1 Тимофейлы 5:17 - Коми Библия 2023

¹⁷ Вичкоса юрнуӧдысьясӧс, кодъяс бура уджалӧны, колӧ вылӧ донъявны, торйӧн нин Ен кыв висьталысьясӧс да велӧдысьясӧс. Колӧ бура мынтысьны налы.

1 Тимофейлы 5:17 Referans Kwoze

Еврейяслы 13:17

Кывзысьӧй вичкоса веськӧдлысьяслысь, кывзӧй найӧс, ӧд найӧ дугдывтӧг тӧждысьӧны тіян вӧсна. Налы ковмас вочавидзны Ен водзын тіян вӧсна. Кывзысьӧй налысь, медым тайӧ уджсӧ найӧ вӧчисны долыдпырысь, а эз ышлолалӧмӧн. Ӧд таысь тіянлы бурыс оз ло.

Галатӧ 6:6

Ен кывйӧн туйдӧдӧмаыс мед юксяс быд бурнас туйдӧдысьыскӧд.

Лука 10:7

Кольччӧй сійӧ керкаас, сёйӧй-юӧй мый тіянлы сетасны, ӧд уджалысьлы мынтысьӧны уджыс серти. Энӧ вуджӧй мӧд керкаӧ.

Еврейяслы 13:7

Энӧ вунӧдӧй ассьыныд веськӧдлысьяснытӧ, ӧд найӧ висьтавлісны тіянлы Енлысь кывсӧ. Видзӧдӧй налӧн олӧм пом вылӧ да эскӧй на моз.

2 Тимофейлы 2:6

Быдтасысь пайсӧ медводз босьтӧ сьӧкыд удж вӧчысь.

Филипӧ 2:29

Сибӧдӧй Епафродитӧс нимкодьпырысь, ӧд сійӧ кесъялӧ Господьлы. Татшӧм йӧзсӧ вылӧ донъялӧй.

Римӧ 12:8

кодлы сетӧма ышӧдны, мед ышӧдӧ, кодлы сетӧма отсасьны аслас эмбурӧн, мед отсасьӧ сьӧлӧмсяньыс, кодлы сетӧма веськӧдлыны, мед веськӧдлӧ тӧждысьӧмӧн, кодлы сетӧма бурсӧ вӧчны, мед вӧчӧ нимкодьпырысь.

Ап. уджъяс 28:10

Найӧ быд ногыс аттьӧалісны миянӧс, муніганым весиг сетісны миянлы став коланаторсӧ.

2 Коринфӧ 6:1

Ми, Енкӧд ӧтвыв уджалысьяс, корам тіянӧс: сибӧдӧй Енлысь буралӧмсӧ, мед сійӧ эз ло весьшӧрӧ.

Римӧ 16:12

Чолӧм тшӧтш мӧдӧда Енлысь уджсӧ вӧчысьяслы: Трифеналы да Трифосалы. Чолӧм муса Персида чойлы, сійӧ ёна уджаліс Господьлы.

Римӧ 15:27

Тадзи шуисны вӧчны, ӧд найӧ уджйӧзаӧсь иудейяслы. Иудейяс пыр ентӧдтӧмъяслы вичмис енэжвывса бурсиӧмыс, та вӧсна налы колӧ отсавны иудейяслы быдлунъя олӧмын.

Филипӧ 4:3

Кора тэнӧ, эскана уджъёртӧй, отсав тайӧ аньясыслы. Кор ме висьтавлі Бур Юӧрсӧ, найӧ пыр вӧліны мекӧд, кыдзи и Климент да мукӧд уджалысьяс, кодъяслысь нимъяссӧ гижӧма Олӧмыслӧн небӧгӧ.

1 Коринфӧ 16:16

кывзысьӧй налысь, тшӧтш накӧд ӧтвыв уджалысьяслысь да кесъялысьяслысь.

Ап. уджъяс 11:30

Тадзи и вӧчисны: Варнавакӧд да Савлкӧд найӧ мӧдӧдісны вичкоса юрнуӧдысьяслы сьӧм.

Ӧксыяслӧн 4 небӧг 2:9

Вуджӧм бӧраныс Илля юаліс Елисейлысь: «Тэ дінысь менӧ босьттӧдз мый тэ кӧсъян, мед ме вӧчи тэныд?» Елисей вочавидзис: «Тэын олысь лолыс мед лоас ме пытшкын кык пӧвстӧн унджык мукӧд велӧдчысьяс пытшкын дорысь».

2 Тимофейлы 4:2

ло дась висьтавны Енлысь кывсӧ лӧсялан и лӧсявтӧм кадӧ. Бур велӧдысь моз терпитӧмӧн янӧд, ӧлӧд да туйдӧд.

1 Тимофейлы 4:16

Видзӧд ас бӧрсяыд, кыдзи олан да мыйӧ велӧдан. Вӧч тайӧс дугдывтӧг, ӧд тадзи вӧчигӧн тэ асьтӧ мездан, тшӧтш тэнӧ кывзысьясӧс.

