧгас,

1 Фессалоникаӧ 1:9

Миянлы быдлаын висьтавлӧны, кыдзи ті сибӧдінныд миянӧс да бергӧдчинныд идолъясысь. Ті кутінныд кесъявны збыль да ловъя Енлы

Ефесӧ 5:5

Тӧдӧй, мый Кристослӧн да Енлӧн Юраланіныс оз вичмы ни ӧти кырсалысьлы, пеж оласногалы да горшасьысьлы, коді копрасьӧ озырлунлы Енмыслы пыдди.

Ап. уджъяс 17:25

Мортсянь отсӧгыс Сылы оз ков, Сылӧн ставыс эм. Сійӧ Ачыс сетӧ быдӧнлы олӧм, ловшы да став коланасӧ.

Ап. уджъяс 14:27

Воӧм бӧраныс найӧ чукӧртісны эскысьясӧс да висьталісны ставсӧ, мый вӧчис на пыр Енмыс, кыдзи Сійӧ восьтіс ентӧдтӧмъяслы эскӧмас ӧдзӧссӧ.

Марк 10:24

Велӧдчысьяс чуймисны Сылӧн кывъясысь. Исус выльысь шуис: «Челядь, кутшӧм сьӧкыд пырны Енлӧн Юраланінӧ сылы, коді озырлун вылӧ лачаӧн олӧ!

Матвей 27:57

Рытнас Аримафея карысь воис Ӧсип нима озыр морт, Исуслӧн велӧдчысь.

Матвей 6:32

Тайӧ ставыс майшӧдлӧ ентӧдтӧмъясӧс. Но енэжвыв Батьныд тӧдӧ, мый ставыс тайӧ колӧ тіянлы.

Даниил 4:30

Дзик пыр инісны тайӧ кывъясыс Навукодоносор олӧмын: сійӧс вӧтлісны йӧз дінысь, ӧш моз сійӧ сёйис турун, сылысь вир-яйсӧ кӧтӧдіс лысва. Сылӧн юрсиыс быдмис да лои кутшлӧн борд кодь кузь, а гыжъясыс лоины лэбачлӧн гыжъяс кодьӧсь.

Езекиль 16:56

Ыкшаасигад тэ Содом йылысь увтыртӧмӧн сёрнитін,

Псалтыр 62:8

Ӧд Тэ – меным отсӧг сетысьыс, Тэнад бордъяс улын ме кута долыда нимкодясьны.

Титлы 3:6

Исус Кристос Мездысьным пыр Сійӧ лышкыда кисьтіс миян пытшкӧ Вежа Ловсӧ,

1 Тимофейлы 5:21

Ен водзын, Господь Исус Кристос водзын да бӧрйӧм анделъяс водзын кора тэнӧ: кутчысь тайӧ туйдӧдӧмас. Нинӧм эн вӧч ассяньыд, чужӧм вылӧ видзӧдӧмӧн.

1 Тимофейлы 3:15

медым, падма кӧ, тэ тӧдін, кыдзи кутны асьтӧ Ен керкаын, ловъя Енлӧн вичкоын. Ӧд вичкоыс эм збыльыслӧн сюръяыс да подулыс.

Еклесиаст 2:24

Мырсян-пессян олӧмас мортлы сёйӧм-юӧм да нимкодясьӧм дорысь бурджыкыс абу. Ме гӧгӧрвои, мый и тайӧ – Енсянь.

Еремей 49:4

Мыйла ті ошйысянныд асланыд ковтысъясӧн? Эскытӧм войтыр, тіян ковтысын пондас киссьыны вир. Ті лача кутанныд асланыд озырлун вылӧ, шуаланныд, некод пӧ оз уськӧдчы миян вылӧ.

Матвей 12:32

Коді лёкӧдас Морт Пиӧс, сійӧс лоӧ прӧститӧма. Но коді лёкӧдас Вежа Лолӧс, сійӧс оз ло прӧститӧма тайӧ олӧмас, весиг локтанаас».

Лука 3:11

Сійӧ вочавидзис: «Тэнад кӧ кык дӧрӧм, ӧтисӧ сет, кодлӧн абу. Тэнад кӧ эм сёян, тшӧтш тадзи вӧч».

1 Тимофейлы 6:9

Коді кӧсйӧ озырмыны, сійӧ сетчӧ ыштӧмас да шедӧ налькйӧ. Сійӧ сетчӧ быдпӧлӧс мывкыдтӧмлунас да лёк кӧсйӧмас, мый бырӧдӧ йӧзсӧ да вайӧдӧ найӧс кулӧмӧ.

2 Петыр 1:11

Сэки ті восьса ӧдзӧсӧд верманныд пырны миян Мездысь Господь Исус Кристослӧн помтӧм Юраланінӧ.

Матвей 25:16

Вит талант босьтысь пырысь-пыр сьӧмсӧ уджӧ бергӧдас да содтӧд босьтас вит талант.