1 Тимофейлы 4:3 - Коми Библия 2023

³ Найӧ оз лэдзны гӧтрасьны да сёйны сійӧ, мый Енмыс вӧчис. Но Енмыс вӧчис сёянсӧ, медым эскысьяс, збыльсӧ тӧдысьяс, сёйисны сійӧс Енсӧ аттьӧалӧмӧн.

1 Тимофейлы 4:3 Referans Kwoze

1 Тимофейлы 4:4

Енмыслӧн став вӧчӧмторйыс бур. Сёян кӧ аттьӧалӧмӧн, сэки нинӧмысь повнысӧ.

Еврейяслы 13:4

Гозъякост олӧмныд мед лоӧ сӧстӧм, вольпасьныд мед лоӧ пежасьтӧм, ӧд кырсалысьӧс да гозъякост олӧм пежалысьӧс мыждас Ен.

Римӧ 14:6

Лунъяс торйӧдысь – Господь понда найӧс торйӧдӧ, коді оз торйӧд – Господь понда оз торйӧд. Быдтор сёйысь – Господь понда сёйӧ да Енсӧ аттьӧалӧ, коді оз сёй быдторсӧ – Господь понда оз сёй да тшӧтш Енсӧ аттьӧалӧ.

Колосӧ 2:16

Сідзкӧ, некод мед оз мыжав тіянӧс сёян-юанысь, вежа лунъясысь, выль тӧлысь пасйӧмысь да шойччан лунӧ кутчысьӧмысь,

1 Коринфӧ 8:8

Но сёяныс оз матыст миянӧс Ен дінӧ. Ми кӧ огӧ сёйӧй – нинӧм огӧ воштӧй, а сёям кӧ – тайӧ нинӧм оз содты миянлы.

Олӧм 9:3

Став пемӧссӧ сета тіянлы сёян пыдди, кыдзи водзынджык сеті тіянлы веж быдмӧгъяс.

Колосӧ 3:17

Кывйӧн-ӧ, уджӧн-ӧ мыйкӧ вӧчанныд, ставсӧ вӧчӧй Господь Исус Кристос нимӧн да аттьӧалӧй Сы пыр Ен Батьӧс.

1 Коринфӧ 7:28

Дерт, гӧтрасян кӧ, он мыжмы. Ныв кӧ петас верӧс сайӧ, тшӧтш оз ло мыжа. Но гозъякост олӧмас виччысьӧ тіянӧс уна сьӧкыдлун, да таысь кӧсъя видзны тіянӧс.

Римӧ 14:3

Быдтор сёйысь, эн увтырт быдмӧг сёйысьӧс, и тэ, быдмӧг сёйысь, эн мыжав быдтор сёйысьӧс. Енмыс ӧд кыкнаннытӧ сибӧдӧ.

Еврейяслы 13:9

Энӧ лэдзӧй кежӧдны асьнытӧ быдпӧлӧс ылӧгвелӧдӧмас. Бурджык, ті кӧ ёнмӧданныд сьӧлӧмнытӧ Енлӧн буралӧмӧн, а онӧ сёян-юан йылысь велӧдӧмӧн. Ӧд татшӧм велӧдӧмыс сы серти олысьяслы нинӧм бурсӧ оз сет.

1 Тимофейлы 2:4

Сійӧ кӧсйӧ, медым став йӧзыс мездмисны да тӧдісны збыльсӧ.

1 Коринфӧ 6:13

Сёяныд – кынӧмлы, а кынӧмыд – сёянлы. Но Енмыс бырӧдас ӧтисӧ и мӧдсӧ. Вир-яйыд абу кырсалӧм вылӧ, сійӧ – Господьлы, а Господь – вир-яйлы.

Римӧ 14:17

Ӧд Енлӧн Юралӧмыс абу сёйӧм да юӧм, тайӧ – Вежа Ловсянь веськыдлун, лӧньлун да нимкодьлун.

Матвей 15:36

Ачыс босьтіс сизим няньсӧ да черисӧ, Енмӧс аттьӧалӧмӧн чегъяліс няньсӧ да сетіс велӧдчысьясыслы, а велӧдчысьяс – йӧзыслы.

Еклесиаст 5:18

Енмыс кӧ сетӧ мортлы озырлун да овмӧс-эмбур, лэдзӧ сы помысь овны-вывны, босьтны ассьыс пайсӧ да нимкодясьны мырсян-пессян олӧмас, тайӧ сылы – Енсянь козин.

Матвей 14:19

Сійӧ тшӧктіс йӧзыслы пуксявны турун вылӧ. Ачыс босьтіс вит няньсӧ да кык черисӧ, видзӧдліс енэжӧ да Енмӧс аттьӧалӧмӧн чегъяліс няньсӧ, сэсся сетіс велӧдчысьясыслы. Велӧдчысьяс разӧдісны йӧзыслы.

Ап. уджъяс 27:35

Тайӧс шуӧм бӧрын босьтіс нянь, ставныслӧн син водзын Енмӧс аттьӧалӧмӧн чегъяліс да пондіс сёйны.

Иоан 6:23

Тиверия карсянь локтісны пыжаяс да сувтісны сэтчӧ, кӧні Енмӧс аттьӧалӧмӧн Господь водзынджык вердіс йӧзсӧ.

Лука 24:30

Сёйиганыс Исус босьтіс нянь, Енмӧс аттьӧалӧмӧн чегъяліс няньсӧ да сетіс налы.

Даниил 11:37

Сійӧ оз кут пыдди пуктыны аслас батьяслысь енъяссӧ, аньяслысь муса енсӧ и некутшӧм енмӧс, но асьсӧ пуктас ставсьыныс медвылӧ.

Ӧксыяслӧн 1 небӧг 9:13

Ті суанныд сійӧс, ӧд сійӧ эз на пет карсьыс, медым мунны вись ваян мыльк вылӧ сёйны. Йӧзыс оз кутны сёйны, кытчӧдз сійӧ оз лок да оз бурси вайӧм висьсӧ. Та бӧрти корӧмаяс вӧлисти кутасны сёйны. Мунӧй, ті сійӧс суанныд на».

Матвей 15:11

Мортӧс оз пежав сійӧ, мый вомас пырӧ, а пежалӧ, мый вомсьыс петӧ».

1 Тимофейлы 5:14

Та вӧсна кӧсъя, медым том дӧваяс верӧс сайӧ петісны, кага чужтісны да гортныс вӧсна тӧждысисны. Сэки найӧ оз сетны помкасӧ паныд сувтысьяслы омӧльтны эскысьясӧс.