1 Тимофейлы 4:4 - Коми Библия 2023

⁴ Енмыслӧн став вӧчӧмторйыс бур. Сёян кӧ аттьӧалӧмӧн, сэки нинӧмысь повнысӧ.

1 Тимофейлы 4:4 Referans Kwoze

Римӧ 14:20

Сёян вӧсна эн жугӧд Енлысь уджсӧ. Ставыс сӧстӧм, но мортыслы лёк, крукӧдӧ кӧ аслас сёянӧн мӧдсӧ.

1 Коринфӧ 10:25

Повтӧг сёйӧй вузасьысьлысь ньӧбӧм яй. Нинӧм энӧ юасьӧй, медым тіян сьӧлӧмныд эз мыжды тіянӧс.

Римӧ 14:14

Ме бура тӧда да эска Господь Исуслы, мый, збыльвылас, нинӧм абу пеж. Сӧмын сылы лоӧ пеж, коді лыддьӧ мыйкӧ пежӧн.

1 Коринфӧ 10:23

«Меным ставсӧ позьӧ», но абу ставыс бур вылӧ. «Меным ставсӧ позьӧ», но оз ставыс велӧд бурас.

Ап. уджъяс 21:25

А эскӧмӧ бергӧдчӧм ентӧдтӧмъяслы ми гижлім, мед видзасны асьнысӧ идоллы вайӧм сёянысь, вир юӧмысь, джагалӧм пемӧс яй сёйӧмысь да кырсалӧмысь. Мукӧд тшӧктӧмас налы оз ков кутчысьны».

1 Тимофейлы 4:3

Найӧ оз лэдзны гӧтрасьны да сёйны сійӧ, мый Енмыс вӧчис. Но Енмыс вӧчис сёянсӧ, медым эскысьяс, збыльсӧ тӧдысьяс, сёйисны сійӧс Енсӧ аттьӧалӧмӧн.

Олӧм 1:31

Ен видзӧдліс Аслас вӧчӧмторъяс вылӧ и аддзис, мый ставыс вывті бур. Вӧлі рыт, вӧлі асыв – квайтӧд лун.

Индӧд 32:4

Сійӧ – зумыд изйыс, Сылӧн уджъясыс тыр-бурӧсь, Сылӧн туйясыс веськыдӧсь. Сійӧ – эскана Ен, Сы пытшкын ылӧгыс абу, Сійӧ – веськыда вӧчысь Ен.

Ап. уджъяс 15:29

Видзӧй асьнытӧ идоллы вайӧм сёянысь, вир юӧмысь, джагалӧм пемӧс яй сёйӧмысь да кырсалӧмысь, энӧ вӧчӧй мукӧдлы сійӧ, мый онӧ кӧсйӧй аслыныд. Тайӧ тшӧктӧмъяс сертиыс кӧ оланныд, бур лоас. Олӧй бура!»

Ап. уджъяс 10:15

Сэсся бара кыліс: «Енмыс мый сӧстӧммӧдӧма, эн лыддьы сійӧс пежӧн».

Римӧ 14:6

Лунъяс торйӧдысь – Господь понда найӧс торйӧдӧ, коді оз торйӧд – Господь понда оз торйӧд. Быдтор сёйысь – Господь понда сёйӧ да Енсӧ аттьӧалӧ, коді оз сёй быдторсӧ – Господь понда оз сёй да тшӧтш Енсӧ аттьӧалӧ.

1 Коринфӧ 10:26

Муыс да ставыс, мый сэні эм – Господьлӧн.

1 Коринфӧ 10:30

Ме кӧ аттьӧала Енсӧ, сідзкӧ, мыйла менӧ мыждынысӧ, ӧд ме аттьӧала Енсӧ сёянысь?