1 Тимофейлы 3:5

Сійӧ кӧ оз сяммы веськӧдлыны гортсанас, вермас-ӧ тӧждысьны Енлӧн вичкоыс вӧсна?

Филипӧ 2:16

Кутчысьӧй олӧмыслӧн кывйӧ, сэки Кристослӧн лунӧ ме верма ошйысьны, мый эг весьшӧрӧ уджав да мырсьы тіян пӧвстын.

Матвей 24:25

Со, Ме водзвыв висьталі тіянлы.

Еврейяслы 13:24

Висьталӧй чолӧм вичкоса веськӧдлысьяслы да став вежа войтырлы. Тіянлы ыстӧны чолӧм италияса эскысьяс.

1 Тимофейлы 4:10

Ми ёна мырсям да нуам лёкӧдӧмсӧ, ӧд лачанымӧс кутам ловъя Ен вылӧ. Сійӧ – быдӧнлы Мездысь, торйӧн нин эскысьяслы.

1 Коринфӧ 15:10

Но Енлӧн буралӧмыс вӧсна ме сэтшӧм, кутшӧм эм. Сылӧн буралӧмыс ме дінӧ эз вӧв весьшӧрӧ, ӧд ме уджалі мукӧд апостол дорысь ёнджыка на. Дерт, ме эг ачым уджав, а ме пытшкын олысь Енлӧн буралӧмыс уджаліс.

Ап. уджъяс 20:35

Ме быдторйын петкӧдлі тіянлы, мый татшӧм ногӧн – уджалӧмӧн да Господь Исуслысь кывъяссӧ тӧд вылын кутӧмӧн – колӧ тӧждысьны вынтӧмъяс вӧсна. Сійӧ Ачыс шуліс: ”Босьтӧм дорысь бурджык сетны”».

Иоан 4:38

Ме мӧдӧді тіянӧс вундыны му вылӧ, кытчӧ ті энӧ кӧдзлӧй. Сэні мырсисны мукӧдыс, но ті накӧд тшӧтш идраланныд быдтӧмторсӧ».

Лука 12:42

Господь шуис: «Лоӧй эскана да мывкыд кесйӧг кодьӧсь. Татшӧмсӧ ыджыдыс пуктас веськӧдлыны мукӧд кесйӧгъясӧн, медым ас кадӧ сетны налы сёян-юан.

Закар 9:12

Бӧр локтӧй асланыд изкарӧ, пленӧ босьтӧмаяс, помӧдзыс лача кутысьяс. Талун Ме юӧрта, мый кык пӧвстӧн тэныд ставсӧ бӧр бергӧда.

Еремей 17:18

Менӧ дзескӧдысьяс мед яналасны, а менӧ эн лэдз янӧдны! Найӧ мед поласны-тіраласны, а менӧ эн лэдз повзьӧдны! Мӧдӧд налы сьӧкыд кад, дзикӧдз пасьварт-бырӧд найӧс!

Еремей 16:18

Налӧн мыжъясысь да лёк вӧчӧмъясысь Ме кык пӧвстӧн налысь водзӧс перъя, перъя сыысь, мый найӧ пежалісны Менсьым муӧс зывӧк идолъяснаныс, тыртісны пежторъяснаныс».

Исай 40:2

Меліа висьталӧй Ерусалимлы, юӧртӧй сылы, мый сылӧн сьӧкыдалан кадлы воис пом, мый сылысь мыжъяссӧ прӧститӧма. Господь мынтысис сылы кык пӧвстӧн став сылӧн мыжъясысь.

1 Тимофейлы 5:3

Тӧждысь ӧткӧн олысь дӧваяс вӧсна.

1 Тимофейлы 4:6

Туйдӧд тадзи вокъястӧ, сэки тэ лоан Исус Кристослӧн бур кесъялысьӧн. Тадзи тшӧтш асьтӧ пӧткӧдан эскӧмлӧн кывъясӧн да бур велӧдӧмӧн, мый серти олан.

1 Коринфӧ 3:9

Ми – Енлӧн уджъёртъяс, а ті – Сылӧн кӧдзӧм муыс, Сылӧн тэчасыс.

1 Тимофейлы 4:14

Видз Енсянь сетӧмторсӧ, кодӧс вӧлі сетӧма тэныд пророклӧн висьталӧмыс пыр вичкоса юрнуӧдысьяслӧн ки пуктылігӧн.

1 Тимофейлы 5:19

Вичкоса юрнуӧдысьӧс кӧ мыждӧны мыйыськӧ, тайӧ мыждӧмсӧ эн кывзы, оз кӧ сійӧс вынсьӧдны кык либӧ куим аддзылысь.

Лыд 18:31

А мый тіянлы коляс, сійӧс ті асланыд котыръяскӧд верманныд сёйны, кӧні кӧсъянныд. Тайӧ лоӧ тіян удждонныд вежа чомйын кесъялӧмысь.

Индӧд 18:8

Сылы мед ӧтмоза сетасны сёян, весиг кӧ сылӧн эм мыйкӧ батьыслысь эмбурсӧ вузалӧмысь».