1 Тимофейлы 5:14 - Коми Библия 2023

¹⁴ Та вӧсна кӧсъя, медым том дӧваяс верӧс сайӧ петісны, кага чужтісны да гортныс вӧсна тӧждысисны. Сэки найӧ оз сетны помкасӧ паныд сувтысьяслы омӧльтны эскысьясӧс.

1 Тимофейлы 5:14 Referans Kwoze

Титлы 2:5

А сідзжӧ мед велӧдасны найӧс лоны сюсь вежӧраӧн, сӧстӧм сьӧлӧмаӧн, шаньӧн, тӧждысьны гортныс вӧсна да кывзысьны верӧсныслысь. Сэки Енлысь кывсӧ оз ло омӧльтӧма.

1 Тимофейлы 6:1

Сийӧсувса кесйӧгъяс, быдторйын пыдди пуктӧй ыджыдъяснытӧ, медым эз ло лёкӧдӧма Енлысь нимсӧ да Сылысь велӧдӧмсӧ.

Титлы 2:8

Сёрнит веськыда да тырвыйӧ эскӧд, медым паныд сувтысь яналас да нинӧм лёксӧ оз вермы шуны миян йылысь.

1 Тимофейлы 4:3

Найӧ оз лэдзны гӧтрасьны да сёйны сійӧ, мый Енмыс вӧчис. Но Енмыс вӧчис сёянсӧ, медым эскысьяс, збыльсӧ тӧдысьяс, сёйисны сійӧс Енсӧ аттьӧалӧмӧн.

Даниил 6:4

Сэки ыджыдалысьяс да сатрапъяс пондісны корсьны помка, медым мыжавны Даниилӧс сыысь, мый оз колана ногӧн юрав. Но найӧ нинӧм эз аддзыны, ӧд Даниил эз пӧръясь, а ставсӧ вӧчис веськыда.

Шусьӧгъяс 14:1

Мывкыд гӧтырнад керкаыд сулалӧ, вежӧртӧм гӧтырыд ачыс керкасӧ кисьтӧ.

Еврейяслы 13:4

Гозъякост олӧмныд мед лоӧ сӧстӧм, вольпасьныд мед лоӧ пежасьтӧм, ӧд кырсалысьӧс да гозъякост олӧм пежалысьӧс мыждас Ен.

1 Тимофейлы 5:11

Томджыкъясӧс дӧваяс лыдӧ эн пырт. Кор найӧ сетчӧны ыштӧмас, сэки ылыстчӧны Кристосысь да тэрмасьӧны петны верӧс сайӧ.

1 Тимофейлы 2:8

Ме кӧсъя, медым айулов быдлаын кевмысисны кинысӧ кыпӧдӧмӧн, сӧстӧм сьӧлӧмӧн, лӧгавтӧг да майшасьтӧг.

2 Коринфӧ 11:12

Ме ог сет некутшӧм помка налы, кодъяс ошйысьӧны, мый найӧ кесъялӧны Енмыслы миян моз.

Римӧ 14:13

Водзӧ огӧ кутӧй мыжавны ӧта-мӧднымӧс. Мӧдарӧ, видзӧдӧй, медым энӧ крукӧдӧй да энӧ уськӧдӧй вокнытӧ.

Ӧксыяслӧн 2 небӧг 12:14

Но тайӧ вӧчӧмторнад тэ сетін помка Господьӧс мустӧмтысьяслы омӧльтны Сійӧс. Та вӧсна кулас тэнад пузчужӧм пиыд». Сэсся Нафан бӧр муніс гортас.

Олӧм 18:9

«Кӧні Сарра гӧтырыд?» – юалісны сылысь. Сійӧ вочавидзис: «Чомйын».

Олӧм 18:6

Тэрмасьӧмӧн Ӧвраам пырис Сарра ордӧ да шуис: «Босьт куим куд тыр медбур пызь да ӧдйӧджык пӧжав шомтӧм нянь».

Еремей 29:6

Гӧтрасьӧй да чужтӧй ныв-пиӧс, пияннытӧ гӧтрӧдӧй, нывъяснытӧ сетӧй верӧс сайӧ, медым найӧ тшӧтш чужтасны ныв-пиӧс. Рӧдмӧй сэні, а энӧ чинӧй!