1 Тимофейлы 5:13 - Коми Библия 2023

¹³ Керкаысь керкаӧ ветлігӧн найӧ весьшӧрӧ каднысӧ коллялӧны, суклясьӧны, быдлаӧ нырнысӧ сюйӧны да ковтӧм сёрни паськӧдӧны.

1 Тимофейлы 5:13 Referans Kwoze

Шусьӧгъяс 20:19

Суклясьысь морт восьтӧ мӧдлысь гусяторсӧ, паськыд вомакӧд эн волысь.

Ап. уджъяс 20:30

Весиг тіян пӧвстысь сюрасны йӧз, кодъяс пондасны мӧдарӧ велӧдны да кыскыны ас бӧрсяыс велӧдчысьясӧс.

Шусьӧгъяс 31:27

Гортас ставыс сылӧн син улас, дась нянь вылын сійӧ оз ов.

Титлы 1:11

Татшӧмъясыслысь колӧ тупкыны вомсӧ. Яндысьтӧм горшлунныс вӧсна найӧ асланыс велӧдӧмӧн шӧйӧвоштӧны дзонь керкаяс, мыйӧ оз ков велӧдӧны.

Ап. уджъяс 20:20

Йӧз водзын да тіян гортъясын велӧдігӧн ме висьталі тіянлы став коланасӧ.

Лука 10:7

Кольччӧй сійӧ керкаас, сёйӧй-юӧй мый тіянлы сетасны, ӧд уджалысьлы мынтысьӧны уджыс серти. Энӧ вуджӧй мӧд керкаӧ.

Левит 19:16

Аслад войтыр пӧвстын ылӧг сёрни эн паськӧд. Эн вешйы бокӧ, тэнсьыд матыссатӧ кӧ кодкӧ мыждӧ кулӧм вылӧ. Ме – Господь [тіян Енныд].

3 Иоан 1:10

Та вӧсна, кор ме локта, казьтышта сылы уджъясыс йылысь: сійӧ ӧд паськӧдӧ миян йылысь лёк сёрни. Но тайӧ этша на, сійӧ вокъясӧс оз сибӧд, тшӧтш мукӧдыслы оз лэдз тайӧс вӧчны. А сибӧдны кӧсйысьясӧс весиг вӧтлӧ вичкосьыс.

1 Петыр 4:15

Сӧмын тіян пиысь некод мед оз сьӧкыдав морт виӧмысь либӧ гусясьӧмысь, лёк вӧчӧмысь либӧ суклясьӧмысь.

Яков 3:10

Ӧти вомысь петӧ ошкӧм и ёрӧм. Вокъяс, тадзи оз вермы лоны!

Шусьӧгъяс 7:11

этш тӧдтӧм да ӧвсьытӧм, гортас сылы оз овсьы,

Шусьӧгъяс 11:13

Суклясьысь морт мӧдлысь гусяторсӧ восьтӧ, эскана морт – ас пытшкас кутӧ.

1 Тимофейлы 5:12

Найӧ мыжмӧны, ӧд ӧтдортчӧны эскӧмысь.